- Wever: Fin di di dos cuartaal 2024, centro di Oranjestad ta haya mas luz
- Banco Central ta mantene e tasa di reserva obligatorio na 22,0 porciento
- DEA: Cabesante y docentenan ta sigui prepara pa introduci Papiamento na scolnan basico
- A.T.A.: Por Mira Documentario Blue Lizard Effect via nos Planta Nacional TeleAruba
- Corte: Caso ‘Isla di Oro’ ta sigui fin di luna awor, cu mesun huez
Cambio ley LTUV ta evita minister por bypass departamentonan
ORANJESTAD – Cambio di ley di admision, LTUV, ta necesario pronto, pa evita cu un minister por bypass cierto departamentonan manera cu a sosode den gabinete anterior. cu ta e ley di admision. Segun minister actual di integracion Andin Bikker, e minister anterior tabata bypass e departamentonan caminda ken cu presenta cerca dje cu un pida papel y bise cu e tin un peticion, e minister ey tabata firma 'akkoord conform verzoek'. E situacion aki a conduci cu no tin un trato igual pa loke ta trata e esun cu si ta bay via proceso di aplica via DIMAS.
CAMBIO
E cambio aki segun minister Bikker lo tuma luga mas pronto cu ta posibel pasobra tur e añanan hopi biaha ta via maneho ta anticipa riba cambionan. Segun Bikker, ta Parlamento mester aproba e cambionan aki den un proceso di legislacion formal. Los di e cambio di maneho cu ta anuncia, minister Bikker a ripara cu tin diferente permiso segun e maneho, si aplica pe e chens ey cu e permiso ey lo bay wordo otorga. Pesey no ta logico cu e tipo di permisonan aki bo ta wordo rekeri pa bay warda den exterior te ora otorga e permiso aki. E personanan den e sistema nobo ta inversionistanan, pensionadonan, personanan cu nacionalidad Hulandes y cu ta biba cualkier caminda den reino cu ta bin imigra na Aruba. Tambe personanan cu ta cuida enfermo cu ta sufri di enfermedad y cu un carta di dokter por presenta y haci un peticion pa haya un permiso. E permisonan aki normalmente lo otorga na nan. Mester bisa si segun minister di husticia, cu no automaticamente tur permiso cu ta den tramite lo ser otorga automaticamente.
Wever: Fin di di dos cuartaal 2024, centro di Oranjestad ta haya mas luz
ORANJESTAD - Despues di e instalacion inicial di 50 luz aña pasa, ta intensifica e esfuerso pa mehora e visibilidad y seguridad den nos centro di ciudad cu instalacion di 100 palo di luz adicional nobo den nos centro di ciudad. E proyecto aki ta parti di e strategia holistico di revitalisacion di Oranjestad pa crea un ambiente mas sigur y atractivo pa tur su habitantenan, bishitantenan y empresarionan.
Minister Glenbert Croes a sobrevivi un mocion di desconfiansa
ORANJESTAD – Cu 12 voto contra, y 8 pro y uno abstene, Parlamento a vota contra e mocion di desconfiansa contra e minister encarga cu inmigracion, Glenbert Croes. E mocion tabata entrega pa partido MAS y AVP Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.
Partido MAS a entrega mocion di desconfiansa contra minster Glenbert Croes
ORANJESTAD – Partido politico MAS pa medio di su lider Marisol Tromp, sostene pa partido AVP diamars mainta a entrega un mocion di desconfiansa contra e minister responsabel pa imigracion, esta Glenbert Croes durante e reunion den Parlamento pa trata e tema en cuestion. Base di e mocion, ta e falta di maneho di e mandatario pa cu e cartera aki (indeficiente), y e la repasa un cantidad di deficiencia.
Mas di 2 mil habitante di Aruba, Corsou y St Maarten por vota den eleccion parlamentario Europeo
DEN HAAG/ORANJESTAD - Personanan ku nashonalidat hulandes na Aruba, Kòrsou i Sint Maarten ku dia 6 di yüni tin 18 aña òf mas por vota pa elekshon di Parlamento Oropeo di 2024. Pa hasi esaki e mester registrá su mes komo votadó na e munisipio di Den Haag, no mas tardá ku djaweps 25 di aprel 2024. Por registrá fásilmente ònlain. Riba e wèpsait www.stemmenvanuithetbuitenland.nl por haña mas informashon i e formulario di registrashon.
Diamars minister tin cu duna cuenta na Parlamento riba imigracion
ORANJESTAD – Diamars awor minister Glenbert Croes mester duna cuenta na Parlamento riba e asunto di imigracion na Aruba. E reunion ta solicita riba peticion di parlamentario Marisol Tromp cu a haci e peticion for di februari 2025. “Porfin Minister a haña un buraco den su agenda cu yen di biahe pe bin di transito Parlamento Di Aruba pe reunion publico publico” Tromp a reaccion bisando. “Ya ta 1 aña y 2 luna pasa cu nos a pidi pa Minister Glenbert Croes bin Parlamento tocante su maneho ineficiente, intransparente y frustrante riba immigracion aki na Aruba. Nos a pidi pa un reunion publico, fei 15 di Februari 2023” Tromp a sigui bisa.
Oduber: Aki dos luna ta cuminsa scucha testigonan specifico den caso Flamingo
ORANJESTAD – Aki dos luna ta Huez Comisario ta cuminsa scucha testigonan specifico den caso Flamingo. Ta trata specificamente di e.o. miembronan di RST, BCI y otro autoridadnan cu lo a haci declaracionan falso den e caso aki. Asina ex minister Otmar Oduber a bisa durante un conferencia di prensa dilanti corte. Segun Oduber, e la bisa cu den luna di juni, e interogacion ta cuminsa tras di porta cera. Oduber a bisa cu e lo a desea pa esaki keda transmiti pero pa ley, esaki no ta posibel. E kier haci peticion tambe pa ora cu e caso mes tuma lugar, esaki keda transmiti tambe en vivo via prensa pa pueblo scucha tur loke a sosode. Oduber a bisa cu e lo campa dilanti Corte como protesta si esaki no sosode lugar. E la repasa un biaha mas e odisea di 5 aña cu e ta pasando aden, desde cu nan a drenta su cas, cera algun luna den prizon y persigui su persona y purba caba cu su persona. Ministerio Publico ta acusa Oduber y 7 otro persona di entre otro estafa, maluso di poder, corupcion (activo y pasivo) y falsificacion di documento. NOTA: E potret cu ta acompaña e articulo aki ta di archivo di noticiacla.
Follow NoticiaCla
