METEO: Alerta di biento duro y laman bruto diasabra

METEO: Alerta di biento duro y laman bruto diasabra

Posted on 02/9/2018 9:07 pm AST | Updated on 02/9/2018 9:08 pm AST

ORANJESTAD - Un alerta pa boto chikito, biento duro i lama bruto lo drenta na vigor diasabra mainta 6' or te proximo aviso

AREANAN AFECTA

Principalmente costa noord te noordwest, costa di Arashi, high rise y low rise hotels.

SYNOPSIS

Biento duro causa door di un area di presion halto riba oceano atlantico i un area di presion abou riba noord di Colombia lo soru pa un biento fuerte te hopi duro den region local. E biento aki lo combina tambe

cu labadernan modera cu ta biniendo for di oost- noordoost i esaki lo hasi parti di nos costanan relativamente bruto cu olanan di 8 te 10 pia. Por spera biento di 20 pa 25 nudo cu rafaga cu por jega 35 nudo (beaufort 8).

ACCION DE PRECAUCION

Usadornan di lama, especialmente doñonan di boto chikito ta wordo avisa pa tene cautela riba lama grandi i cerca e area di costanan menciona. E biento fuerte por pone cu e obhetonan liviano por ser lansa den aire i bira peligroso. Vehiculonan halto i cu ta hala trailer mester eherce cautela.

  • Famia di hoben Leoni Brokke lo colecta placa atrobe diasabra

    Famia di hoben Leoni Brokke lo colecta placa atrobe diasabra

    ORANJESTAD - Diasabra famia di e hoben Leoni Brokke, cu a haya accidente dia 16 September 2016, unda cu nan lo ta para na tur rotonde di Aruba, pa asina colecta placa pa por sigui paga su tratamento na Colombia.

  • SETAR a repasa e 15 aña di e compania como NV y e bista pa futuro durante nan ‘Business Event 2018’

    SETAR a repasa e 15 aña di e compania como NV y e bista pa futuro durante nan ‘Business Event 2018’

    ORANJESTAD - Diahuebs anochi Setar NV a organisa e di 14 Business Event, cu a tuma lugar na Marriott Ballroom. Durante e evento anual aki Director di SETAR NV sr. Roland Croes a elabora di tur e logronan den SETAR 15 aña como compania NV. E la menciona tambe kico e situacion actual ta di SETAR y loke ta e posicion di SETAR den futuro. Manera custumber cu tin un orador special cada bes. E biaha aki e orador invita pa SETAR tabata Steve Brown, un persona cu 30 aña di experencia den “high tech” y actualmente ta yuda companianan internacional compronde con e futuro ta cambiando cu tecnologia.

  • CITGO a desactiva badge di trahadornan di contratistanan di refineria

    CITGO a desactiva badge di trahadornan di contratistanan di refineria

    SAN NICOLAS – Tres dia despues cu CITGO a informa NoticiaCla cu nan ta ‘slow down’ e proceso di rehabilitacion di e refinernia, nan a cumpli cu nan declaracion y cera badge di tur trahado di contratistanan. Fuentenan cerca di e proceso a confirma pa e portal cu e trahadornan tabata para pafo di e refineria, y no por a drenta. “E consorcio VEC a wordo bisa ayera cu nan contract a caba y a bira manda tur trahado di contratista cu ta traha pa nan, un carta”, e persona cu a papia riba condicion cu e ta keda anonimo, a sigui bisa. “Nan a manda e trahadornan un carta pa 3:50pm cu ta kita nan for di trabou 4pm. E persona a bisa tambe cu for di december, no a paga e trahadornan mas. Mientrastanto ministerio di Labor a sigura e portal aki cu minister di Labor Glenbert Croes lo no otorga permiso di retiro na e companianan y CITGO.

  • Habitantenan di Wayaca/Primavera ta pidi auxilio pa ‘cruzada peligroso’

    Habitantenan di Wayaca/Primavera ta pidi auxilio pa ‘cruzada peligroso’

    ORANJESTAD – Habitantenan di Wayaca/Primavera a cuminsa pidi auxilio pa e cantidad di accidente di auto cu ta tumando lugar na e ‘skina peligroso’ na Wayaca. Den menos cu un siman tabatin dos accidente atrobe, y algun tempo atras tabatin algun mas serio unda cu te hasta muraya di cas a wordo kibra, y cu auto a bolter. E mesun skina aki ta ‘conoci’ pa e accidente fatal cu a tuma lugar algun aña atras ora cu un dama stranhero a perde su bida.

  • Aruba sede di e di 2 Kiwanis Divisional Council meeting

    Aruba sede di e di 2 Kiwanis Divisional Council meeting

    ORANJESTAD - Entre dia 22 cu 25 di februari Aruba lo ta sede di e di 2 “Divisional Council meeting” pa e aña Kiwanistico 2017 -2018. Ta trata aki di e reunion di e paisnan di Division 26 di e Eastern Canada and the Caribbean District di Kiwanis International. E biaha aki e ta uno hopi special ja cu ta conta cu presencia di “Governor di Eastern and The Caribbean District of Kiwanis International” Sr Robert “Bobby” MooYoung.

  • Simar: Decision final independisacion DPS den man di miembronan

    Simar: Decision final independisacion DPS den man di miembronan

    ORANJESTAD - Directiva di SIMAR a tuma nota di varios comentario y comunicado relaciona cu e topico di independisacion di scolnan publico. Segun e sindicato di maestro,ta di lamenta cu hopi informacion eroneo a ser publica cu no ta cuadra cu e berdad.

  • Powered by SETAR