Rijnan largo na oficina principal di Setar pa dealnan di ‘dia loco’

Posted on 03/23/2018 5:21 pm AST | Updated on 03/23/2018 5:24 pm AST

(ADVERTORIAL)

ORANJESTAD - E prome dia di Locura na SETAR celebrando nan di 15 aña como NV a bai sumamente bon, na unda desde e anochi anterior ya tabatin hendenan den rij wardando pa e dia anticipa.

E prome cliente, Michaelson Winklaar a ricibi su celular cu ela cumpra completamente gratis. Ela bin desde 10 or di e anochi prome pa sigura su mes di por cumpra su celular di escogencia. E dia a keda constantemente druk, na unda clientenan a bay den un fluho basta rapido y mas principal cu nan a haya locual nan tabata desea. E ofertanan riba celular ta obtenibel den Prepaid y cu paketenan Postpaid U y Hybrid. Tambe SETAR a ofrece un Tablet hopi útil na un prijs sumamente atractivo.

Durante e ultimo 15 añanan SETAR constantemente a percura pa trece innovación pa Aruba. Pa celebra e di tres lustro aki, SETAR lo tin diferente sorpresa pa su clientenan e aña aki. Asina SETAR lo tin e weekend aki 2 dia di locura total cu prijsnan super atractivo riba celularnan LTE na SETAR Seroe Blanco. Awor tin un dia so mas, diasabra 24 di maart 2018 pa por probecha di e tremendo promocion aki cu SETAR tin pa Aruba. Teleshop di SETAR na Seroe Blanco ta habri desde 10or di mainta te cu 6or di atardi pa e ultimo dia di locura.

Probecha di e ofertanan special riba tur nos productonan LTE celebrando SETAR su 15 aniversario como NV mayan, diasabra na SETAR Seroe Blanco y disfruta di e ultimo dia loco di SETAR

  • Awor mester paga pa informacion di companianan riba portal di KVK

    Awor mester paga pa informacion di companianan riba portal di KVK

    ORANJESTAD – Entrante 27 di maart 2024, Camara di Comercio y Industria Aruba (KvK) lo cuminsa cobra un tarifa pa consulta informacion detaya di companianan den e Registro Comercial online riba e website di KvK. Asina e gremio a anuncia diabierna. Nan ta pidi tambe pa tuma nota cu e comerciante lo keda wak tur informacion di su propio compania via su cuenta di MyChamber manera ta custuma, no lo bin cambio ni costo adicional pa esaki. 

  • Fitch: Aruba ta haya panorama revisa limita positivo y ta mantene rating BB+

    Fitch: Aruba ta haya panorama revisa limita positivo y ta mantene rating BB+

    NEW YORK – Un di e agencianan cu ta cualifica e situacion financiero di Aruba, Fitch Rating, den forma limita a actualisa e cualificacion di e panorama di Aruba di stabiel pa positivo y a mantene e rating pa BB+, cu ta loke e la haya aña pasa tambe for di BBB. Segun e splicacion, e revision ta refleha e trabou di reforma fiscal cu ta inclui e.o. generalmente metanan pa logra surplus fiscal. Asina mes e ta bisa tambe mesora cu “e cualificacion nobo ta uno ‘limita’ debi na e debe halto di finansas publico, y peso di e interes, y e vulnerabilidad di e un solo pilar economico cu ta turismo, y e shocknan externo” (manera cu Covid19:red)

  • Prijs di gasoline na Aruba ta sigui subi basta diaranson

    Prijs di gasoline na Aruba ta sigui subi basta diaranson

    ORANJESTAD - Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 13 maart 2024:

  • Aruba tin compania local Cunucu Aruba Dushi Tera cu ta recicla carton pa empake di webo

    Aruba tin compania local Cunucu Aruba Dushi Tera cu ta recicla carton pa empake di webo

    ORANJESTAD – Luna pasa Minister Arends a bishita Cunucu Aruba Dushi Tera unda cu a cuminsa recicla carton pa traha empake di webo. E propietarionan di e cunucu a desaroya un facilidad ariba nan tereno unda cu ta procesa cahanan di carton descarta. Esakinan, a traves uzo di makinaria, ta wordo garna y reforma na empake di webo.  E tipo di iniciativanan aki seguramente ta yuda nos economia move den un direccion mas sostenibel. Pues procesamento cu ta yuda cera ciclo di nos desperdicio ta netamente locual cu nos isla mester. Minister Arends a gradici comerciante David Kock, su famia y su team pa e invitacion y pa nan bon trabou den e ambito di reciclahe. NOTA: Texto y potret cortesia di minister Ursell Arends. 

  • Durante bolsa turistico ITB na Berlin, KLM a confirma biahe diario pa Aruba den 2024

    Durante bolsa turistico ITB na Berlin, KLM a confirma biahe diario pa Aruba den 2024

    ORANJESTAD - Aruba Tourism Authority (A.T.A.) conhuntamente cu socionan un biaha mas a demostra compromiso pa promove e destino como un alternativa di destinacion atractivo. ITB a conta cu 5000 Expositor representando 170 pais. E aña aki, e delegacion di Aruba a consisti di 30 representante di; A.T.A., Asociacion di Hotel y Turismo di Aruba (AHATA), dies hotel, y DMC.

  • Gremionan comercial a vocifera preocupacion riba mercado laboral na minister Croes

        Gremionan comercial a vocifera preocupacion riba mercado laboral na minister Croes

    ORANJESTAD - Recientemente, Minister di Labor Glenbert Croes a reuni cu Aruba Hotel and Tourism Association (AHATA), Aruba Trade & Industry Association (ATIA), Comerciantenan Uni Aruba (CUA), y Camara di Comercio (KVK). Meta di e reunion tabata pa Comercio vocifera nan preocupacion referente e retonan cu nan ta encontrando riba e mercado laboral y falta di trahado.

  • Powered by SETAR