Arubahuis: Amsterdam cu escases di camber y wachtlijst largo

Arubahuis: Amsterdam cu escases di camber y wachtlijst largo

Posted on 12/6/2017 9:47 am AST | Updated on 12/6/2017 9:49 am AST

DEN HAAG – Studiante cu ta pensa di bin studia na Hulanda, na Amsterdam, Diemen, Almere y Haarlem: tene na cuenta cu tur posibilidad, ya cu ta hopi dificil pa haña un camber comodo y pagable den y pafo di Amsterdam. Asina Arubahuis a informa diaranzon pa medio di un comunicado. Segun e comunicado, den e region di Amsterdam tur aña tin un escasez di camber y tin un lista di espera di mas cu 500 studiante.

INSCRIBI

Pues, inscribi bo mes pa vivienda ta crucial. No cu esaki lo dunabo garantia pa haña un camber adecua, pero sín esaki bo ta duna bo mes casi garantia di no logra haña algo adecua. E informacion aki ta di mentor Edy Ranada, cu pa añanan ta mentor pa Amsterdam y ta bon ta altura di e situacion den region di Amsterdam.

WEBSITES

Pues si bo kier bay studia na Amsterdam, Diemen, Almere y Haarlem bo por registra bo mes na diferente websites. Tin website especial pa studiante cu prijs razonable y tambe tin websites priva cu prijsnan hopi halto pa luna. Pa informa bo mes en general subi e website www.studentenwoningweb.nl

Websites cu ta pagable pa studiante ta e tres adresnan di corporacionnan di vivienda menciona aki bou, cu ta

www.duwo.nl

www.dekey.nl

www.ymere.nl

Aki ta sigui algun corporacion priva cu tambe ta ofrece camber pa studiantenan. E prijsnan di e cambernan of studio den sector priva ta mas halto. E prijs di huur ta varia entre €525 - €650 pa luna.

www.campusdiemenzuid.nl/contact

www.hicondo.nl/contact/

www.studentexperience.nl/contact

www.heddes.nl

Tambe bo por haña un camber via website nan regular di Amsterdam ( E cambernan no ta barata!) www.kamernet.nl/Amsterdam, www.woningnetregioamsterdam.nl. 

Studiementor Edy Ranada ta enfatisa: ‘Pa hisa bo chensnan pa haya un camber bon y ‘pagable’ na den region di Amsterdam ta bon pa bo cumpli cu e siguiente rekisitonan. Mester cuminsa na inscribi na tempo. Tambe mi ta conseha e studiante pa inscribi su mes na diferente website. Keda vigilante (proactivo) y controla bo inscripcion (‘inschrijving’) regularmente.’ Pa mas informacion por tuma contacto cu mentor Edy Ranada via email: edyranada@hotmail.com of via WhatsApp 0031651329489.

 

  • Ex premier Hulandes Ruud Lubbers a fayece

    Ex premier Hulandes Ruud Lubbers a fayece

    DEN HAAG – E persona cu tabata e prome minister pa mas tempo na Hulanda, Ruud Lubbers a fayece diaranson na edad di 78 aña. E tabata prome minister di Hulanda di 1982 pa 1994 y tabata lidera e partido politico CDA. E la lidera 3 gabinete y prome cu esey e tabata entre otro minister di Economia, miembro di Tweede Kamer y lider di fraccion di CDA. Despues di su carera politico e tabata docente y tambe comisario pa refugiado na Nacionan Uni. E tabata envolvi dos biaha caba na formacion di gobierno como informador, tanto na 2006 como 2010. E tabata malo pa basta tempo caba.

  • Rey Willem Alexander a acepta retiro di ex minister Zijlstra

    Rey Willem Alexander a acepta retiro di ex minister Zijlstra

    DEN HAAG – Rey Willem Alexander a acepta e retiro di Halbe Zijlstra como minister Hulandes di Relacionan Exterior ayera. Zijlstra a pidi Su Mahestad pa dune su retiro despues cu el a anuncia esaki algun rato prome. Motibo di su retiro ta cu e ex mandatario a gaña riba un bishita cu e lo tabata parti di dje na 2006, pero cu no a resulta berdad. Mientras cu no tin reemplazante pa Zijlstra, e minister Hulandes pa Relacionnan Exterior comercial Kaag lo reemplace. Asina gabinete di Rey a informa. Potret cortesia Nu. 

  • Halbe Zijlstra a anuncia su retiro como minister na Hulanda

    Halbe Zijlstra a anuncia su retiro como minister na Hulanda

    DEN HAAG – Cu un voz emocional, minister Hulandes pa Relacionan Exterior Halbe Zijlstra a anuncia su retira como minister. El a haci esaki den Tweede Kamer, envez di inicia cu un debate riba e tema. Cu su retiro, e ta asumi su responsabilidad pa e fayo garafal politico, door di gaña cu e tabata presente durante un reunion cu presidente Ruso Vladimir Putin na 2006. Durante su declaracion dado momento, su emocionan a domine, pa cual e la haya sosten di un braza di prome minister Mark Rutte.

  • Personal Cas di Aruba y ATA Europa cu antesala pa Dia di Betico

    Personal Cas di Aruba y ATA Europa cu antesala pa Dia di Betico

    DEN HAAG – Personal di Gabinete di Minister Plenipotenciario y di ATA Europa a tene awe 24 di januari, na antesala di Dia di Betico, un ceremonia pa recorda e fecha natalicio di Sr. Gilberto Françoise “Betico” Croes, politico y estadista Arubiano. Minister Plenipotenciario Guillfred Besaril y director di ATA Europa Tirso Tromp a pone un flor na e busto di Betico Croes. E ceremonia cu a keda transmito live via di Facebook a termina cu cantamento di nos himno nacional ‘Aruba Dushi Tera’. Potretnan ta cortesia di Cas di Aruba.

  • Hulanda kier encuentro 'nobo' cu Venezuela riba medida

    Hulanda kier encuentro 'nobo' cu Venezuela riba medida

    ORANJESTAD/DEN HAAG/CARACAS - Hulanda kier un encuentro nobo cu Venezuela riba e medidanan cu e pais Andino a tuma contra islanan ABC dos siman y mei atras. Asina minister di relacionan exterior di Hulanda Halbe Zijlstra kier. Asina e portal di noticia Hulandes, NOS ta raporta. E reunion nobo ta despues cu Union Europeo a anuncia medida nobo contra Venezuela. Segun e mandatario Hulandes, Venezuela a acopla e sancionnan cu e medida contra e islanan ABC. Zijlstra ta lamenta profundamente cu Venezuela a haci esey, siendo cu ta dos cos separa di otro. E sancionnan ta pasobra segun UE, Venezuela ta stroba funcionamento di democracia. 

  • Van Raak: CITGO no a permiti delegacion Hulandes entrada na refineria

    Van Raak: CITGO no a permiti delegacion Hulandes entrada na refineria

    ORANJESTAD - E refineria CITGO no a permiti e delegacion Hulandes di drenta den e refineria. Asina e parlamentario Ronald van Raak pa partido SP y vocero pa asuntonan di Reino Hulandes den Tweede Kamer a bisa den su columna, un dia despues cu e tabata di bishita na Aruba. Den su funcion como columnista, a raporta su bishita den e portal The post Online bou di e titulo, "Loke mi no a wordo permiti pa mira". Fuera di a repasa su bishita completo, el a dedica tempo na e bishita di e delegacion na e refineria, pero no tabatin bon palabra pa esaki. "Na e refineria, e portanan a keda duro cera. Nos a pidi e compania CITGO pa un combersacion, pero nan a nenga pa ricibi delegacion di Tweede Kamer" van Raak ta sigui bisa. 

  • Powered by SETAR