Cuerpo policial cu regla y fecha pa temporada di campamento

Posted on 01/8/2018 3:44 pm AST | Updated on 01/8/2018 3:44 pm AST

ORANJESTAD - Relaciona cu Semana Santa caminda cu nos concuidadanonan tin e custumber di bai campa, Alto Comisario di Polis, Sr. mr. A.E. Richardson ta haci un jamada fuerte na nos campadornan pa tene cuenta cu e condicionan bao di cual e permiso ta wordo otorga.

E fecha riba cual nos campadornan por cuminsa kampeer ta Diadomingo 25 maart 2018 pa 12'or di merdia. Kiermen riba e fecha y ora stipula ta permiti pa pone trailernan y tentnan riba nos beachnan. Tur objeto cu wordo poni promer cu e fecha y ora stipula lo wordo kita pa polis. E ultimo dia di campeer lo ta dia 8 april 2018, despues di campamento tur objeto mester wordo kita for di beachnan. Si esaki NO sosode anto polis lo kita esakinan riba gasto di e campador. Pesei un yamada ta bai na un y tur pa mantene nos beachnan limpi. Deposita tur desperdicionan den bari di sushi of den saconan di plastic.

Formulario pa pidi vergunning pa campeer ta obtenibel na Administracion di Polis desde awe dia 8 januari 2018 te cu dia 9 maart 2018 entre 08.00 pa 11.30'or y 13.00 pa 16.30'or. Formulario ta obtenibel na tur warda di polis.

Na e permiso a wordo añadi condicionan extra compara cu anjanan anterior.

 

Ariba e santo blanco di e beachnan bao ningun circumstancia ta wordo permiti pa haci B.B.Q., na otro parti solamente por haci B.B.Q. cu B.B.Q. pit di gas.

 

Tentnan y trailernan cu ta wordo usa pa kampa mester ta den bon condicion. Nan mester wordo poni a lo menos 10 meter di e orilla di lama y nan mester wordo poni a lo menos 5 meter for di e caminda publico. Si no nan ta wordo kita pa polis.

 

Bao ningun forma ta wordi permiti pa reserva tereno pa kampeer.

 

Tentnan, trailernan y otro objetonan cu ta wordo usa pa kampa no por wordo poni riba otro lugarnan cu ta e lugarnan cu ta destinan pa esakinan y cual lugarnan a wordo destina pa Gobierno.

 

Den tentnan/trailernan mester tin suficiente recursonan pa loque ta trata dunanmento di prome auxilio. (E.H.B.O.)

 

Ta prohibi pa pone na tentnan/trailernan objectonan of plachinan cu no ta cuadra cu moralidad.

 

E kampamento mester sosede conforme e condicionan bao di cual e permiso a wordo otorga.

 

Ta prohibi di core cu vehiculonan di motor, bicicleta, cabai y garoshi riba nos beachnan y principalmente na lugarnan caminda ta destina pa publico.

 

Ta prohibi di pega candela riba nos beachnan.

 

Ta prohibi di bende cuminda, softdrinks, mixdrinks, of cualkier otro tipo di artikolo ariba beach sin permiso.

 

Musica por wordo toca solamente fei den trailer of tent den siman te 10.00 p.m y den weekend te 12.00 p.m. y di tal manera cu otro kampadornan no ta wordo molestia. E uso di sound system/emplifiers etc. ta wordo permiti solamente si otro kampadornan no ta sinti molester di esakinan.

 

Ta prohibi pa kap mata, sin permiso.

 

Ta prohibi pa core cu boto y pa ankra den zwemzone, tambe ta prohibi pa mara boto na boeinan cu ta destina pa scheepvaart.

 

Ta prohibi e uso di pallet y carton riba beach, sino nan ta wordo kita door di polis.15.Ta prohibi pa usa e beach of e palo di coconan como toilet.

 

Ta prohibi pa tin cabai y cacho riba beach.

 

Ta prohibi pa e kampadornan usa e hut nan pa nan kampa, nan ta wordo laga liber pa e personanan cu ta bin pasa dia.

 

Bow ningun circumstancia mag di susha e beachnan.

Botternan kibra, splinter di glasnan no mag di wordo laga atras riba beach, ni tampoco no tira esakinan den lama. Esaki ta conta pa desperdicio tambe.

 

E permiso no mag di wordo pasa pa otro persona.

 

E poseedor di e permiso mester tin esaki conpleto den su tent/trailer na un caminda visible pa polis.

 

E poseedor di e permiso mester tene cuenta cu e tin solamente derecho riba e lugar di kampa durante e tempo cu efectivamente e ta kampando, prome cu esaki bo no mag di reserva, marka, pone cabuya ect ...

 

 

E poseedor di permiso ta keda responsabel pa cualkier daño na otronan debi na existencia di su tentnan/trailer of otro objeto.

 

23.   Indicacionan di Polis duna na interes di ordo publico y seguridad di persona, bienes y basa riba moralidad mester wordo sigi estrictamente.

 

Ta prohibi pa usa e Hutnan pa kampa, nan ta keda liber pa e usuarionan den dia.

 

Esun cu no actua conforme e condicionan bao di cual e permiso a wordo otorga ta         wordo considera di a actua sin permiso. E permiso e ora ey ta wordo revoca y bo por haya proces verbaal.

 

ULTIMO DIA PA HACI PETICION PA CAMPA TA 9 DI MAART 2018

  • Vd Berg: Ta pone bestianan na afmaakhok drumi di forma humano

    Vd Berg: Ta pone bestianan na afmaakhok drumi di forma humano

    ORANJESTAD – Servicio veterinario ta pone tur bestia cu keda laga atras na e asina yama ‘afmaakhok’ of ‘kill cage’, drumi den un forma responsabel, humano y segun standard internacional. Asina hefe di e departamento Riem vd Berg a sigura durante un conferencia di prensa dialuna atardi. E conferencia tabata uno di urgencia, den un intento pa evita cu diamars awor un grupo di persona tene un accion di protesta na e sitio. Vd Berg a purba sigura na varios momento cu ta e unico forma cu tin aworaki pa resolve e problema di sobre poblacion di bestia. E otro forma segun vd Berg, ta concientizacion pa ta un doño responsabel di bestia.

  • Kock: Protesta mester cambia maneho di Kill Cage na Wayaca

    Kock: Protesta mester cambia maneho di Kill Cage na Wayaca

    ORANJESTAD – E forma con departamento veterinario ta pone cacho y pushi drumi, ta cuestionable. Como tal un di e fundacionan cu ta rescata bestia riba caya, Crijojo Trappers ta protesta diamars atardi 5’or na e ‘popularmente’ yama Kill Cage of ‘Afmaakhok’ di veterinaire dienst na Wayaca. E meta segun e lider di proyecto Mervine Kock, ta pa concientiza nos hendenan kico ta tuma lugar eynan y pa trece cambio na e proceso cu ta pone e bestianan drumi. Asina Kock a bisa den e programa NoticiaCla LIVE riba Facebook.

  • Segun Venezuela, cambio di ultimo ora di Hulanda a tranca acuerdo

    Segun Venezuela, cambio di ultimo ora di Hulanda a tranca acuerdo

    ORANJESTAD - 'Debi cu Hulanda a haci dificil na ultimo ora, e acuerdo entre esnan cu a reuni diabierna pa mas di 6 ora largo, no a keda aproba'. Fuentenan na Caracas di NoticiaCla y prensa Venezolano cu tabata presente, a bisa despues di nan regreso diabierna anochi. Tabata durante e ultimo parti di e negociacion, cu Hulanda kier a trece cambio den un paragrafo, pa cual e delegacion Venezolano a bisa cu nan mester haya aprobacion na Caracas prome, ya cu e cambionan di 'ultimo ora', nan no ta autoriza pa aproba riba nan mes. Esey a pone cu mester a para e reunion y keda pendiente pa un aprobacion pa despues nan firma e concepto di acuerdo, definitivamente diahuebs awor durante un otro reunion na Aruba. Kico e cambio ta, no ta conoci. Foto ta di delegacion Venezolano durante e reunion di diabierna ultimo.

  • ATA a firma acuerdo cu hotel management school Maastricht

    ATA a firma acuerdo cu hotel management school Maastricht

    ORANJESTAD - ARUBA TOURISM AUTHORITY A FIRMA ACUERDO CU HOTEL MANAGEMENT SCHOOL MAASTRICHT ORANJESTAD – Recien, Oficina di Turismo di Aruba a firma un acuerdo cu Hotel Management School Maastricht (HMSM) un acuerdo pa asina eleva e nivel di servicio aun mas den nos sectornan di hospitalidad y turismo, den su totalidad. Esaki mas cu claro por medio di e Aruba Certification Program (ACP).HMSM, un institucion reconoci mundialmente, ta bay desaroya conhuntamente cu ACP diferente modulo di curiculo di servicio, como tambe entrena nos profesionalnan local pa asina consecuentemente sigui transmiti e conocemento aki na nos forsa laboral riba tur nivel. Pa haci esaki posibel, HMSM a bin ta haci desk research den december y awo a bishita Aruba pa combersa cu nos socionan riba diferente topico pa por identifica y compronde miho e contexto cultural, comercial y turistico di nos sociedad. Consecuentemente lo crea y incorpora un standard di calidad den nos servicio cu ta den linia internacional y di es manera aki lo desaroya un programa conforme necesidadnan den nos mercado y bao di nos hendenan. Mediante e acuerdo aki, Aruba Certification Program lo conta cu manualnan di entrenamento y materialnan relevante pa e curso, entrenamento di nan personal y un curiculo di servicio. Introducion di e cursonan nobo lo tuma luga den e luna di maart / april proximo. Esaki ta nifica cu banda di e programa actual, pronto ACP lo expande locual ta ofrece na cursonan y lo ahusta e programa actual asina tumando e oportunidad pa update un cu e otro. Expansion di e cursonan ta wordo desaroyo a base di feedback cu a ricibi e siman aki. Hotel Management School Maastricht ta forma parti di e ZUYD University of Applied Sciences na Hulanda. E ta consisti di tres departamento cu ta: e scol mes cu tin mas di 65 aña di trayectoria educacional, produciendo rond di 250 hoben profesional pa aña, hobennan cu ta wordo selecta pa forma parti di e skol; e Teaching Hotel Chateau Bethlehem reconoci internacionalmente como un centro di aprendisahe y desaroyo maneha door di studiantenan; y e HMSM Hospitality Consultancy cu ta un grupo di profesionalnan cualifica cu ta conecta e conocemento di HMSM cu e mundo di hospitalidad internacionalmente. E ultimo aki ta esun encarga pa desaroya e programa pa Aruba Certification Program. Aruba Certification Program a wordo crea na 2011 cu e proposito pa eleva e nivel di servicio. Awe orguyosamente ACP a logra certifica alrededor di 4000 particpante . Oficina di Turismo y ACP a haya den Hotel Management School Maastricht un socio cu cual ta desaroya e componente specifico di servicio den e programa existente y cu cual lo amplia e oferta di cursonan bao di ACP. E desaroyo aki ta den linea cu e plan ‘Cu Mira Pa Futuro’, unda ta delinea tambe e necesidad di enfoca riba mehoracion di e servicio cu nos ta brinda nos bishitantenan en general.

  • Delegacion Venezolano a yega Aruba pa reuni riba impasse

    Delegacion Venezolano a yega Aruba pa reuni riba impasse

    ORANJESTAD - Un delegacion Venezolano a yega Aruba diabierna atardi como parti di e reunion pa resolve e impasse cu tin entre Venezuela y islanan ABC. Fuera di e yegada di e delegacion, tin tambe representante di Hulanda y Corsou. Keda pendiente pa e resultado di e reunion. Manera NoticiaCla a raporta caba, diabierna mainta Venezuela a informa cu a prolonga e medida contra islanan ABC. Pero  siman pasa cu e presidente Venezolano a sorprende tur e islanan y Hulanda cu e desicion pa cera frontera cu islanan ABC pa motibo di contrabanda entre e islanan y Venezuela. A duna e islanan 3 dia pa resolve e problema, pero esaki no a logra. A prolonga esaki pa tres dia pa diabierna atrobe cu 3 dia. 

  • Directora di impuesto a entrega keho awe riba caso falsificacion sticker pa auto

    Directora di impuesto a entrega keho awe riba caso falsificacion sticker pa auto

    ORANJESTAD – Directora di departamento di impuesto Luenne Gomez Pieters a entrega keho oficial na recherche awe merdia. E keho ta basa riba un post riba Facebook cu lo a duplica un sticker di motorrijtuigbelasting. A actua mesora y a haci keho na polis. A mustra cu no por duplica esaki y e ta bira illegal. Cu e entrega di keho aki, departamento di impuesto kier a manda un señal hopi cla cu no ta tolera nada di esaki. “Nos ta haci keho di cualkier keho di algo (asina) cu sosode” Gomez a bisa. E post en particular ta e sticker di e color fuxia. A duna e oferta pa bende e sticker aki pa 100 florin, cu ta duna e indole cu bo ta haci negoshi cu un documento oficial di departamento di impuesto. Tin e team di control y tambe di FIOT cu ta haci investigacion riba tereno di cualkier asunto di falsificacion manera nummerplaat, aangifte di belasting of cualkier otro cos asina. Ta prohibi pa ley pa reproduci algo asina den un forma illegal. E keho oficial a keda entrega awe merdia.

  • Powered by SETAR