ORANJESTAD - Diabierna anochi pa 21:36 central di polis a haya un yamada bisando cu un atraco a caba di tuma lugar na Grand Ocean Supermarket na Bushiri. Patruya ta yega na e sitio y e señora a declara cu un rato prome 3 hende homber a drenta e supermarket y dos di e atracadornan tabata tin un arma di candela. Nan a pidi pa placa y nan tabata papia papiamento. E atracadornan a bai cu e benta di dia . Nan a sali despues y subi un auto blanco bai direcion Noord . Atraco team a presenta na e sitio y tambe slachtofferhulp. Ken cu por a wak algo jama e tiplijn di polis 11141
SAVANETA – Dialuna marduga, riba dia di Himno y Bandera, Aruba a conoce su di 2 morto di trafico pa 2024. Tabata dialuna marduga despues di 4or cu un accidente hopi grave a tuma lugar riba caminda grandi di San Nicolas pa Playa na altura di Savaneta. Un motorciclista a dal frontal contra un auto Nissan march, ora cu e motorciclista tabata bin di pabou. E impacto tabata fuerte lagando e brommer destrui y e manehador, basta leu riba. Informacion ricibi ta mustra cu e chauffeur di e march lo a pasa un truck, y topa frontal cu e motociclista, cu e consecuencia conoci. Informacion cu Noticiacla a ricibi, ta cu e motorciclista cu ta esun cu a perde su bida tabata Maximilian Thomas Hernandez Pinedo (20) , naci na Aruba . Noticiacla ta manda palabra di condolencia na famianan di e fayecido.
MACUARIMA - Diasabra awor dia 16 di maart 2024, polis di districto di San Nicolas ta invita tur persona cu a haci nan peticion pa temporada di campamento pariba di brug, cu lo mustranan e sitio cu nan lo campa. Lo cuminsa 9’or di mainta den e area di Santana di Cacho, despues pa Baby Beach, Rodgers Beach y por ultimo pa e area di Zwat Mangel y Grapefield. Pa 1’or di merdia lo sigui na Savaneta y Pos Chiquito.
MACUARIMA – Cuerpo policial di Aruba a ricibi un flota di 34 auto nobo nobo marca Ford diamars. E agencia cu a percura pa esaki ta R. E Yrausquin & Sons. Nan ta bay awor di e marca Isuzu pa Ford, specificamente e modelo Everest y Ranger. A haci un cambio radical for di e zwaailicht blauw y oraño pa blauw y cora. E cambio aki tabata ta pa miho visibilidad y seguridad pa e agentenan policial pero tambe pa comunidad. Tambe lo tin sonido di sirena diferente compara cu antes pa mihor sonido.