Hospital: Circulacion di aire den varios departamento ta sigui problematico

Hospital: Circulacion di aire den varios departamento ta sigui problematico

Posted on 03/16/2018 6:20 pm AST | Updated on 03/16/2018 6:21 pm AST

ORANJESTAD – Hospital ta sigui confronta problema cu circulacion di aire den varios departamento crucial. Den un comunicado emiti diabierna a tardi, a confirma cu e problemanan ta sigui. Segun e comunicado, diaranson den oranan di mainta Hospital a sigui encontra un situacion fastioso cu problema di circulacion di aire den tanto e sala di operacion como na departamento di Botica. Empleadonan di departamento di Botica a sali pafo ya cu tabatin mesun kehonan di siman pasa manera dolor di garganta y dolor di cabes. Gerente a yama di biaha pa midi y controla e aire den Botica. E resultado a mustra nada particular. Pues, no tin causa conoci ainda pa cu esaki. Empleadonan di Botica a reanuda trabou pero lo sigui haci investigacionnan pa perserva e bon salud di e empleadonan.

Pa loke ta e sala di operacion tambe algun empleado a sinti malo y a notifica AO conforme protocol. A pidi ayudo na Brandweer cu a midi y no por a constata peliger. No tabatin holor penetrante e biaha aki, pero teniendo e proteccion di pashentnan y alabes empleado na cuenta a dicidi pa atende solamente pashentnan cu ta caso di emergencia. Pa tur otronan lo planea un dia di operacion nobo. Un decision siguramente no facil pero necesario pa cu e salud di pashent y empleado cu ta drenta diariamente.

Pa motibo di varios notificacion di AO na e sala di operacion lo sigui drey un programa adapta mientras lo sigui comunica cu e personanan concerni. Hospital ta pidi comprension y cooperacion pa asina por continua e proceso di cuido na un manera sigur y optimal.

Siman pasa dialuna tambe tabatin un problema cu aire na departamento di Radiologia unda algun empleado a notifica AO. A haya e causa y a soluciona e problema di aire y desde diahuebs siman pasa e departamento aki ta funciona normal bek. E motibo di e problema di aire na Botica y sala di operacion no ta mustra di ta igual y pa tur dos ta conta cu ainda esakinan ta desconoci.

Hospital a pidi disculpa pa e inconveniencia y ta sigui cu investigacionnan y ta spera di por resolve e problema aki lo mas pronto posibel pa asina por sigui brinda nan servicio normal bek.

 

 

 

 

  • Grupo di ciudadano a protesta durante ceremonia protocolario

    Grupo di ciudadano a protesta durante ceremonia protocolario

    ORANJESTAD - Un grupo di persona dialuna mainta durante e ceremonia protocolario relaciona cu Himno y Bandera, a dicidi di protesta cu pancarta dilanti e gobernantenan presente. Riba e pancartanan tabatin varios lema, variando di temanan  economico pa tema di medio ambiente. Autoridad presente a haya nan mes ta pone ordo pa evita cualkier problema. 

  • Aruba Pabien cu bo Dia di Himno y Bandera!

    Aruba Pabien cu bo Dia di Himno y Bandera!

    ORANJESTAD - Na nomber di cas di Noticiacla.com, Wired Media, nos ta desea tur nos lectornan, un Feliz Dia di Himno & Bandera! 

  • Gobernador di Aruba a participa den prome dia di Aruba Doet

    Gobernador di Aruba a participa den prome dia di Aruba Doet

    ORANJESTAD - Awe cu e proyecto di Aruba Doet, Gobernador di Aruba Alfonso Boekhoudt tabata na Noord pa yuda cu e proyecto di Ban Lanta y Planta, caminda e la planta matanan di Aruba. Un bunita proyecto cu lo crea un impacto significativo.Awe ta inicia e dos dianan di e acto di Aruba Doet unda cu miles di voluntario ta participa den un of otro proyecto pa drecha esaki na bienestar di nos comunidad. Mayan tambe tin e proyecto aki. 

  • Meteo: Un alerta pa biento duro lo drenta na vigor awe pa Aruba

    Meteo: Un alerta pa biento duro lo drenta na vigor awe pa Aruba

    ORANJESTAD - Un alerta pa biento duro lo drenta na vigor awe diabierna merdia 3'or pa Aruba. Asina servicio meteorologico ta anuncia. Ademas tin un aviso pa boto chikito pa lama habri y especialmente areanan cerca di costa oost te noordwest cu lo drenta na vigor awe merdia 3'or.

  • Comienso april ta deadline pa ‘verzamelloonstaat’ y ‘verzamelstaat opgaaf derden’ 2023

    Comienso april ta deadline pa ‘verzamelloonstaat’ y ‘verzamelstaat opgaaf derden’ 2023

    ORANJESTAD – Departamento di Impuesto ta informa cu dia 2 di april 2024 ta ultimo dia pa entrega e lista colectivo di salario (verzamelloonstaat of VZL) y e lista colectivo di pago na tercera persona (verzamelstaat opgaaf derden of VOD) di aña 2023. Tur doño di trabou of comerciante mester entrega e listanan menciona den forma digital via e portal ‘BO impuesto’ (BOi) di Departamento di Impuesto.

  • A.T.A. cu otro encuesta pa midi sentimento encuanto Turismo na Aruba

    A.T.A. cu otro encuesta pa midi  sentimento encuanto Turismo na Aruba

    ORANJESTAD - Den un esfuerso pa reforsa desaroyo turistico sostenibel di e isla, A.T.A. a lansa un encuesta cu ta enfoca riba e sentimento local encuanto turismo na Aruba. Esaki ta bira e di tres encuesta similar cu A.T.A. ta lansa, e prome encuesta a tuma lugar na aña 2018 prome cu e pandemia, y un biaha mas na aña 2022 cu ta despues di e pandemia. E informacion y resultadonan ta sirbi como un base pa forma e strategia di A.T.A., y por fungi como un conseho na diferente socionan. Pa actualisa e estudio aki, A.T.A. ta realisa e siguiente ‘Local Sentiment Survey’ pa midi e sentimento local den 2024.

  • Zulo
  • Powered by SETAR