ORANJESTAD - E prome premio di Mini Mega hunto cu su Mini Plus a yega 500 mil florin pa e sorteo di awe! Awe, diabierna, 23 di maart, bo por gana e total di mey miyon florin cu un inversion di solamente 7 florin, cumprando bo Mini Mega combina cu Mega Plus.
Mini Mega so ta costa unicamente 5 florin y e di prome premio ta na 380 mil florin. Sinembargo, poniendo just 2 florin acerca bo ta gana e suma di 120 mil tambe, esaki ta e Mega Plus. Pues cumprando bo ticket di Mega Plus di 7 florin bo por gana mey miyon florin awe.
Hunga Mini Mega ta hopi facil y tin dos opcion: Pidi e rebendedo oficial di Lotto pa un Mini Mega Loco. Of kies cuater number for 1 te cu y incluyendo 30 y scoge e Mega Ball, cu ta un number for 1 te cu y incluyendo 15. Cu ambos escogencia bo ta agrega e Mega Plus pa 2 florin mas y asina gana e suma completo di 500.000 florin.
Haci bo sonjonan bira un realidad cu Mini Mega y su Mega Plus y tira bo linja na awa sin falta.Di awo caba Lotto ta desea tur hungando hopi suerte.
MIAMI – E yegada di biahero internacional pa e region di Caribe a aumenta cu 14.3% den 2023. Asina e organisacion di turismo di Caribe (CTO) ta informa. Asina e tendencia di recuperacion positivo ta continua. E secretaria general Dona Regis-Prosper, ta atribui e resultado y e demanda sosteni di biahenan desde Merca, e mercado principal di Caribe, y e miho infrastructura relaciona cu e destinacion di turismo. E ta splica cu e aumento tambe ta debi na e iniciativa strategico di e mercado y e aumento di capacidad di e transporte aereo entre e region y e mercadonan specifico.
ORANJESTAD – Entrante 27 di maart 2024, Camara di Comercio y Industria Aruba (KvK) lo cuminsa cobra un tarifa pa consulta informacion detaya di companianan den e Registro Comercial online riba e website di KvK. Asina e gremio a anuncia diabierna. Nan ta pidi tambe pa tuma nota cu e comerciante lo keda wak tur informacion di su propio compania via su cuenta di MyChamber manera ta custuma, no lo bin cambio ni costo adicional pa esaki.
NEW YORK – Un di e agencianan cu ta cualifica e situacion financiero di Aruba, Fitch Rating, den forma limita a actualisa e cualificacion di e panorama di Aruba di stabiel pa positivo y a mantene e rating pa BB+, cu ta loke e la haya aña pasa tambe for di BBB. Segun e splicacion, e revision ta refleha e trabou di reforma fiscal cu ta inclui e.o. generalmente metanan pa logra surplus fiscal. Asina mes e ta bisa tambe mesora cu “e cualificacion nobo ta uno ‘limita’ debi na e debe halto di finansas publico, y peso di e interes, y e vulnerabilidad di e un solo pilar economico cu ta turismo, y e shocknan externo” (manera cu Covid19:red)
ORANJESTAD - Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 13 maart 2024:
ORANJESTAD – Luna pasa Minister Arends a bishita Cunucu Aruba Dushi Tera unda cu a cuminsa recicla carton pa traha empake di webo. E propietarionan di e cunucu a desaroya un facilidad ariba nan tereno unda cu ta procesa cahanan di carton descarta. Esakinan, a traves uzo di makinaria, ta wordo garna y reforma na empake di webo. E tipo di iniciativanan aki seguramente ta yuda nos economia move den un direccion mas sostenibel. Pues procesamento cu ta yuda cera ciclo di nos desperdicio ta netamente locual cu nos isla mester. Minister Arends a gradici comerciante David Kock, su famia y su team pa e invitacion y pa nan bon trabou den e ambito di reciclahe. NOTA: Texto y potret cortesia di minister Ursell Arends.
ORANJESTAD - Aruba Tourism Authority (A.T.A.) conhuntamente cu socionan un biaha mas a demostra compromiso pa promove e destino como un alternativa di destinacion atractivo. ITB a conta cu 5000 Expositor representando 170 pais. E aña aki, e delegacion di Aruba a consisti di 30 representante di; A.T.A., Asociacion di Hotel y Turismo di Aruba (AHATA), dies hotel, y DMC.