• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Sjiem Fat: Si kier retira Hoevertsz, dun’e loke ta para den contract!

ORANJESTAD – Frank Hoevertsz, despues di 9 aña na cabez di Utilities NV (e compania ‘madre’ di WEB y Elmar), a haya su retiro per direct como director dia 8 di januari ultimo, pero por a keda traha si na e compania, cobra salario y keda cu e auto di compania. Mesora su abogado Johan Sjiem Fat  a cuminsa e proceso pa bringa e retiro, y si por, logra e compensacion manera contracto di su cliente ta stipula. Pero despues di varios intento, partidonan no a haya otro y a bin huez pa determina kico e areglo final mester bira. E caso a tuma lugar awe diahuebs merdia.

POLITICA

Sjiem Fat a cuminsa argumenta cu no por wak e caso aki los di e contexto politico, den sentido cu asina cu un gobierno nobo sinta, ta custumber casi cu (tur) gobierno ta cambia directornan y pone nan hendenan di confiansa na e posicion aki. E ta yama esaki parti di e asina yama ‘automatismo’, den cual nos ta opera awendia. A usa e sentencia di caso di retiro di director di Lotto y e directiva, pa mustra cu Corte toch a mustra cu no ta asina asina por retira un director, sigur no uno statutario manera e caso di Hoevertsz. 

PERSECUSION POLITICO

Sjiem Fat despues di e caso a bisa NoticiaCla, cu e no kier a bay asina leu di yama esaki un caso di persecusion politico, pero si cu ora cu ta trata companianan estatal unda cu hopi placa ta draai, gobierno kier tey cu palabra y ta pone su hendenan di confiansa. Algo cu ta nan derecho, pero si mester tene na cuenta cu mester honra contractonan cera (cu e persona cu bo kier retira). Pues den e caso aki, si ta retira su cliente, mester haci esaki conforme cu e clausula den e contracto, cu ta stipula exactamente kico e mester haya como recomensa, si retire prome cu e haya pensioen. Algo cu Utilities no kier haci. “Si ta pa nan, no ta pague nada, pero si mester paga, kier pague un ‘cachi cachi’” e abogado a bisa NoticiaCla despues. A calcula e suma a base di informacion den corte cu ta yega cerca di 400 mil florin, si no ta mas. 

GOBIERNO FUERA DI LUGARE abogado di Hoevertsz a mustra cu, mientras cu conforme custumber politico, ora  cambia  gobierno, ta usual cu ta cambia directornan etc, e biaha aki cos no a bay manera mester ta.  Loke cu e gobierno aki a haci malo, ta bay duna investiga un periodo unda cu nan no tabata ni na mando, esta entre 2010-2017 y dicidi cu loke a sosode den e periodo ey, bou di maneho di Hoevertsz, no tabata corecto.  Pero segun e abogado, bo no por haci esey pasobra esey tabata tempo di e gobierno anterior unda cu e gobierno ey por a haci esey si nan a haya ta bon. “Si bo kier cambia e maneho despues ora cu abo sinta, no ta problema” e abogado a sigui bisa. Pero no bay dicidi riba un periodo cu bo no tabata na mando y bisa cu esey no tabata bon. “Sr Huez, e gobierno actual no tabata den funcion! Esaki no ta legal. Nan a usa e punto di salida robez!” e abogado a bisa. 

MAS GASTOCu tabatin mas gasto, ta berdad segun SjiemFat, pero esey ta logico pasobra tin mas actividad a bin acerca. E agenda berde, tabata cu aprobacion di gobierno, basa riba MB di gobierno y Hoevertsz tabata maneha esey conforme e maneho di gobierno. Placa usa pa e.o. e revista, tabata nada malo, y haci cu aprobacion di esnan necesario y conforme presupuesto di Utilities. Pues no por culpa Hoevertsz di esey. E forma con Utilities awor ta haci ta, exahera e enrikesemento di Hoevertsz y Utilities. PLUS ACCOUNTANTS

Segun e abogado, Utilities awor ta saca baca bieu for di awa. No tabatin ningun motibo urgente pa e compania haci e investigacion y sigur no durante e periodo cu el a fungi como director. Tur e 8 añanan el a haci un bon trabou conforme aprobacion di gobierno y hunta di comisario, y diripiente e ta malo?.CONTRACTO

E retiro di Hoevertsz tambe ta cuestionabel pa Sjiem Fat. Esaki pasobra a retire, pero no conforme regla normal ora cu bo ta retira un director completo. No, den e caso aki a retira e director, pero solamente como director pero a lague traha den e compania, haya su salario y completo cu auto. A opta pa esaki pa asina nan no tin cu bay pague e loke cu nan debe segun clausula di retiro, segun abogado. Aworaki, loke Hoevertsz kier, ta loke e tin derecho riba dje, lo minimo un aña di salario, plus beneficio. Esaki ta ensera 12 luna na 22.000 florin plus 25% toelage, y 13 y 14 maand y algo mas. Esey ta conforme e areglo cu tin den e contracto segun abogado. Partidonan no por a haya otro riba esaki y a pidi huez finalmente pa dicidi kico ta lo corecto. Huez ta dicta sentencia 2 di april proximo.