- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Gobierno evaluando pa bin cu sancion contra 'fake news'
ORANJESTAD – Gobierno di Aruba ta evaluando pa atende e situacion di ‘fakenews’, osea noticia falso debi cu cosnan ta saliendo for di man. Prome minister Evelyn Wever a duna indicacion diahuebs mainta cu ta pensando pa atende cu e situacion aki usando Union Europeo cu tambe ta trahando riba un proyecto pa sancion instancianan cu ta plama ‘fake news’. Segun Wever, no ta intencion pa limita libertad di prensa. Con nos como pais ta reacciona riba cosnan asina, ta importante, y sigur si e ta un tema delicado. “ Nos tambe ta hende. No spin esaki den un forma pa score politico” Wever Croes a biusa. A haci apelacion na comunidad pa no specula. Remarcable ta cu el a identifica un medio pa nomber, esta 24ora.com cu a bin cu noticia falso, tratando di e asunto di 10.000 Venezolano cu gobierno lo mester a bay regla pa duna permiso. Algo cu gobierno anteriormente a refuta mesora y bisa cu e portal menciona a inventa noticia falso.
UNION EUROPEO
Segun Wever, Union Europeo ta trahando riba un proyecto pa sanciona fake news pasobra e ta afecta stabilidad di un comunidad. Gobierno di Aruba tambe ta evaluando pa atende e asunto aki. Den ki direccion mester pensa ora cu kier bay sanciona, e mandatario no por a bisa ainda ni den ki forma. Ta haya interesante cu e medio di comunicacion ta defundi un noticia cu ta falso, cu un motibo pa malinforma. “Den e direccion ey tin cu bay” Wever a bisa, esta pa para e practica aki” Wever a sigui bisa. Den mesun rosea a sigui mustra cu no ta intencion pa limita libertad di prensa. “Pero e ta un derecho di prensa tin cu cuida y proteha. (Nos) no kier mishi cu ningun derecho fundamental, pero no tin nada concreto. Medionan social ta mas dificil pa controla” Wever a finalisa bisando.
Presion di CAFt a pone gobierno kita 16 miyon pa RWZI di e prespuesto
ORANJESTAD – Presion di e colegio di supervision financiero CAFt a pone gobierno di Aruba kita 16 miyon florin presupuesta pa e planta di RWZI. Asina e mandatario a confirma diabierna despues di su reunion cu director di DOW, Marlon Croes. Durante e reunion cu a trata mas tema, tambe a trata e tema importante di RWZI, no solamente e plantanan na Bubali, sino tambe RWZI Parkietenbos y RWZI Zeewijk. A papia riba e retonan cu tin cu esakinan y e importancia y e urgencia cu tin pa e privatisacion.
Condecoradonan a ricibi nan ‘cinta’ pa nan esfuerso y dedicacion boluntario na pais Aruba
ORANJESTAD – Manera cu Noticiacla a raporta anteriormente caba, diabierna 26 di april, un dia prome cu Dia di Rey, 18 ciudadano di pais Aruba a ricibi un Condecoracion di Rey Willem Alexander. E momento aki, ta conoci como Ocasion General, y ta relaciona cu e cumpleaño di Su Mahestad, Rey Willem-Alexander, cu ta esun cu ta otorga e condecoracion na e personanan cu a duna un contribucion special na e sociedad. Riba e mainta aki, 16 di e condecoradonan tabata presente pa ricibi nan Condecoracion Real di Gobernador di Aruba, señor Alfonso Boekhoudt, kende a splica dicon e personanan aki a bin na remarke pa un reconocemento asina importante. Dos persona no por a ricibi nan condecoracion, entre nan Nicole Hoevertsz cu ta den exterior pa compromiso deportivo. Potretnan cortesia di gobierno di Aruba.
Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Follow NoticiaCla
