- Hof a reduci e suma cu ex minister Croes mester paga bek di expropiacion
- Corte na Hulanda a rechasa peticion di dr Braam pa limpia su carchi di castigo
- Gobernador di Los Angeles cu critica riba actuacion laat di polis contra demonstracionan
- Parlamento a ‘schedule’ tratamento di ley matrimonio mesun sexo pa otro siman diabierna!
- Wever-Croes: Parlamentarionan di MEP por vota segun nan consenshi pa ley di matrimonio mesun sexo
Elmer Wilsoe: “No por continua den un Reino cu continuamente tin pleitamento y problema”
ORANJESTAD – “Nos a bin Aruba pa busca consenso riba tur puntonan di diferencia, den Reino Hulandes”. Esaki ta palabra di lider di delegacion parlamentario di Corsou, Elmer “Kade Wilsoe” na Noticiacla.com awe mainta. E parlamentario ta lidera e delegacion di Corsou pa e reunionnan interparlamentario di paisnan di Reino, cu ta inicia mayan mainta. “Nos a bin pa duna contenido na e palabra ‘constructieve samenwerking” y pa tin respet pa otro y acepta diferente cultura.
“Bo no por continua den un Reino cu continuamente tin pleitamento cu problema” Wilsoe a bisa. Mester wak con por elimina e puntonan pa elimina esaki. Cu esaki Wilsoe ta nifica tur e gruponan den Reino. “Pasobra tin yen di cos cu nos ta di acuerdo cu Aruba, y tin yen di cos cu nos no ta di acuerdo cu Aruba. Pero esey no mester bira motibo pa nos ta enemigo di Aruba” Wilsoe a continua bisando. E ta considera e cosnan aki completamente los di otro. Mester por acepta otro su opinion despues di a delibera cu otro. Pa loke ta e topiconan cu lo ta cataloga como ‘tenso’, e tin su pensamento. E no ta considera e topiconan manera geschillenregeling, reglanan di gobernador y e asunto di screening como topiconan ‘tenso’. “Kico ta hot?” Wilsoe ta bisa. E ta sinti cu ora cu tin personanan madura ta papia cu otro, cu por discuti, intercambia over di delaster un punto. “No ta para ningun caminda cu nos no por tin opinion diferente” e lider parlamentario a sigui bisa.
Parlamento a ‘schedule’ tratamento di ley matrimonio mesun sexo pa otro siman diabierna!
ORANJESTAD – Despues di hopi speculacion y comentario, Parlamento e siman aki a programa e tratamento di e ley riba matrimonio di mesun sexo, pa tuma lugar manera planea esta dia 8 di mei proximo. Tabatin speculacion di partidonan den Parlamento cu e ley lo no a wordo programa, debi na su embergadura y controversia di e tema. Tabatin te hasta gritonan cu ta bisa cu ‘si trata e ley aki, gobierno ta cay’, pasobra si e ley pasa esaki ta funesto pa e partido MEP. E siman aki e ‘oproeping oficial a sali, cu ta yama tur parlamentario pa trata e ley aki, cu ta cuminsa pa 9’or di mainta. E intencion ta pa na final di e tratamento, vota pa esaki y wak kico ta bira e resultado.
Wever-Croes: Parlamentarionan di MEP por vota segun nan consenshi pa ley di matrimonio mesun sexo
ORANJESTAD – Contrario na otro instantenan ora cu durante tratamento di un ley den Parlamento, e partido politico tin cu vota conforme ‘liña di partido’, esaki lo no ta vigente pa e ley riba matrimonio di mesun sexo. Diabierna awor 8 di mei, Parlamento lo trata e ley aki cu ta un ley cu tin atencion di hopi hende debi na su embergadura cu e por tin pa nos isla. Prome minister Evelyn Wever-Croes como lider di e partido geel, a bisa cu den e caso aki, cada parlamentario (di MEP) ta liber pa vota conforme nan consenshi, y no necesariamente segun liña di partido.
Cu e ‘Via Legal Alternativa’, gobierno kier legalisa esnan bibando ilegal na Aruba
ORANJESTAD – Gobierno ta trahando riba un maneho temporal nobo pa yuda principalmente e mercado laboral di Aruba pa haya trahado. Den e programa Noticiacla LIVE e siman aki, prome minister Evelyn Wever a relata loke cu colega minister Glenbert Croes di labor ta trahando ariba aworaki. A puntra e prome mandatario kico su pensamento ta riba e pensamento pa legalisa stranheronan ilegal, cu ta na ARuba caba, y conberti nan den trahadonan legal. E prome mandatario a confirma cu su colega ta implementando e regla temporal, esta e ‘Alternative Legal Pathway’ osea e ‘Via Legal Alternativa’.
VIDEO: Evelyn Wever Croes na ATIA riba indexering: Comercio lo beneficia directamente!
ORANJESTAD – Riba e mesun dia cu e gremio comercial ATIA a cuestiona e decision di gobierno di Aruba pa duna trahadornan publico indexering, prome minister Evelyn Wever Croes a contesta e gremio. E la haci esaki durante e programa Noticiacla LIVE diamars anochi ora cu e periodista y moderador di e programa Tito Laclé a confronte cu e pregunta y e tema aki.
Gobierno a firma cu sindicatonan pa cuminsa paga indexering atrobe
ORANJESTAD – Prome minister Evelyn Croes a informa cu dialuna nan a firma un acuerdo historico cu sindicatonan di empleado publico riba e tema di indexering 2018-2023, reconociendo un compensacion di perdida di forsa di compra di 11.7%, den e periodo di 2018-2023 den cual tabata tin un inflacion di 16.8%. “Nos a negocia intensamente den ultimo lunanan, na forma profesional y cu respet. Salario di empleado publico lo aumenta cu 6% entrante 1 di juli 2024, y cu 5.7% entrante 1 di januari 2025” e mandatario a sigui bisa.
Croes: Desempleo ta sigui baha te na 4% den 2023
ORANJESTAD - Dialuna mainta durante conferencia di prensa di Gobierno, Minister di Labor a anuncia e noticia cu e porcentahe di desempleo pa aña 2023 a baha te na 4%, di 5.2% cu e tabata na 2019.
Follow NoticiaCla
