ORANJESTAD - St. Fundacion Lotto pa Deporte (FLpD) ta posee e licencia di loteria y a laga nan partner di negoshi, Canadian Bank Note (CBN), organisa y opera e negoshi di loteria pa asina genera mas placa pa deporte. P’e fundacion, e rebendedonan ta “stakeholdernan” hopi importante y cu nan ayudo FLpD ta haya e cumpradonan, kendenan ta cumpra e weganan y ta yuda cambia bida di deportistanan na Aruba.
Director di FLpD, Di-Stefano Wernet, ta mira cu esaki a yuda y e formula ta funcionando bon, di cual mester sigui. Di un forma di aprecio FLpD a pasa na 3 bendedo di loteria pa entrega “PowerBanks”, esta bateria extra pa carga celular di Lotto como aprecio cu e palabranan “Feliz dianan di fiesta”. E intencion ta pa yega na tur rebendedonan.
Un di e oficina cu a ricibi bishita tabata na Cura Cabay, unda cu Di-Stefano Wernet a indica cu e rebendedo semper a yuda bon y a yega di bende premionan grandi. Tambe el a pasa cerca David Geerman y su ruman pa asina entrega nan tambe un “powerbank”.
El a remarca cu e fundacion ta hopi gradicido cu e rebendedonan y e intencion ta pa duna tur un aprecio asina aki den forma di un powerbank.
“Mi ta desea pueblo general di Aruba y specialmente nos agentenan (rebendedonan), nos cumpradonan, nos deportista, nos trahadonan tambe feliz dianan di fiesta. Bon cambio di aña y prosperidad grandi pa 2018. Hopi harmonia, suerte y paz”, asina e Director di Fundacion Lotto pa Deporte, Di-Stefano Wernet a bisa den su discurso na final
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.