- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
ATIA : Gobierno ta haya beneficio di duda riba medidanan
ORANJESTAD - ATIA ta duna gobierno e beneficio di duda riba e medidanan anuncia diahuebs mainta. Asina presidente di e gremio comercial Ronald van Trigt a bisa NoticiaCla despues di e reunion general di e gremio diahuebs anochi. Na final di nan reunion general, prome minister Evelyn Wever a haci un presentacion pa e miembronan. Van Trigt ta mustra cu e plan presenta tabata algo cu nan tabata spera, y cu tanten cu e ta uno transitorio, nan ta ok cune.
INDICACION
Segun van Trigt, nan tabata haya cierto indicacion cu tin cierto problema financiero den nos pais y el a wordo atendi cu ATIA. A papia di un debe 90% di nos GPD, y un inflacion hopi abou, un CITGO cu no a duna resultado manera cu a wordo spera, y tur esaki segun van Trigt ta yama esaki un ‘economic storm’ ta tumando lugar.
CORAHE
Pa loke ta e anuncio di diahuebs mainta mainta, van Trigt a haye un momento cu bastante ‘corahe’ cu gobierno a tuma pa un tempo transitorio. Esey ta importante pa ATIA segun van Trigt, esta cu e decisionnan tuma, ta pa un fase transitorio. Esaki contal cu tin un reforme fiscal total tuma lugar caminda cu ta kita di menos impuesto directo pa mas impuesto indirecto. “Mi ta kere cu nos tin cu para hunto un rato. No ta mira hopi otro opcion. Porta nos por ta inovativo den otro manera, pero riba e tempo corto nos dilanti, mi ta kere cu Aruba tin cu para hunto un rato y mester purba si tur hende contribui” van Trigt a bisa. Esaki pasobra tin un par so ta contribui y esey ta haci e peso extra pisa, tin biaha segun e presidente di ATIA. A mustra cu esaki no ta prome biaha, ya cu den pasado caba segun van Trigt, a tuma tipo di desicionan asina. “E environment politico awe ta un poco mas tenso, nos tin politica tenso” van Trigt a bisa. Tambe a critica e forma con cierto noticia ta keda treci dilanti pa cierto medionan, van Trigt a sigui bisa.
Travel& Leisure: Aruba ta top lista di 10 resortnan all-inclusive den Caribe
ORANJESTAD – Danki na un di e hotelnan all-inclusive na Aruba, nos isla ta na prome lugar di e top 10 di miho All-inclusive resorts pa famia den Caribe. Por lo menos segun e portal Travel & Leisure. Ta trata di e resort Tamarijn Aruba. Segun e articulo en cuestion, loke ta haci e diferencia den e destinacionan Caribense, ‘ta e abundancia di resortnan increibel all-inclusive’. E ta un forma perfecto pa famia por disfruta. Y ta describi tur e loke e turista por goza di dje. Mester bisa cu e resultado di e top 10 ta basa riba experiencia personal di e escritor di e portal turistico.
KVK: Mayoria compania ta pensa cu e scarsedad di trahado lo empeora
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
Mas turista Colombiano ta biahando pa Corsou envez di Aruba den 2024
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
Pa aña 2024 y 2025, ATIA lo enfoca mas riba e tema laboral
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
Aruba Bank ta presenta un serie di entrevista cu su Mortgage Advisors – “Caweta di Hipoteca”
A.T.A: Turismo ‘stayover’ pa Aruba a crece cu mas di 25% den maart 2024
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
Follow NoticiaCla
