- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Chill ta habri 2018 estrenando un imagen nobo y fresco
(ADVERTORIAL)
ORANJESTAD – Brouwerij Nacional Balashi ta contento y orguyoso di anuncia cu e momento adecua a yega pa brinda Aruba un imagen nobo di nan cerbes tan gusta, Chill. Chill a haci un impacto riba e mercado local for di tempo cu a realisa e lansamento original na 2011 cu un aceptacion na nivel nacional cu a kibra tur record. Cerbes Chill ta sigui posiciona su mes como un di e cerbesnan mas gusta na Aruba tanto pa su smaak suave y 'light' cu ta identifica perfectamente cu e estilo di bida alegre di Aruba.
Brouwerij Nacional Balashi ta sinti cu, pa keda den lin?a cu e spirito hoben y dinamico cu Chill y su consumidornan ta comparti, ta ora pa duna e cerbes un presentacion y imagen nobo. Loke ta keda presenta ta e resultado di un estudio di mercadeo cu ta satisface tanto e expectativa di e consumidor fiel di Chill, pero tambe e proyeccion desea pa alcansa segmentonan nobo.
Brouwerij Nacional Balashi a realisa inversionnan grandi pa loke ta trata e desaroyo y lin?a di produccion. Tur esaki cu e meta primordial di brinda e mihor cerbes posibel y posiciona Chill huntu cu otro marcanan na e nivel mundial.
Un di e areanan cu entre otro a pone enfasis riba dje ta, e label di e boter, cu ta clear pa mustra e color y pureza di e cerbes. Locual cu a ser manteni mescos ta e compromiso di Chill na reciclahe, sosteniendo e sistema di entrega di boter cu ta coopera asina cu nos medio ambiente.
Cu hopi orguyo Brouwerij Nacional Balashi ta continua inovacion den su productonan den presentacion, calidad y sostenibilidad teniendo nos medio ambiente semper como un prioridad.
Brouwerij Nacional Balashi su filosofia ta basa riba e creacion di cerbes traha cu pasion y consistentemente di calidad halto. Cerbesnan cu ta laga e sabor y aromanan di nos ingredientenan premium resalta. Cerbesnan local cu ta simplemente bon pa bebe cu semper ta fresco y delicioso sin aditivo of preservativo.
E logro aki Brouwerij Nacional Balashi kier celebra huntu cu e pueblo di Aruba y pa esaki ta ofrece un tremendo campan?a unda cu e compra di 5 caha di Chill ta risibi 3 caha completamente gratis. E promoshon aki ta disponible na diferente Supermercado pa tempo limita. Join e celebrashon cu Chill door di an?adi e Chill frame na bo ‘profile picture’ riba Facebook.
Kes the Band di Trinidad confirma pa Flip Flop Festival na juni!
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
Video: Con a yega na titulo di documentario ‘I can’t be moe’ ?
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Follow NoticiaCla
