ORANJESTAD - Un di e aspectonan importante den un empresa ta su colaboradornan. Sinembargo, ainda ta tiki esunnan cu ta pone atencion special na contrata y capacitacion di personanan cu tin algun incapacidad. Arcos Dorados Holdings, Inc. (NYSE: ARCO) e frankicia mas grandi di mundo di McDonald’s y kende ta opera e marca den Latino America ta conta cu un programa di inclusion yama Empleo cu Apoyo p’e segmento aki di e poblacion.
“Den Arcos Doraos nos ta consciente di e gran responsabilidad cu nos tin den e sector priva p’e personanan cu ta biba cu algun incapacidad of limitacion fisico tin oportunidad di integra y desaroya den e mercado laboral. Nos ta comprometi cu e continuacion di e programanan cu te dia di awe ta permiti cu mas di 1800 empleado cu incapacidad ta traha den nos restaurantnan den Latino America”, Diego Benezon, VP di Recurso Humano a comenta.
Algun di e programanan cu e compania a desaroya den e region, ta inclui aliansa cu institucionnan y fundacionnan dedica na incapacidad y vinculacion di persona cu incapacidad di empleo formal y di calidad. E aliansanan aki ta bira exito den paisnan manera Argentina, unda traves di e alianza di mas di 24 añacu e fundacion Discar, tres empleado cu a traha na McDonald’s durante 20 aña a retira; actualmente e programa aki tin 86 empleado activo.
Algun caso di exito den e region ta esun di Chile, unda ta traha desde mas di 10 aña conhunto cu e Fundacion Coanil y Ecuador unda e aña aki a formalisa e alianza cu e Fundacion El Triangulo.
“E caminda aki di inclusion, e empresanan mester por integra den nos decisionnan di negoshi e Obhetivonan di Desaroyo Sostenibel di e Organisacion di Nacionnan Uni, asumiendo e responsabilidad propio di contribui e desaroyo duradero y maximisando e impactonan positivo riba e personanan den tur nivel di nos cadena laboral,” Lyana Latorre, senior director di e area di Corporate Social Engagement di Arcos Dorados a comenta. Entre e historia di exito di e programa aki ta destaca esun di Dennis, kende ta traha na Arcos Dorados Ecuador manera e assistent di restaurant https://goo.gl/g7sh7r. Pa conoce mas riba e programa di responsabilidad di Arcos Dorados, bishita e website www.arcosdorados.com.
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.