(ADVERTORIAL)
ORANJESTAD -Tropical Bottling Co. a lansa e imagen nobo di cerbes Chill. Pa esaki Tropical Bottling Co. tabatin un roadshow y a pasa na tur compania di MetaCorp, esta ATCO Aruba, ATCO Concrete, EcoGas, New York Laundry, The Cinemas y MetaCorp, pa asina presenta e cambionan di e producto na tur empleado.
E prome sesion di e roadshow a cuminsa na ATCO Aruba y Rebecca Zievinger, representante di Tropical Bottling Co., a expresa cu tur empleado di MetaCorp tabata entusiasma cu e imagen nobo di Chill. Tropical Bottling Co. tabatin e deseo p’e empleadonan di MetaCorp sinti nan mes importante den e logro grandi aki di Chill.
Na aña 2011 a lansa e cerbes Chill, di cual ainda aña pasa e cerbes a sali cu e logo anterior. Nan a scoge pa lansa e cambio aki, pa asina esaki por a bay cu e ambiente di carnaval. Tur hende tabata entusiasma y tabata manera cu nan a cera conoci di nobo cu e marca. E empleadonan a haya cu e logo tabata mas jong y un tiki mas profesional. Tur empleado a keda sumamente entusiasma cu e cambio di Chill y cu e sabor a keda mescos. A felicita e team dinamico di Tropical Bottling Co. pa haci e cambionan aki, unda cu e cambionan aki ta positivo.
Tropical Bottling Co. a haci un presentacion na tur empleado, cual ta casi 500 empleado, unda cu nan a haya un splicacion di kico tur nan a haci cu e Chill nobo, e cambionan haci y kico lo tin pa futuro, asina Mitch Bermudez, representante di Tropical Bottling Co., a expresa. E roadshow a termina diaranson ultimo na e oficina di MetaCorp unda no solamente e empleadonan di MetaCorp a haya un presentacion di e cambio di Chill, pero tambe miembronan di directiva.
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.