ORANJESTAD – Un total di 32 automobilista a keda sin auto, despues di control di polis. Esaki pasobra segun vocero suplente di polis Liliana Rasmijn, nan documentonan no tabata na ordo. Ayera departamento di trafico, k-9, motor unit y polis uniforma a tene un control di trafico. E control a cuminsa desde 5or di mainta riba e green coridor di rotonde Pos Chiquito bin abao.
RESULTADO
Na tur, a duna 88 process verbaal, a kita 32 vehiculo di motor for di caminda (laga e chauffeur sin su auto). Tambe a detene 1 ilegal cu a wordo pasa pa e departamento di guarda nos costa.
AUTO BEK
E controlnan aki lo sigui den e siguiente dianan cu ta nos dilanti.Tur automobilista mester tin nan documentonan na ordo . Cu ta un rijbewijs valido, number di auto paga, keuringskaart valido y seguro di auto valido.
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
ORANJESTAD - Diabierna anochi, radarnan a detecta movecion di un boto sospechoso den direccion di Aruba. A pidi e avion DASH di Wardacosta pa asisti pa verifica e contacto. Den ora nan di marduga di diasabra, 2 Metal Shark a sali pa asina topa cu un boto tipo 'Yola' cu un total di 9 persona indocumenta cu nacionalidad Venezolano abordo. Prome cu unidad nan a yega, persona nan riba e boto a logra di benta bultonan den awa, pero unidad nan di Wardacosta cu asistencia di e helicopter a recupera nan. Ta trata di mas o menos 850 kilo di cocaina i marihuana, cu a wordo confisca.
ORANJESTAD - Diasabra durante dia e team di Narcotica a hasi diferente entrada hudicial y tambe detencion. E team Narcotica ta trahando incansablemente pa combati e bendemento di droga diariamente. Ayera a detene e homber F. di 32 aña na ex United Dinner pa bendemento di droga. A confisca diferente droga entrenan cocaina, cocaina base, marihuana y tambe a haya municion. Tambe a haci entrada hudicial na Panamastraat. Eynan Team Narcotica a confisca cocaina y marihuana. Durante e accion di Team Narcotica a forma parti, e team di Aresto , Flex Team y Unidad di K-9. NOTA: E potret ta di archivo di noticiacla.com y no ta necesariamente uno actual durante e caso relata cu e articulo en cuestion.
ORANJESTAD - Diabierna mainta pa 06:55 central di polis a manda patruya pa e conocido di nan faam L. na su cas situa na Brazil cu lo a pone objetonan riba caminda pa stroba e trafico. Ta asina cu na yegada di patruya ta papia cune e homber L. pero e no ta rasonay na dado momento polis a bay pa detene e homber.