BCA: Activo domestico netto a aumenta y reserva di divisa netto a baha

BCA: Activo domestico netto a aumenta y reserva di divisa netto a baha

Posted on 01/12/2018 11:27 am AST | Updated on 01/12/2018 11:27 am AST

ORANJESTAD - Den e luna di October 2017, e cantidad di placa den circulacion a expande cu Afl. 16,9 miyon te na Afl. 4.174,4 miyon, compara cu September 2017. Asina Banco Central di Aruba ta informa. Esaki a wordo causa door di un crecemento den e activo domestico netto (+Afl. 31,8 miyon) y un caida den e reserva di divisa netto (-Afl. 14,9 miyon).

E expansion den e activo domestico netto ta debi na un aumento den transaccionnan no relata na credito (+Afl. 39,5 miyon), cual a wordo parcialmente mitiga pa un bahada den credito domestico (-Afl. 7,7 miyon). E subida den transaccionnan no relata na credito ta mas tanto relaciona cu un caida den e asina yama “shareholder’s equity”, aumento den e asina yama “accounts receivables and prepayments” y transaccionnan di clearing. Credito domestico a disminui door di menos credito bancario netto na e sector publico (-Afl. 7,7 miyon) , mientras cu credito bancario na e sector priva a keda mescos.

Credito bancario netto na e sector publico a baha principalmente door di mas depositonan di gobierno (+Afl. 7,8 miyon). Credito bancario na e sector priva a keda mescos door cu e caida den credito na empresa di Afl. 9,0 miyon a wordo completamente mitiga pa aumentonan den hipoteca pa vivienda (+Afl. 8,8 miyon) y credito na consumidor (+Afl. 0,1 miyon).

E bahada den e reserva di divisa netto di e sector bancario a resulta for di benta netto di divisa na publico (-Afl. 200,8 miyon), principalmente relaciona cu importacion di mercancia, e asina yama “income accounts” y otro servicionan. Esaki a wordo pa un gran parti mitiga pa compra netto di divisa for di publico (+Afl. 185,9 miyon), primordialmente relaciona cu entrada for di turismo, inversion directo y servicio di transportacion.

Inflacion

E nivel general di prijs, cu ta wordo midi door di e indice di prijs di consumo, a registra un bahada di 0,4 porciento den e luna di October 2017, compara cu October 2016. E contribuyente principal na e caida aki ta e componente “Vivienda”, cual ta debi primordialmente na un reduccion den prijs di electricidad. Otro componentenan cu tambe a registra bahada ta e componentenan “Recreacion y Cultura” y “Mobilario”. Di otro banda, e componentenan “Transporte”, “Cuminda y Bebida No-Alcoholico”, “Paña y Sapato”, “Educacion” y “Restaurant y Hotel” a registra un subida. Si exclui e componentenan di cuminda y energia for di e indice di prijs di consumo, inflacion a mustra un aumento di 0,1 porciento compara cu October 2016. Pa loke ta trata e promedio anual di e tasa di inflacion, esaki a keda mescos, esta un bahada di 0,4 porciento na October 2017, compara cu September 2017.

Turismo

Na October 2017, e cantidad di turista a registra 81.483 bishitante, cual ta 4.992 bishitante (+6,5 porciento) mas cu na October 2016. E crecemento aki a resulta principalmente door di un expansion den e mercado Norte Americano di 6.431 bishitante (+13,5 porciento), cual a wordo parcialmente mitiga pa un reduccion den e mercado Latino Americano di 1.342 bishitante (-8,0 porciento).

E subida den e mercado Norte Americano a resulta principalmente door di mas bishitante for di Merca (+6.091 bishitante of +13,5 porciento). E caida den e mercado Latino Americano a wordo causa pa menos bishitante for di Venezuela (-2.279 bishitante of -24,2 porciento), parcialmente mitiga pa subidanan den bishitante for di Argentina (+434 bishitante of +30,5 porciento), Brazil (+323 bishitante of +29,8 porciento) y Colombia (+183 bishitante of +7,9 porciento).

E cantidad di turista crucero a registra un crecemento di 13.949 bishitante of 36,4 porciento te na 52.298 bishitante na October 2017, compara cu October 2016. E cantidad di barconan a expande for di 17 na October 2016 pa 25 na October 2017.

Entrada di Gobierno

Na October 2017, entrada di gobierno a suma Afl. 79,2 miyon, cual ta Afl. 21,9 miyon menos compara cu e mesun luna di e aña anterior. E bahada aki a resulta for di reduccion den tanto entrada di impuesto como entrada no relata na impuesto di respectivamente, Afl. 15,3 miyon y Afl. 6,6 miyon.

E caida den entrada di impuesto ta relata principalmente na menos entrada for di accijns riba gasoline (-Afl. 16,4 miyon), impuesto riba divisa (-Afl. 1,8 miyon) y impuesto riba entrada (-Afl. 1,6 miyon), cual a wordo parcialmente mitiga pa mas entrada for di impuesto riba importacion (+Afl. 3,1 miyon) y impuesto riba propiedad (+Afl. 1,2 miyon).

  • KVK ta organiza otro evento pa yuda negoshinan crece

     KVK ta organiza otro evento pa yuda negoshinan crece

    ORANJESTAD – Dia 20 di januari KvK lo organisa un biaha mas e evento Business Plan – Step Forward! Orario di e evento ta di 9or di mainta te cu 2or di atardi na KvK. E meta di Business Plaza - Step Forward! ta pa brinda informacion y guia na e empresario cu ta desea di expande su liña di producto of servicionan y cu talbes kier restructura su negoshi of tin intencion pa expande cu mercado internacional. Topiconan interesante cu lo wordo presenta e dia aki ta entre otro expansion di un empresa, con pa maneha bo administracion, seguro pa bo empresa y proyecto di un incubador comercial. Lo bay ta presente conseheronan di KvK y tambe diferente representante di departamento economico pa duna consulta y brinda informacion encuanto lanta un negoshi. Un danki ta bay na e patrocinado principal di e evento cu ta Compliance & Forensic Services Caribbean.

  • Miembronan nobo di directiva DI KVK ta sostene metanan pa 2018

    Miembronan nobo di directiva DI KVK ta sostene metanan   pa 2018

    ORANJESTAD – Nos ta cuminsando un aña nobo y Camara di Comercio y Industria di Aruba (KvK) ta continua cu su empeño y contribui na engrandece comercio y e sector economico di Aruba. 2018 lo bin cu hopi reto y oportunidadnan nobo y KvK ta prepara pa saca lo maximo pa bienestar di comercio. KvK tampoco a para keto y ta den pleno implementacion di un sistema di registro nobo cu lo bay facilita e trabou y di e forma aki por bay brinda miho servicio na su clientenan. Esaki ta forma parti di e metanan di KvK pa 2018.

  • Lotto di Dia a parti 150.000 florin entre 57 feliz ganado

    Lotto di Dia a parti 150.000 florin entre 57 feliz ganado

    ORANJESTAD -Ayera, 11 di januari, Lotto Di Dia a yega su jackpot maximo di 150.000 florin y e la wordo gana entre 57 persona. Riba potret por mira cu ya caba algun ganado a pasa busca nan premio di Afl. 2.631,- awe. Lotto sigur ta felicita cada un di e ganadonan aki. Lotto Di Dia a wordo gana cu Match 4 cu numbernan: 03-14-22-29-30, na e siguiente rebendedonan:

  • BCA: Tin biyete falso di 100 florin den circulacion

    BCA: Tin biyete falso di 100 florin den circulacion

    ORANJESTAD - Tin biyete falso di 100 florin den circulacion. Banco Central di Aruba (BCA) pa medio di un comunicado a informa cu recientemente a constata esaki. E falsificacion aki tin e debido atencion di BCA. Ta importante pa e publico keda alerta y pone bon atencion riba e siguiente informacion y e diferencianan entre e biyete legitimo y esunnan falsifica: 

  • Zodiac merdia a parti tremendo premio di 105.000 florin

       Zodiac merdia a parti tremendo premio di 105.000 florin

    ORANJESTAD - Riba 9 di januari a parti e tremendo premio di 105.000 florin na Hendrikus R. cu e la gana dialuna dia 8 di januari, 2018. E la cumpra e numbernan 1212 cu All Symbols y asina el a gana. Hendrikus a cumpra e numbernan di suerte na Yu Xia Food Center.

  • ARA ta keda preocupa pa e situacion financiero di Aruba

    ARA ta keda preocupa pa e situacion financiero di Aruba

    ORANJESTAD – Mientras cu tin mehoracion notabel den resultado financiero pa aña 2016, Algemene Rekenkamer  (ARA) ta keda preocupa. Asina ta resalta den e rapport di Algemene Rekenkamer publica awe mainta encuanto investigacion di e cuenta anual di Pais pa aña 2016. Den e rapport aki pues Algemene Rekenkamer ta indica cu tin mehoracion notabel den e resultadonan financiero pa aña 2016 compara cu aña 2015, pero cu e mehoracion aki no ta a consecuencia di un maneho structural di controla gastonan pa yega na sostenibilidad. Algemene Rekenkamer ta keda preocupa pa e situacion financiero di Pais. E preocupacion aki ta basa riba tres elemento cardinal di e investigacion aki, cu ta e debe di Pais, e gastonan di interes riba e debe di gobierno y e gastonan di personal di e Pais. Algemene Rekenkamer ta conclui cu ainda tin un caminda pa cana prome cu por yega na sostenibilidad di finansas publico.

  • Powered by SETAR