Participantenan Aruba Caiso & Soca Monarch 2018 conoci

Participantenan Aruba Caiso & Soca Monarch 2018 conoci

Posted on 01/12/2018 11:34 am AST | Updated on 01/12/2018 11:35 am AST

ORANJESTAD - Diaranson anochi, Stichting Musica a organisa e registracion pa Aruba Caiso & Soca Monarch 2018. E registracion di Tumba Contest y Aruba Caiso & Soca Monarch a tuma lugar hunto na Centro di Bario Brazil. Varios participante y band leader a acudi pa asina finalisa nan registracion na e grandioso festival, cu sigur ta un di e eventonan durante e temporada di Carnaval cu ambos musico y publico ta anticipa p’e. Tabata bunita pa experiencia e modo cu varios banda y musico a yega na e registracion uniforma y algun hasta cu fanfaria y brassband cual a haci e anochi aun mas special.

Stichting Musica ta gradici tur miembro di prensa cu tabata presente, en particular e radio emisoranan y plantanan di television cu a transmiti “live”, cu a duna tur musico amplio oportunidad pa divulga detayes di nan participacion.

Stichting Musica a keda sumamente satisfecho cu e cantidad di registracion ricibi y a expresa

nan gratitud y palabranan di exito na e participantenan cu a inscribi. Tambe a elogia tur Band

Leaders pa nan tremendo trabow haci, mirando cu e an?a aki a opta pa digitalisa e registracion. Mayoria inscripcion a wordo haci online, via sistema di e-mail, cual a facilita e procedura.

Na final di e anochi di inscripcion a “trek lot” pa haya sa e secuencia pa cada anochi di Prefinals di Aruba Caiso & Soca Monarch 2018. E resultado ta lo siguiente:

Prefinals Aruba Caiso & Soca Monarch 2018 pa dialuna, 22 januari (prome anochi):

1. Back on Track 2. Raggadonz

3. Perfect Sound

4. Youth Xtreme (YX3M) 5. Mellow

6. Caribbean Band

7. Buleria

8. The Failures

Detayes pa prome anochi di Prefinals: 8 banda, 28 cantica, 26 cantante, 20 soca / 8 caiso

Prefinals Aruba Caiso & Soca Monarch 2018 pa diamars, 23 januari (di dos anochi):

1. Tsunami

2. 1OAK 3. Furyah

4. B.M.W.

5. Madness Band

6. Zeta Band

Detayes pa di dos anochi di Prefinals: 6 banda, 30 cantica, 25 cantante, 24 soca / 6 caiso

Prefinals Aruba Caiso & Soca Monarch 2018 pa diaranson, 24 januari (di tres anochi):

1. N’Fuzion

2. OREO

3. Robert y su Solo Banda Show 4. Le Groove

5. Hot Ones

6. S.T.E.A.M.

7. D’-Licious

Detayes pa di tres anochi di Prefinals: 7 banda, 35 cantica, 28 cantante, 28 soca / 7 caiso

Publico por spera un total di 21 banda; 79 cantante cu 93 composicion nobo, di cual 72 ta den e categoria Soca y 21 ta Caiso. Stichting Musica a termina e anochi gradiciendo e partners di e

festival, SETAR NV, Tropical Bottling Company, AAA y Elite Productions cu a deposita nan confiansa den e organisacion y asina tambe nos talentonan local. Foto ta di archivo di NoticiaCla di 2017. 

  • Resultado eleccion Prins y Pancho 2018

    Resultado eleccion Prins y Pancho 2018

    ORANJESTAD – Diabierna anochi a tuma lugar e eleccion di Prins y Pancho di Aruba su carnaval 2018 den tur categoria.

  • Diadomingo awor ta tuma luga Boatfest na Surfside Beach

    Diadomingo awor ta tuma luga Boatfest na Surfside Beach

    ORANJESTAD - E aña aki diadomingo 14 di Januari lo tuma luga e Boatfest 2018 cu cerbes Chill, unda botonan lo yega hunto y tur hende lo pasa un rato ameno. Algun aña pasa a inicia e Boatfest di cual e aña aki Brouwerij Nacional Balashi ta participa pa di 3 aña na e evento aki. E Boatfest a cuminsa algun aña pasa ora cu e tabata Aruba Boat Trip conhunto cu Varadero. Pa por participa na e evento, lo tin un reunion cu e capitannan di boto pa repasa e puntonan importante.

  • Nathan Berkel y Natasha Pietersz ganadornan di 'Share your Joyous Moments'

    Nathan Berkel y Natasha Pietersz ganadornan di 'Share your Joyous Moments'

    ORANJESTAD - Manera ta conoci, durante luna di december 2017 SETAR a lansa su campaña “Share your Joyous moments” den cual e clientenan ta comparti nan momentonan di alegria pa por gana premionan atractivo. Durante e programa popular carnavalesco “DEN DJE” na Telearuba, SETAR a haci entrega di regalo na dos di e ganadornan. Nathan Berkel a gana Afl. 1000 na gift certificate di Maduro Travel y Natasha Pietersz a gana Weekend Stay pa 2 persona (all inclusive). E otro ganador ta J. Soliana cu a gana un SETAR Gift Certificate na valor di Afl. 250.

  • SETAR ta anuncia ganadornan di “Wish Tag” di SETAR

    SETAR ta anuncia ganadornan di “Wish Tag” di SETAR

    ORANJESTAD - Den e campaña di fin di aña SETAR kier a realisa algun soño di su clientenan. Tur cliente cu a haci uzo di un of mas promocion di e campaña a ricibi un “Wish Tag”. Riba e “Wish Tag” aki e cliente a pone un di su deseonan y a colg’e den un di e “Wish Tree”nan cu tabata situa den cada Teleshop y na SETAR Store.

  • Tropical Bottling Company a partner cu Empire y Infinity Carnival Group pa Fakkeloptocht

    Tropical Bottling Company a partner cu Empire y Infinity Carnival Group pa Fakkeloptocht

    (ADVERTORIAL)

  • Lillyputters Peuterschool cu un parada colorido y anima

     Lillyputters Peuterschool cu un parada colorido y anima

    ORANJESTAD - Diadomingo atardi e cayanan di Santa Helena, ponton bai topa Solito tabata yena cu chikitin bisti masha colorido mes ta balia riba e tononan di Buleria y dos brassband. Un parada sumamente anima, cu ta inicio di e celebracion di 40 aÒa di Lillyputtes Peuterschool. Un di e prome alumnonan di e peuterschool aki ta nos minister di infrastructura y medio ambiente sr. Otmar Oduber. Pabien na Juffrouw Lilly Arends hunto e demas leidster di e peuterschool. Mascarada di Noticia tabata presente y a compila un bista fotografico di e parada aki.

  • Powered by SETAR