Caso bancario illicito di labamento di placa den corte

Caso bancario illicito di labamento di placa den corte

Posted on 01/31/2018 11:02 am AST | Updated on 01/31/2018 11:06 am AST

ORANJESTAD - Corte den prome instancia di Aruba a trata riba dialuna y diamars 22 y 23 di januari un caso penal contra cuatro persona, cu ta wordo sospecha di actividadnan bancario ilicito (ondergronds bankieren) y labamento di placa. Den e caso aki, cu yama “Hamburg”, cuatro persona di descendencia Chines a wordo persigui, pa motibo cu nan tabata manda sumanan di placa desde Aruba pa China (principalmente) y di Aruba pa Sint Maarten y Anguilla riba gran escala.Tin di e sumanan aki cu tabata relativamente chikito, pero frecuentemente tabata trata di sumanan hopi grandi mes.Un di e personanan ta wordo alavez sospecha di tabata coordina transferencianan grandi di placa pa China y Aruba pa hende na Suriname, Colombia y Venezuela.Alavez tabata cambia sumanan di placa riba gran escala. Segun Ministerio Publico, comisionnan illegal tabata wordo gana cu e transfercianan y e cambiamento di cen. Dos di e sospechosonan tabata inverti e ganashinan aki den (entre otro) inmobilario. Ley ta stipula cu actividadnan bankero, transferencia di placa y cambio di placa por solamente wordo haci pa instancianan cu permiso of autorizacion di Banco Central di Aruba.Esey ta pa ta crea un sistema di supervision riba trafico financiero, cu na esun banda ta garantiza proteccion di e consumidor contra instancianan financiero grandi, y na e otro banda ta boga pa garantiza integridad di e sistema financiero.Di e manera aki ta evita cu e sistema financiero di Aruba por wordo malusa pa personanan criminal, cu ta dispone di placa di procedencia sospechoso of dudoso y ta busca pa laba cen. E caso en cuestion di actividadnan bancario ilicito a sali na cla den un investigacion anterior di droga, den cual investigadornan a wak con e sospechosonan den e investigacion ey, tabata haci uso di servicionan di un di e sospechosonan den e caso Hamburg.E sospechoso aki tabata cambia placa pa e sospechosonan den e investigacion di droga of tabata manda cen afo pa nan.Tambe a keda constata cu placa cash tabata wordo manda pa exterior, sin cu tabata haci denuncia na Aduana manera ley ta prescribi.E ora a cuminza un investigacion contra e sospechoso aki. RST tabata encarga, bao guia di Ministerio Publico. E investigacion a dura un aña y mey. E investigacion Hamburg a mustra cu dos di e sospechosonan tabata hiba actividadnan bancario ilicito extenso y transnacional.Casi tur siman y pa periodo largo tabata manda sumanan di entre 500 Dollar y 100.000 Dollar pa exterior.Tabata cobra comisionnan di 5%, pero tin biaha te 8%.Dor di esey, asina ta e sospecho, tabata genera entredanan illegal den cash hopi grandi.Den cuadro di e investigacion a tuma sumanan den cash grandi den beslag durante huiszoekingnan. Cu e entradanan aki tabata cumpra y paga (entre otro) activonan fiho.Ora tabata paga terceronan, tabata paga e terceronan aki parcialmente den cash, y despues e terceronan tabata pone e placa aki back riba cuentanan bancario di e sospechoso.Siguientemente e activonan fiho tabata wordo paga desde e cuentanan bancario ey.Asina tabata aparenta cu e cen tabata wordo presta di e terceronan, mientras cu en realidad, e cen tabata di e sospechosonan mes.Segun Ministerio Publico, ta pa e razon aki cu, banda di e sospecho di actividadnan bancario ilicito, a bin tambe e sospecho di labamento di placa. A exigi castigonan di prison y multanan grandi contra tur e sospechosonan. Huez lo dicta sentencia riba 6 di maart 2018. Ademas Ministerio Publico tin planea pa traha un informe pa gobierno, den cual e problematica di actividadnan bancario ilicito lo wordo describi y lo bin cu cuadronan dentro di cual e problematica aki por wordo combati structuralmente.

  • OM: Por cera un areglo di pago cu Ministerio Publico

    OM: Por cera un areglo di pago cu Ministerio Publico

    ORANJESTAD Ministerio Publico ta haya importante pa comunica mas mihor posible y pa e motibo ey mes a dicidi pa saca e relato di prensa aki pa informa tocante e posibilidad pa cera areglo y paga boet poco poco. Ministerio Publico conoce e sistema di areglo di pago pa algun aña caba, pero no tur hende sa di dje.

  • OM: Regiezitting caso ex minister Paul Croes ta prome cu zomer

    OM: Regiezitting caso ex minister Paul Croes ta prome cu zomer

    ORANJESTAD – Prome cu zomer di e aña aki, corte lo trata e caso Ibis den cual e sospechoso principal ta ex minister Paul Croes. Vocero di ministerio publico Ann Angela a confirma na Noticiacla cu e investigacion ta den e fase final caba. Croes ta considera como e sospechoso principal yt sospecha di e.o. corupcion den e caso penal cu a haya e nomber Ibis, cu a conoce luz di dia aña pasa. Croes a cay cera dia 21 di augustus di aña pasa y a keda 3 luna deteni, hunto cu algun otro persona. Despues el a recobra su libertad 15 di november di aña pasa. Segun Angela, e expectativa ta cu e regiezitting lo bin dilanti dentro di algun luna. “ Nos ta spera en todo caso prome cu zomer”. Durante un regiezitting tanto defensa como ministerio publico ta haya oportunidad pa trece nan deseonan pa dilanti pa loke ta mas investigacion. E caso no ta wordo traha den su contenido pues riba e fecha ey. prome cu summer y ey lo determina fecha pa e tratamento.

  • Thijsen: Pais Aruba ta apela sentencia contra periodista

    Thijsen: Pais Aruba ta apela sentencia contra periodista

    ORANJESTAD – Pais Aruba/Parlamento ta bay apela e sentencia contra dje di algun siman atras cu nan a perde contra periodista Nelson “Speed” Andrade. Asina presidente di Parlamento Ady Thijsen a confirma pa NoticiaCla awe mainta. “Nos no ta acuerdo cu e sentencia!” Thijsen a bisa e portal aki. E sentencia cu Thijsen ta referi na dje ta di dia 20 di december 2017 ora cu huez a ordena pais Aruba duna e periodista e entrada bek na Parlamento, contal cu e no causa disturbio. Algo cu Parlamento a prohibi Andrade pa un periodo di 3 luna. Thijsen awor ta apela esaki.

  • Placa ilegal intercepta na Airport

    Placa ilegal intercepta na Airport

    ORANJESTAD - Riba 17 di februari ultimo Aduana na aeropuerto internacional Reino Beatrix a controla un pasahero Arubiano di 25 aña di edad, kende tabata regresando di Merca. E pasahero a keda sin meld na Aduana cu e tabatin casi 20.000 dollar cu ne. El a bin cu un declaracion increible di unda e placa a bin y e no por a comproba su storia tampoco. E sospechoso a wordo pasa pa Cuerpo Policial y a entrega e placa despues di a wordo interoga.

  • Van Dam: Ta parse cu asesinato di de Vuyst ta resolvi

    Van Dam: Ta parse cu asesinato di de Vuyst ta resolvi

    ORANJESTAD – Ta parse cu e asesinato aki ta resolvi. Asina ta parse por lo menos. Asina Procurador General Alexander van Dam a bisa den un conferencia awe mainta riba detencion den e caso Fist (asesinato na de Vuyst). Loke a conduci na e detencion di e homber Jairo.A.C (46), ta e hecho cu su DNA a ‘match’ cu e DNA haya na e lugar di e crimen na e cas di e victima di de Vuyst. Van Dam riba pregunta di NoticiaCla, ta considera J.A.C. como e sospechoso principal, y cu e caso ta resolvi aunke cu ‘nunca no ta para e posibilidad pa mas detencion’. Alto comisario di polis Dolfi Richardson, contestando pregunta di e portal aki, enberdad ta considera e crimen aki uno di esunnan mas serio conoci na Aruba te awor.  

  • Venezolano a purba bandona Aruba cu baranan di oro

    Venezolano a purba bandona Aruba cu baranan di oro

    ORANJESTAD - Ayeranochi 9 di februari, un pasahero di KLM a wordo saca for di avion net prome cu a lanta vuelo y el a wordo deteni pa RST riba sospechoso di traficacion di oro y falsificacion.E sospechoso procedente di Venezuela tabatin 46 bara di oro cu ne. Ta trata di en total alrededor di 50 kilo di oro cu ta representa un valor di 2.1 miyon Dollar. A base di informacion haya di FIOD (Hulanda) y RST na Curacao, e sospechoso por a wordo deteni. E accion ta un iniciativa conhunto di RST di Aruba, Cuerpo Policial di Aruba, Ministerio Publico di Aruba y Afpakteam di Aruba. E sospechoso ta den detencion y e investigacion ta andando. Den cuadro di e investigación, lo coopera cu Curacao y Hulanda.

  • Powered by SETAR