- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
Cruz Cora ta extende programa di alimentacion na St. Maarten
PHILLIPSBURG - Cu tanto famia luchando ainda financieramente despues di Horcan Irma, Nederlandse Rode Kruis, por medio di su branch na St. Maarten, ta extende su programa di alimentacion na skolnan te cu fin di mei 2018.
“Nos ta reconoce cu hopi mayor ta ainda pasando duro pa segura un trabou full-time ya cu hopi negoshi a haña hopi daño durante Horcan Irma” coordinador di proyecto di NLRK Michiel Jurgens ta bisa. “Como resultado, nan abilidad pa provee bon nutricion na nan yiunan ta un problema. Door di extende nos programa di alimentacion, nos ta spera di por alivia e peso aki cu nan por ta sinti.”
E programa ta provee desayuno y cuminda cayente merdia na mas cu 4000 alumno di skol basico den 18 skol. Un menu nobo di desayuno a wordo desaroya cu ta inclui mas fruta fresco pa e muchanan. Esaki despues di implementa un menu nobo di lunch cu ta mas na gusto di e localnan.
Preparacion di e cumindanan aki ta cuminsa 5’or di mainta, na momento cu 28 voluntario di Cruz Cora local drenta cushina na Sundial School. For di momento cu e programa aki a cuminsa na Oktober 2017, un total di 438,000 cuminda a wordo prepara y entrega for di cushina aki. Fuente: Soualiga Newsday
Cruz Cora Aruba ta hopi orguyoso di henter comunidad cu a yuda sin pensa dos biaha y asina ta haci posibel pa aporta na e proyectonan aki na St. Maarten. E programa di distribucion di awa, shelter, psychosociale hulp mesora despues di e desaster, asistencia cu voedselpakketten y den ultimo lunanan e programa di alimentacion na skol aki ta solamente parti di e ayudo brinda pa Cruz Cora na St. Maarten.
Gobierno Hulandes ta investigando su embahador na Colombia
DEN HAAG – Minister demisionario di relacionan exterior Bruins Slot (Buitenlandse Zaken) ta bay investiga si su embahador na Colombia Reina Buijs a surpasa su autoridad door di firma un documento sosteniendo e organisacion di Nacionan Uni UNRWA. E organisacion aki ta bou di presion internacional pa supuesto envolvimento di colabodornan di e organisacion den e atake di terror na Hamas aña pasa October. Merca y Hulanda a congela e sosten financiero na e organisacion aki te proximo aviso.
St Eustatius ta haya gezaghebber femenino Alida Francis
ORANJESTAD -- E siman aki señora Alida Francis a huramenta como gezaghebber nobo di Sint Eustatius. Pa prome biaha den historia di e isla un hende muhe ta gezaghebber.
Screening ministernan pa gobierno nobo di St. Maarten porfin ta den fase final
PHILIPSBURG - Den wikènt tras di lomba porfin informashon verídiko a drenta ku ta duna un indikashon ku e proseso di formashon di un gobièrnu nobo pa St. Maarten ta yegando den su fase final. Ta spera ku pa fin di e siman aki e seremonia pa hura e ministernan nobo di gabinete Mercelina i ta tuma lugá.
Tres Colombianonan ‘perdi’, lo a bandona barco crucero intencionalmente
MIAMI – E tres pasaheronan crucero Colombiano cu a ‘disparce’ despues di a bishita Tortola durante un crucero riba e barco crucero di NCL, Norwegian Sky, ta resulta cu a bandona e barco intencionalmente pa no bolbe. Noticiacla a raporta riba esaki recientemente, unda cu a bati alarma ora cu e barco a sali sin e tres personanan, unda cu a cuminsa un buskeda pa nan. AWor ta resulta cu ora cu autoridad a check e cabina di e tres pasaheronan, a haya esaki completamente bashi. Pues nan lo a bandona e barco cu tur nan pertenencianan, cu ta mustra straño, sin cu e personal di e barco a nota esaki. Mientrastanto e buskeda ta continua pa e tres personanan na Tortola. E tres Colombianonan tabata riba un crucero cu a caba pasa Aruba y Corsou tambe, pa despues yega Tortola. Aki ta unda e problemanan a cuminsa.
Tres pasahero Colombiano cu a pasa Aruba riba barco crucero, ta ‘perdi’ despues di a yega Tortola
TORTOLA – Tres pasahero biahando riba e barco crucero Norwegian Sky ta raporta como perdi despues cu e siman aki e barco a pasa Tortola, Isla Virgen Britanico. E barco prome cu esey a pasa Aruba tambe, pero ta na Tortola a sinti nan falta. E polis local a cuminsa un buskeda di e tres personanan, di nacionalidad Colombiano. Ta trata di Jean Carlo Ospina Cano, Pamela Mesa Escobar, y Yesica Yojana Marin Ramirez. No ta conoci si nan ta famia y si nan a keda tera ‘intencionalmente’ of si algo por a pasa nan.
Familiarnan di e 9 hombernan cu a disparce na caminda pa Aruba a keda secuestra
CARACAS – Familiarnan di esnan cu a naufraga riba laman na caminda pa Aruba, desde Paraguana, estado Falcon, ta kere cu nan tabata victima di un secuestro. Asina e portal Venezolano el diario.com ta raporta. E 9 hombernan ta desapareci desde December 2023. “Mientras cu e dianan tabata pasa, nos tabata spera cu nan lo a sali via Guajira pa Colombia, nos ta calcula y ta den nos cabez cu nan ta secuestra” un di e familiarnan a bisa na radio Union dialuna. Irene Velazco, otro familiar entrevista a bisa cu nan a raporta esaki caba na e autoridadnan. “Nos a te hasta bay guardacosta y nan a tuma nos datonan. Supuestamente nan lo ta haciento e buskeda pero nunca nan a duna nos prueba di e busqueda aki”.
Follow NoticiaCla
