ORANJESTAD - Mañan diahuebs 15 di maart 2018 full e area di Caribe lo tin e training di tsunami cual tin e nomber di “Caribe Wave”.
Manera ya caba oficina di calamidad di Aruba a haci e peticion na prensa di Aruba pa prensa tambe ta parti di e training aki. Ya caba varios medionan a informa e comunidad pa locual ta trata e training di Caribe Wave 2018.
Pa mañan diahuebs e peticion ta pa ora miembronan di prensa haya e mensahe di un alarma/alerta pa un tsunami pa si por pasa esaki via boso medionan pa alarma/alerta e comunidad di Aruba. Esaki por wordo haci pa medio di un boletin extra, un post riba boso medionan social, riba e screen di pantaya di television etc. (na final di e mensahe lo anuncia cu e ta un simulacro). Aña pasa esaki a tuma lugar dia 21 di maart, ora cu pa 10'or e alerta a drenta, cu tin un temblor cu a causa un tsunami y cu e lo ta yegando Aruba dentro di 1 ora y mei.
Kico lo nos kier midi cu e participacion di prensa:
Lo evalua cu e comunidad
si nan a tende of mira e alarma/alerta pa un tsunami via kico nan a haya e alarma/alerta nan bario y distrito nan tabata na cas – trabou – den auto – otroTe cu awor tin un cantidad di 29 instancia/organisacion registra cu lo participa activo den e training aki.
Adhunto cu ta haya e lista di esunnan cu lo ta participa na Caribe Wave 2018 caminda cu Prensa tin e oportunidad pa comunica cu nan pa den caso cu ta desea pa cubri e training aki.
Meta principal di Caribe Wave ta pa concientiza e comunidad pa cu e tema di tsunami.
Di antemano danki na prensa di Aruba pa e cooperacion un biaha mas pa asina hunto nos yuda na conscientisa e comunidad di Aruba.
IDEA DI E MENSAHE:
Via whatsapp y mail : Prensa haya e informacion oficial cu tin menasa di un tsunami.
Prensa na su turno lo manda e mensahe di alarma di un tsunami via su medionan y ta haci e peticion pa tur cu a scucha e mensahe cu ta transitando riba e careteranan di Aruba pa cende nan luz di auto y zona e pitro di e auto pa 10 min pa asina nos conscientisa e pueblo cu Aruba tambe por haya su mes confronta cu un desaster natural.Potret cortesia www.dailyexpress.com
ORANJESTAD – Mientras cu e siman aki minister di enseñansa Endy Croes a anuncia cu pa augustus awor ta bay cuminsa cu Papiamento como idioma di instruccion na 1e klasnan, un linguista reconoci na Aruba, Ramon Todd Dandare un siman prome ainda a informa cu nos no ta cla pa esaki. E material tey, pero e docentenan no ta cla pa cuminsa esaki. Asina mes, e ta duna gobierno beneficio di duda, y ta spera cu cos no bay fout cu e introduccion. E ta splica den e fragment ey di e programa Noticiacla LIVE di siman pasa.
ORANJESTAD - E siman aki oficina di turismo di Aruba a anuncia e 5 ganadornan di e prome session di e progama Aruba Signature Experience pa 2024. Na aña 2021, Aruba Tourism Authority (A.T.A.) y Qredits Aruba a introduci e programa “Aruba Signature Experiences” cu e meta pa encurasha entrepreneurnan pa enfoca riba experiencia unico y inolvidabel pa nos bishitantenan.
ORANJESTAD - Dia 30 di maart ta Dia Internacional Cero Desperdicio (Zero Waste Day). E dia aki ta dedica pa eleva conscientisacion riba consumo y produccion responsabel y tambe na reduccion di desperdicio. Directie Natuur en Medio Ambiente (DNM) ta invita comunidad pa join nos den celebracion di e dia importante aki. Esaki ta e di dos biaha cu Nacionnan Uni (UN) ta observa e dia aki como cu ta na 2022 a tuma e decision pa e dia aki ta un dia observa internacionalmente. E
ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko.
ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas.