• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Presupuesto 2018 di RvA tin placa poni pa begrotingskamer caba

ORANJESTAD – Durante tratamento di presupuesto di e organo consultativo di Aruba (Raad van Advies) diahuebs mainta (17 mei 2018) Parlamento lo por haya claridad di e status di e asina yama ‘begrotingskamer’, y pa medio di pregunta, confirma si enberdad e begrotingskamer ta bira un hecho e aña aki caba, of cu ta sigui cu CAFT toch despues di 2018, manera cu Hulanda kier haci (pasobra nan no ta contento ainda cu e situacion financiero di pais Aruba). E hecho cu tin un suma di 160 mil florin presupuesta caba den e presupuesto di 2018, ta mustra cu cos ta ‘cla’ pa ‘cuminsa, pues parlamento mester haya claridad diahuebs riba e tema aki.

KEN TA HAYE

Tur cos ta mustra cu e conseho consultativo di Aruba (Raad van Advies) mes lo bira esun encarga cu e asina yama ‘begrotingskamer’. Sigur si tene cuenta cu riba su presupuesto tin e suma presupuesta. E begrotingskamer aki, segun palabracion cu Hulanda na 2015, tabatin cu eventualmente reemplaza e colegio di supervision financiero (CAFT) ora cu esaki yega na su fin na fin di 2018. Esey tabata e intencion pero tur cos ta mustra cu esaki no ta e caso. Esey ta haci e parti di e presupuesto di RvA asina interesante segun expertonan financiero a mustra NoticiaCla.

E BEGROTINGSKAMER

Segun palabracion entre Hulanda y Aruba na 2015, ora cu a establece CAFT e tempo ey, a acorda cu como reemplazo pa e colegio di supervision ora cu Aruba logra stabilisa su finanzas y balansa su presupuesto, un ‘begrotingskamer’ lo mester sigui haci e trabou independientemente cu awor CAFT ta haciendo. Algo cu e presidente saliente di CAFT Age Bakker a bisa tambe na su salida. Aruba a bay di acuerdo, pero nunca no a concretisa nada riba e tereno aki. E problema tabata e constelacion di e ‘camber’ aki durante e gobierno anterior. Despues di e entrada di e gobierno di gabinete Wever Croes, esaki a bira un prioridad di e gabinete aki. De hecho durante e formacion di gobierno, Wever Croes repetidamente tabata referi na e ‘camber’ aki, indicando cu un di e prioridadnan tabata e camber aki, pasobra ‘si nos mes no bin cune, Hulanda lo bin cune pa nos’. E intencion tabata pa bin cu e camber di integridad unda cu lo a traha tambe riba e begrotingskamer.

FONDO

Den e motivacion di presupuesto pa RvA, e organo ta splica cu a aumenta e post di conseho di experto cu 160 mil florin, pa cubri e trabou di un gerente cu mester haci e trabou preparatorio (kwartiermaker). Ta papia cu esaki (e camber) lo mester keda introduci den of despues di 2018. Pero ya caba den e presupuesto aki a pone e montante aki. Como tal, ta mustra cu e begrotingskamer lo bin e aña aki mes, of por lo menos inicia cu e trabou pa establece e camber aki. Tur mientras cu no tin claridad riba e status di CAFT despues di 2018.

CAFT

Hulanda mientrastanto ta confirma e siman aki ainda cu ta den combersacion cu Aruba riba e forma con lo por sigui cu e colegio di supervision financiero (CAFT) aun despues di 2018. Pues no tin intencion di stop CAFT di funciona despues di 2018, mientras cu e begrotingskamer ya tin suma presupuesta pa 2018/2019. E presupuesto ta wordo trata diahuebs mainta den Parlamento.