Lo saca ganado di campaña Bus di Luz dia 28 di December

Lo saca ganado di campaña Bus di Luz dia 28 di December

Posted on 12/7/2017 10:31 am AST | Updated on 12/7/2017 10:32 am AST

ORANJESTAD - NV Elmar a lansa su campaña di fin di aña. Aña pasa NV Elmar a bin cu diferente campaña di “like nan pagina di facebook” unda hende por a gana airco. E aña aki a bin cu algo special, cual ta e campaña di Bus di Luz. E idea p’e campaña aki a surgi algun aña atras, esta 2009, unda NV Elmar ta duna un toke di aprecio pa esnan cu ta decora nan cas cu luz. Asina aki NV Elmar ta pasa cu e bus di luz na diferente cas y mira con e adornonan ta y con bunita e casnan ta. Elthon Lampe, manager di customer relationship di NV Elmar a expresa cu nan tin un team completo prepara pa pasa mira e casnan. Durante e campaña aki NV Elmar lo ta regalando premionan. Antes tabata decora hopi cas y NV Elmar ta di opinion cu hendenan cu ta hasi esaki por wordo recompensa pa nan esfuerso ya cu decoracion di cas ta un tradicion parti di e ambiente di fin di aña. E comision di Bus di Luz di NV Elmar ta recompensa e comunidad di Aruba cu ta hasi esaki y cu ta participa cu e campaña, asina Elthon Lampe a expresa.

Supervisor di red pafo di NV Elmar, Anthony Tjin Kon Fat ta contento cu NV Elmar a pone e bus core bek y ta contento di forma parti di e team aki. Esunnan cu lo participa den e campaña aki tin te cu dia 14 di December pa inscribi via Facebook, unda cu lo cera e dia aki cu e uploading di potretnan. Lo haci uzo di un evaluacion pa asina mira cua ta e nominadonan. Esunnan cu ta competi p’e premio di mas like, lo sigui participa te dia 21 di December ariba Facebook, unda e team di NV Elmar lo sali y bay bishita e nominadonan na nan cas pa asina haci e ultimo chekeonan y saca e ganadonan dia 28 di December. E team di NV Elmar lo ta mirando e tema di e decoracion, e fantasia, e cantidad di luz y con nechi nan ta dorna. Tur esakinan ta loke nan lo ta husgando durante e campaña.

Cheril Willems di departamento di customer relationship di NV Elmar ta encarga cu e parti di Facebook di NV Elmar y unda clientenan por bay registra pa participa den e campaña di Bus di Luz. Riba e Facebook di NV Elmar tin un link cu clientenan por click riba dje y eynan lo haya tur splicacion di e rekisitonan, pero tambe nan por upload 1 potret di nan cas cu ta dorna cu lus of nan por haci un collage di nan cas y mand’e pa NV Elmar. Asina aki NV Elmar lo pone e potretnan riba nan facebook te ora cu screen nan. Pa loke ta e premionan, esakinan lo ta hopi atractivo, asina Cheril Willems a expresa. Lo tin premionan p’e casnan miho dorna cu NV Elmar lo ta mirando, tambe lo tin premio p’e mas like cual lo tin specifico riba dje. Esunnan cu no cay den e nominadonan tin e oportunidad di por gana e mas like di e campaña. Pa por participa e registracion ta uno facil, unda cu e cliente mester like e pagina di facebook di NV Elmar pa ta na altura di e postnan cu lo sali y pa mira si nan ta un di e ganadonan. Ganado di e prome premio lo ricibi AWG. 1000,- cash y 1000kWh cu el a uza, e di dos premio AWG. 750,- cash y 750kWh y e di tres premio ta AWG. 500,- cash y 500kWh. P’e most like lo tin un gift certificate di AWG. 500,- di Do It Center.

  • RDA: Slowdown CITGO no ta afecta ningun stacion di gasoline

    RDA: Slowdown CITGO no ta afecta ningun stacion di gasoline

    ORANJESTAD – Refineria di Aruba (RDA) ayera despues di e anuncio di CITGO riba nan ‘slow down’ di rehabilitacion di e refineria, a sigura cu “e noticia aki no tin ningun efecto ariba e operacion di Fuels Marketing & Supply Aruba N.V. (FMSA), ni tampoco e ta afecta ningun stacion di gasolin”. FMSA ta e distribuidor principal di combustibel ariba nos isla, tanto pa stacionnan di gasolin, companianan local, WEB Aruba N.V. y Aeropuerto. “RdA como ejecutivo di e propiedadnan di refineria lo mantene comunidad di Aruba al tanto di cualkier informacion adicional” e comunicado ta sigui bisa.

  • Interpark Coney Island ta sigi na Aruba cu orario nobo

    Interpark Coney Island ta sigi na Aruba cu orario nobo
  • Delegacion CITGO na caminda pa Aruba pa duna informacion

    Delegacion CITGO na caminda pa Aruba pa duna informacion

    ORANJESTAD – Tin un delegacion di CITGO di Merca na caminda pa Aruba pa papia cu e.o. Gobierno di Aruba proximamente. Mientras cu no a duna un fecha exacto pa e bishita tuma lugar, prome minister Evelyn Wever Croes a confirma e informacion di e bishita e siman aki. E bishita tin cu duna hopi claridad riba e situacion actual di e refineria. Segun Wever, gobierno ta ocupa cu dos trayecto riba e situacion di CITGO. Entre nan via un comision huridico a keda institui pa analisa e aspecto legal pa conseha gobierno su opcionnan pa cu e deal. E otro trayecto ta e adquisicion di e informacion necesario cu ainda falta manera kico ta e compromiso y inversionnan cu CITGO tin pensa di haci y lo a priminti.

  • EcoGas riba frontpage di revista internacional

    EcoGas riba frontpage di revista internacional

    ORANJESTAD - E prestigioso revista "Business View Caribbean" pa su edicion di December 2017-Januari 2018 a dedica atencion special, riba su frontpage na e compania EcoGas di Aruba. E revista ta sali mensualmente na Merca, Canada, den Caribe y Oceania. Den Caribe so e tin mas di 30 mil abonado y ta lesa pa e ehecutivonan cu mas influencia den tumamento di decisionnan importante den e region Caribense. Su forsa ta cu e ta publica storianan real di exito di e companianan di mas influencia y cu ta haci un diferencia, considera como e berdadero lidernan den negoshi den Caribe.

  • Aruba Bank a introduci nan self service area na Hato

    Aruba Bank a introduci nan self service area na Hato

    ORANJESTAD - Aruba Bank a introduci su servicionan nobo y a habri nan Self Service Area na e sucursal na Hato. Awor na Aruba Bank cu e Smart Deposit Machine bo por haci bo pago di credit card, deposita cash, check local y haci tur bo pagonan di utilidad (WEB, ELMAR, SETAR). E Smart Deposit Machine aki ta elimina tempo di warda y ta haci e transaccion mas placentero.

  • Pronto Setar N.V. no ta acepta pagonan cu cheque mas

    Pronto Setar N.V. no ta acepta pagonan cu cheque mas

    ORANJESTAD - Relaciona cu e decision di Asociacion di Banconan di Aruba, cu entrante 1 di mei 2018 banconan local no ta acepta cheque mas, SETAR N.V. tambe ta stop di acepta cheque na su puntonan di benta entrante dialuna dia 23 di april, 2018. SETAR N.V. ta recomenda tur cliente pa haci pago online, via transferencia automatico of via su servicio di Self Service Kiosk situa na tur Teleshop rond di Aruba. SETAR N.V. cada aña ta mehora su acceso online, y ta motiva clientenan pa haci uso di MiSETAR pa ricibi informacion digital di cobranza, esaki ta duna e confortabilidad di tin e cobranza hopi mas tempran pa mira y cu por paga esaki online na cualkier momento, unda cu ta.

  • Powered by SETAR