Hubert Maduro: Awe nos a siña un limitacion di nos autonomia

ORANJESTAD - Awe mainta trempan gerencia di Aruba Ports Authority NV a ricibi un e-mail di sindicato FTA cu lo tin un reunion cu algun empleado. E confusion a surgi ora cu a tuma nota cu no tabatin un reunion pero mas bien un grupo di empleado a “walkout” dilanti edificio di APA hunto cu e representenan di FTA. 

ORANJESTAD – Si e problema di coriente tabata semanal na Aruba, e la bira diario y dialuna hasta dos biaha riba e mesun dia. Prome tabata algo despues di merdia, cu coriente a bay na Seroe Blanco, Tanki Leendert, Sero Patrishi y besindario. Ora cu a anuncia cu esaki lo a keda remedia pa 2or, esta un ora despues, esaki a dura mas di 3 ora pa keda cla. Pero cos no a caba. Anochi, cuarto pa ocho, ata otro problema di coriente. E biaha aki den un area basta grandi, esta Balashi, Oranjestad y besindario. Esaki a resulta di ta un corto circuito riba e switch den un di e transformator station. Pues e biaha aki no tabata falta di e blaas di helium. A dura 45 minuut prome cu e prome casnan afecta por a ricibi coriente bek y pa 10’or Elmar a sigura cu tur hende tabatin coriente bek. Pa con largo, no ta conoci, pasobra e situacion na Aruba aworaki a bira di tal indole cu por spera un problema tur dia, varios biaha pa dia. Y na final, e acostumbrado ‘disculpa pa e inconveniencia’. 

ORANJESTAD – Siman a bolbe habri, cu problema cu coriente den un of otro bario. Dialuna merdia, Elmar a confirma cu a constata un storing den e area di Seroe Blanco, Tanki Leendert, Seroe Patrishi y  vecindario. “Nos tecniconan ta mobilisando y nos lo mantene boso informa asina cu tin mas update”. No a bisa si ta un otro blaas di helium por tabata e causa of algo ‘subteraneo’. A compronde cu esaki ta di tres biaha den un siman cu e barionan aki ta haya problema cu coriente. 

ORANJESTAD – E isla di Aruba a sali como e miho di 7 isla como destinacion Caribense pa Mericanonan bishita den zomer e aña aki. Asina e porta travel.com ta raporta. “Como e miho destinacion pa biaheronan nobon, Aruba ta bale la pena pa bishita henter aña pa e solo, ideal pa explora e isla y relaha riba e  beach nan cu santo blanco” e portal ta bisa. E ta haci mencion tambe di varios hotel cu por bishita. Islanan cu ta sigui ta e.o. Grenada, Dominica, Barbados, Bonaire, Corsou, y na di 7 lugar, St Lucia respectivamente. 

ORANJESTAD – Un grupo di windsurfers di Bonaire a haya, loke nan ta yama, un mal experiencia ora cu a yega Aruba pa participa den e competencia di windsurf internacional, conoci como Aruba Highwinds. Esaki pasobra nan a haya nan mes ta paga impuesto pa nan ekiponan di windsurf, siendo cu e material ta di nan y usa. Den un reaccion di e director di Douane na Aruba Ricky Croes pa noticiacla, tin un proceso pa cana, y e surfernan a opta pa haci algo diferente pues  cu no ta falta di douane sino algo cu ta consecuencia di e surfernan mes. 

ORANJESTAD – Tin hopi rabia den comunidad pa e situacion precario di coriente actualmente na Aruba. Rednan social ta yen di critica di ciudadanonan cu ta demonstra nan malcontento pa e interupcionan constante awor di coriente. Sea cual sea e motibo. Diahuebs cu tabata un dia liber pa hopi hende (Ascencion), atrobe tabatin ‘;interupcion atrobe’den algun bario cu a pone hende nan ‘fuse’ bula. Pa algun, e molester ta doble pasobra ta dos dia tras di otro cu nan ta haya nan mes confronta cu e problema aki. Si analisa e mensahenan di Elmar mes, ta 'practicamente' tur dia tin un of otro interupcion, y e motibo tambe ta varia. Esey no ta kita afo cu hende ta cansa di e problema y mas, e inseguridad cu coriente por bay cualkier rato, causando e inconveniencia y of problema comercial y residencial.