Hildward Croes a fayece na Colombia

BOGOTA - E noticia cu hopi tabata teme, a yega diaranson merdia, ora cu a bira conoci cu e conocido musico arubano Hildward Croes a perde su bataya contra cancer. Esaki a keda confirma pa famia di Hildward Croes na NoticiaCla.com. For di siman pasa tabatin informacion cu Hildward su situacion a empeora y cu a pone cu famianan di dje mas serca a cuminsa yega Bogota pa ta presente cune. Oracionan rigoroso a cuminsa pa toch purba wak si esey ta yuda. Pero diaranson merdia e noticia lamentable a yega cu Hildward a bay sosega. Paz na su restonan y forza na famianan.