- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Knops ta sostene CAFT pa duna Aruba espacio pa drecha su finanzas
ORANJESTAD – Secretario di estado Hulandes pa asuntonan di Reino Raymond Knops ta di sostene e colegio di supervision financiero di Aruba CAFT cu mester duna e gobierno nobo di Aruba mas tempo pa regla su asuntonan financiero. Como tal e ta di acuerdo cu por desvia un poco di e ultimatum nan fiha. Aparte di esey, e mandatario no a haci ningun palabracion concreto durante su bishita cortico di 3 dia. Asina e mandatario a bisa durante un conferencia di prensa diasabra atardi. A compronde tambe di e premier di Aruba cu e ta contento cu el a haya e espacio pa por drecha e situacion financiero.
MOTIVACION
Knops a referi na e raportahe financiero cu CAFT a haci di e situacion financiero di Aruba, indicando cu tin un problema financiero grandi, refiriendo na e deficit riba e presupuesto. Pero a reconoce mesora tambe cu tin un gobierno nobo, cu un agenda ambicioso pero cu a haye confronta cu un situacion diferente cu gabinete anterior a pronostica. Como tal CAFT a bisa e ora cu nan ta haye realistico pa duna e gabinete mas tempo pa drecha e situacion financiero. Ta interesante pa sa kico e plan di recuperacion ta. A papia riba e tema, pero Knops a bisa cu e no a haci ningun palabracion concreto y ta laga esaki na CAFT. Ta ora cu CAFT keda cla cu su analisis, na su tempo, gobierno di Reino lo dicidi si enberdad e plan presenta ta uno cu ta funciona. Mes momento a bisa cu no tin un deadline pa Aruba cumpli cu e punto aki, aunke ta wak si cu mester keda cla mas liher cu ta posibel cu e presupuesto 2018, prome cu 1 di april, pero otro cu esey no tin otro ultimatum.
Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Oduber: Maneho nobo pa haya permiso pa hotel; Ta permiti solamente Boutique hotels!
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
A prolonga ciere di frontera cu Venezuela cu cuater luna mas
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
Follow NoticiaCla
