ORANJESTAD – E slowdown anuncia awe di CITGO pa loke ta e proyecto di reapertura di e refineria, ta nifica e.o. cu cierto trabou no por sigui cu consecuentemente ta nifica cu mester reduci un cantidad di persona. Segun Jim Cristman, VP di Refining di e refineria a bisa den e programa NoticiaCla LIVE riba FB, cu di e 640 persona emplea, 300 y pico persona lo mester bay cas y 300 ta keda pa e operacion di p.e. suministracion di gasoline etc. E grupo cu ta keda, lo keda ricibi nan salario manera nan a haya for di comienzo di nan empleo.
SANCION
Manera cu NoticiaCla a raporta inicialmente, debi na e sancion mericano impone riba Venezuela, nan no por haya cierto fondonan necesario cu nan mester pa continua cu e operacion. E situacion ta di tal magnitud cu tin cu para cierto operacion te ora cu e fondonan yega, y esaki por dura un tempo. Segun e ehecutivonan di CITGO, nan no tin un idea con largo e por dura, pero mientrastanto nan por sigui haci cierto trabaonan den e forma aki. Nan no ta kere cu e lo trece un atraso largo, y nan a sigura e portal aki cu esaki no ta nifica cu nan lo para e proyecto definitivamente.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.