Aruba Bank y Comite Olimpico Arubano ta anuncia Aruba Bank Sport Clinics 2018

Aruba Bank y Comite Olimpico Arubano ta anuncia Aruba Bank Sport Clinics 2018

Posted on 01/17/2018 5:00 pm AST | Updated on 01/17/2018 5:01 pm AST

ORANJESTAD - Aruba Bank y COA desde 2016 a enfoca ariba e sosten di e vision y mision di e organisacion olimpico y nan principionan fundamental.

Pa mantene e convenio aki bibo Aruba Bank ta introduci un serie di SPORTS CLINICS durante di e aña cu ta enfoca rond di e balornan olimpico, cu ta entre otro; leadership (liderazgo), teambuilding (hermandad), integrity (integridad), respect (respet), passion (pasion), discipline (disiplina), health and wellbeing (bienestar mental y corporal/salud) y e promocion di excelencia den comunidad, entre muchanan y hobennan, ta balornan ariba cual Aruba Bank tambe ta funda.

E importancia di e laso aki tambe ta pa sostene e participacion di e hende muhe ariba tur nivel di deporte y e esencia di conscientisa e pueblo en general di e importancia di deporte pa e desaroyo humano den comunidad. E clinica aki ta pa crea relacion cu atletanan local, pero tambe pa inspira y motiva hobennan pa cuminsa haci un deporte.

Expertonan ta di acuerdo cu actividad fisico ta esencial pa hobennan, pero tambe e educacion fisico ta yuda na implementa e importancia di haci deporte y di ta activo. Esaki ta e motibo cu Aruba Bank a introduci e Aruba Bank Sport Clinic. E clinica aki su meta principal ta pa enfoca riba diferente balor di deporte y habitonan saludabel na scolnan basico. E clinica aki ta pa studiantenan di scol basico di klasnan 4 te 6, pero tambe ta enfoca riba muchanan inactivo.

En conexion cu e partnership cu COA, atletanan olimpico local lo ta presente na e Aruba Bank Sport Clinic. E prome deporte di e clinica lo ta di bowling. E meta di Aruba Bank ta pa inspira hobennan inactivo pa ta activo, pa bira futuro atleta. Durante e clinica e atletanan olimpico lo comparti nan experiencia cu participantenan. Tambe e participantenan lo tin e oportunidad pa practica e deporte. Na final di e clinica, tur participante lo ricibi nan certificado di participacion y un treat saludabel.

Diasabra dia 17 di Februari na Eagle Bowling Palace pa 10:00am te 1:00pm lo tin e clinica di bowling, unda cu atleta Kamilah Dammers lo ta presente pa papia riba su experiencia y siña tecnicanan di bowling na e muchanan. Aruba Bank lo tene e Aruba Bank Sport Clinic na diferente facilidad deportivo. Por registra aki mes https://www.arubabank.com/forms/ParticipationFormSportsClinic2018

  • Arubiano Nicole Hoevertsz a core cu antorcha olimpico na Sur Korea

    Arubiano Nicole Hoevertsz a core cu antorcha olimpico na Sur Korea

    ORANJESTAD/PYEONGCHANG – E Arubiano Nicole Hoevertz awe mainta na tabatin e honor di ta un di e coredornan cu e antorcha pa weganan olimpico di invierno na Sur Korea. E ta sigur un honor pa un persona haya e privilegio aki, y sigur den e caso aki si e persona aki bin for di Aruba. Hoevertsz aña pasa a keda eligi pa forma parti di e directiva principal di Comite Olimpico Internacional, cu tambe ta un logro grandi. Awe e weganan a cuminsa. Foto cortesia COA. 

  • Exitoso resultado di ‘Curaçao Open 2017’ pa Shotokai Aruba

    Exitoso resultado di ‘Curaçao Open 2017’ pa Shotokai Aruba

    ORANJESTAD - Den fin di siman di 24 y 25 di november a tuma luga e campeonato internacional di karate, esta ‘Curaçao Open 2017’ organisa pa Curaçao Karate Bond. Na dicho campeonato a participa e karatekanan Janilaine Bello, Glendeline Croeze y Alejandro Gonzalez Lujan di e Asociacion Arubiano Di Karate-Do Shotokai, dojo Shocokan.

  • Italia ta domino durante ITF Aruba Open 2017

    Italia ta domino durante ITF Aruba Open 2017

    ORANJESTAD - Diadomingo ultimo, a yega su final, e evento mas grandi di deporte na Aruba y alabes e evento number uno di mundo, esta Beach Tennis Aruba Open 2017. Eagle Beach un biaha mas a keda chikito, cu sigur un alrededor di 2 mil hende riba e anochi final di e torneo aki

  • Beach Tennis Panamerican Championship 2017 a cuminsa

    Beach Tennis Panamerican Championship 2017 a cuminsa

    ORANJESTAD - Den un Tropicana Beach Tennis completamente yen, ITF conhuntamente cu Beach Tennis Aruba a haci e apertura official na e ITF Panamerican Championship pa e aña aki. Cu presencia di tur pais, cu excepcion di Bonairo kende nan vuelo no a yega na tempo, e desfile a tuma lugar.E anochi a habri cu un press conference caminda representante di ATA, Sra. Tita Iglesias, pa ITF tabata presente Massimo, Vini Font kende a representa e ekipo di Brasil como e ekipo campeon di 2016, Maud Celaire representando su ekipo di Aruba y na ultimo, e representante di Aruba Lawn Tennis Bond, Sr. Ronny Tchong.Pa a duna inicio official na e weganan Panamericano, e ekiponan di Bolivia, Ecuador, Chile, Puerto Rico, Colombia, USA, Venezuela, Argentina, Brasil y e team local di Aruba tabata bon representa. Un atmosfera increibel, cu presencia di bastante siguidor di e deporte di Beach Tennis, cu unicamente a segura tur presente, cu e aña aki un biaha mas, nan por spera hopi ambiente riba veld y pafor di e veldE prome weganan lo cuminsa diabierna mainta pa 9or y atardi lo cuminsa bek desde 5or te den anochi. Diasabra mainta 9or e weganan lo continua pa 9or di mainta y lo cuminsa bek den atardi pa 4or. E semifinal nan lo tuma lugar diadomingo pa 10or y tur e dianan y orario nan menciona lo tuma lugar na Tropicana Beach Tennis Club. Diadomingo atardi pa 4or lo cuminsa e finalnan, cuminsando cu e hubenil, sigui pa final di doubles female, doubles male y e anochi lo termina cu e final di mix doublesRIba e compilacion di potret por tuma nota di con e anochi a bay.

  • Coca Cola Nacional a keda na di 3 lugar den Copa ABC

    Coca Cola Nacional a keda na di 3 lugar den Copa ABC

    ORANJESTAD - E ekipo campeon di futbol division di honor di Aruba di aña 2016-2017, esta Coca Cola Nacional a competi den e A-B-C Cup na Boneiro y a keda na di 3 luga. Diabierna anochi nan a hunga contra Real Rincon y a perde e wega aki, mientras cu diadomingo nan a topa Uruguay di Boneiro. Nan a bay cu e victoria riba e team di Boneiro cu e score di 4-2 y asina a keda na di 3 luga.

  • Sv Britannia Total Finance/Bright Bakery ta gana Riverplate 2-1

    Sv Britannia Total Finance/Bright Bakery ta gana Riverplate 2-1

    ORANJESTAD - Diasabra anochi tabata tin continuacion di campeonato di AVB ora cu e pumanan esta Sv Britannia Total Finance/Bright Bakery a topa cu e muchanan di Madiki esta Riverplate. E alinacion di Sv Britannia tabata ta; Arthur Werleman, Carl Geerman, Rodymar Paesch, Carlos Caro, Glembert Kock, Nino Ulises, Renier Paraez, Luis Estrada, Jean-Marc Farro, Hugo Martina y Rafy Godoy. Den e prome 30 minutnan di wega Sv Britannia Total Finace/Bright Bakery a domina e wega completo y ta anota 2 gol trempan den wega. E prome gol a wordo anota pa Luis "Coco" Estrada cu ta bai laga ariba banda robes y ta fusila e keeper di Riverplate na di 7 minut di wega pa e 1-0. Ta na di 27 minut di wega ta e propio Luis Estrada cu ta bai laga atrobe banda robes y ta duna un voorzet pa Rhaf Godoy kende no ta basila y ta slice pa anota e di 2 gol pa Sv Britannia bai ariba 2-0. Na di 35 minut di wega Riverplate ta hana un free kick y aki ta unda cu Kendric Paulina ex-hungador di Britannia cu ta tuma e tiro liber na su cuenta y ta anota e gol di corta ventaha pa Riverplate y hasi e wega 2-1. Nos por menciona cu na di 22 minut di wega e defensa central di Britannia esta Rodymar Paesch ta leciona na su hamstring y mester a bandona tereno. For di e momento ey nos por a wak cu e defensa di Britannia a perde confiansa y no tabata asina stabil mas. Den di dos tempo Riverplate a bin por la coma pa empata e wega y nos por bisa cu si no tabata pa Arthur Werleman cu a trese algun salbacion y stroba Riverplate di empata e wega. Cambionan cu Sv Britannia Total Finance/Bright Bakery a hasi ta; Alex Moreno a drenta pa Rodymar Paesch na di 22 minut, Luis Murillo a drenta na lugar di Glember Kock na di 46 minut, Leyon Croes a drenta pa Hugo Martina na di 76 minut, Moises Castro a drenta na lugar di Alex Moreno na 76 minut y Wim Oosthoek a drenta na lugar di Rhaf Godoy na di 87 minut. Cu e score di 2-1 tambe refree de Leca ta caba e wega y asina Sv Britannia Total Finance ta bai cas cu e 3 puntonan y asina e pumanan ta acumula 7 punto den 3 wega. 

  • Powered by SETAR