- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Ceramento di caminda na L.G. Smith Blvd; Rotonde Sasaki pa crusada Superfood
(ADVERTORIAL)
Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda principal di L.G. Smith Blvd., cu entrante diahuebs 1 di maart 2018 for di 9’or di mainta lo bay cera e caminda entre rotonde di Sasaki te na e crusada di Superfood den ambos direccion. Trabounan lo cuminsa pa construi un rotonde na e crusada.
E desviacionan di e caminda ta lo siguiente:
? Trafico for di Oranjestad direccion Noord, ta wordo desvia via di e rotonde di Sasaki (Eagle Bowling) direccion Pos Abou, bira na man robes pa asina drenta Caya Ritmo of Caya Musica y sali riba e crusada entre Bubali y San Miguel pa asina yega direccion Noord.
? Trafico for di Oranjestad direccion Noord ta wordo desvia via di e rotonde Sasaki (Eagle Bowling) direccion J.E. Irausquin Blvd. pa asina yega direccion Noord.
? Trafico for di Noord direccion Oranjestad, por subi L.G Smith na e crusada di Mc. Donald y ta wordo desvia na e crusada di ex house of cheng pa asina drenta J.E. Irausquin Blvd. pa asina por yega Oranjestad.
Trabounan lo tin un duracion di 3 luna pa construi e rotonde.
En conexion cu e trabounan menciona Departamento di Obra Publico ta haci un peticion na tur automobilista pa no haci uzo di e camindanan menciona y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
