- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
Ta keda haci uzo di “triage” na Departamento di Emergencia
ORANJESTAD - Hospital a bin cu cambio den e nomber di “Spoed Eisende Hulp” di cual a awo ta Emergency Department” (ED). Alaves ya pa algun siman e departamento aki a muda pa nan localidad nobo cu ta den e New Bed Tower di HOH. E entrada ta via e parkeerplaats nobo patras di e edificio actual di Hospital.
E 50% di e 32 mil pashentnan pa aña cu a bishita ED, ta pashentnan cu mester bay nan dokter di cas, dokter na warda y no na departamento di emergencia. Pashentnan cu mester bay dokter di cas of di warda ta trece un riesgo, di cual si tin un pashent sinta den wachtkamer hopi malo y mester di e ayudo di emergencia, no ta haya esey pasobra tin otro su dilanti cu nan tin cu bay prome. Pa tal motibo nan mester haci uzo di e sistema di triage, pero ainda cu e sistema aki ED ta sinta cu 50% di e 32 mil. E trato di emergencia cu Aruba tin mester ta entre 17 y 20 mil hende pa aña. Ezzard Cilié a duna di conoce cu no ta mira cu lo resolve e problema aki, pasobra 8 pa 10 aña pasa a redobla e cantidad di dokternan y asina mes ainda e no ta yega. Mester cuminsa educa nos hendenan pakico mester acudi departamento di Emergencia.
Den e sistema di triage 1 aña pasa, ED por a garantisa den e 32 mil hende, por lo menos 90% pa 95% di nan e personal ta mira tur den 10 minuut pa loke ta triage. Pero awo no ta logrando esaki y ta tuma nan mucho mas tempo. E ta un lastima, pasobra tur hende cu yega na e departamento, ta controla nan prome cu manda nan den camber di espera. Awo e departamento ta mas grandi pero ainda nan no a capacita e parti humano, aunke cu redobla e cantidad esaki no lo ta suficiente. Algo lo mester sosode den futuro siguramente, asina el a duna di conoce.
Coordinador Medico di Emergency Department, Dr. Deepu Daryanani ta un ciruhano specialisa den oncologia, pero tambe e tin e parti di organisatorio, responsabel y medico di e departamento di emergencia. Dr. Daryanani a duna di conoce cu nan tin 3 siman den e edificio nobo, unda cu a bay di 7 camber pa 11 camber temporalmente pero tin e potencial di bay pa 16 camber. Loke cu a ripara den e 3 simannan aki ta un aumento di e pashentnan cu ta yegando ED. Ainda no tin cifra y pa cu esaki nan ta wardando riba januari, pa asina mira cuanto pashent a yega den luna di december y januari. Asina aki lo haci un comparacion pa mira ki sorto di pashent ta drenta, cuanto pashent ta drenta, unda cu lo compara pa mira si tin un diferencia.
Dr. Daryanani a duna di conoce cu nan no a subi di capacidad den personal, pasobra tin e mesun cantidad di personal cu tabatin 3 siman pasa. E unico cos cu tin ta un edificio nobo y mas amplio, mas moderno pero no tin mas capacidad. E sistema no a cambia, di cual si un persona ta sinti malo p’e bay dokter di cas si no ta un emergencia. Pero si ta un emergencia semper nan ta bon bini cerca ED. Dokter di cas ta un specialista y si e ta haya cu e persona tin un problema grandi y urgente, e mes lo tuma contacto cu ED, asina dr. Daryanani a duna di conoce.
AZV: Otro luna tin traspaso automatico di clientenan di dokter Vink pa HOED Piedra Plat
Grupo grandi di ex studiante tin problema pa paga nan Duo lening bek
ORANJESTAD – Mas cu mitar di studiantenan local (Aruba) cu a studia usando e prestamo escolar ‘Dienst Uitvoering Onderwijs voor studenten en scholieren’, conoci como DUO, tin problema pa paga esaki bek , ta paga menos cu nan mester paga, of mas pio, no ta paga nada bek mes. E grupo aki ta sigui ta un problema segun representante di DUO, Marit Verbogt manera cu e la splica diahuebs den e programa Noticiacla LIVE. Si tin mas of menos 4000 ex studiante cu tin cu paga bek, y ta algo di mas di mitar tin e problema, por deduci cu e cantidad aki ta mas cu 2 mil studiante local. Verbogt ta splica kico e situacion ta, den e video adhunto. E siman aki e representantenan ta na Aruba te cu otro siman diabierna pa atende cu e grupo aki y tambe studiantenan cu kier un beca via DUO. Nan por acudi na e centro John F Kennedy durante oranan specifico cu ta ubica riba e pagina di FB di nan y tambe e portal di DUO.
DVG: A cuminsa hospitalisa hende localmente infecta cu Dengue
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
Conocido ciudadano y ex director di KIA Ben King a haya despedida impresionante
DEA: Cabesante y docentenan ta sigui prepara pa introduci Papiamento na scolnan basico
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
A.T.A.: Por Mira Documentario Blue Lizard Effect via nos Planta Nacional TeleAruba
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.
Follow NoticiaCla
