Rafael-Croes: 80% di violacion sexual di mucha na Aruba ta di incest

Rafael-Croes: 80% di violacion sexual di mucha na Aruba ta di incest

Posted on 12/5/2017 11:44 am AST | Updated on 12/6/2017 6:50 am AST

ORANJESTAD – Un 80% di e casonan di violacion sexual na Aruba ta sosode como incest. Asina pediatra Louise Rafael Croes a confirma den e programa NoticiaCla LIVE dialuna. Di cada 10 caso confirma di abuso sexual, 8 caso ta pa medio di un familiar, manera tata, omo of otro familiar, cu ta cay bou di incest. E ta un situacion hopi alarmante segun Rafael, y e mas pio ta, cu segun Rafael esaki no ta sorprende, pasobra ta cos cu ta sosode casi tur dia.

SHOCK

Mientras cu Rafael ta shocked, cu atrobe un caso di abuso di mucha a tuma lugar, e no ta geshocked cu e caso a tuma lugar, papiando di e caso Speeltuin, unda cu dos criatura di 3 y 5 aña ta fayece a consecuencia di violencia domestico. Rafael a recorda cu ta no mas cu 2 aña pasa un criatura di 11 luna a fayece, ora cu su tata a maltrat'e severamente te mat'e. Tambe tin e caso di 4 aña pasa, ora cu un mucha muher di 3 aña a fayece na man di su tata cu a maltrat'e severamente. Pues no ta e prome caso y ni e ultimo. Loke a pasa awor ta, cu simplemente e casonan ta mas publico, ya cu hende ta meld nan mas.

REGISTRO

Recientemente un parlamentario a trece dilanti cu no menos cu 32 caso di abuso di mucho a keda raporta den a penas un siman. Cifra cu Rafael a confirma tambe den e programa dialuna. “Na 2016 a raporta 175 caso di abuso di mucha, cu ta traduci den 1 caso cada dos dia” Rafael a bisa. Pues e aña aki e cifra a aumenta drasticamente. Y for di e aña cu Rafael a cuminsa registra esaki na 2012, e cifranan a sigui aumenta. Na 2012 a registra 50, na 2013 70, 2014 100, 2015 120 y na 2016 175. A mustra cu practicamente tur dia tin caso di abuso di mucha.

  • ‘Awacero’ di medaya a cay na Marinierskazerne na Aruba

    ‘Awacero’ di medaya a cay na Marinierskazerne na Aruba

    SAVANETA – Na ocacion di e celebracion di e di 352 aniversario di Korps Mariniers, Comandante Timon van Dishoeck a premia varios person. Entre nan a premia Marinier 3 zee milicien b.d. Adri van de Heuvel (75) cu e gesp 1962’ uitgereikt.

  • GKMB a cuminsa fumiga contra molester di sangura

    GKMB a cuminsa fumiga contra molester di sangura

    ORANJESTAD - Despues di awacero semper Gele Koorts en Muskieten Bestrijding (GKMB) ta ricibi yamadanan for di comunidad pa cu molester di sangura den nan vecindario. E luna di December ta un luna conoci pa e seccion di servicio aki, cu ta resorta bow di Directie Volksgezondheid, unda tin un demanda halto pa asistencia di GKMB. E aña aki no ta un excepcion.

  • Ta keda haci uzo di “triage” na Departamento di Emergencia

    Ta keda haci uzo di “triage” na Departamento di Emergencia

    ORANJESTAD - Hospital a bin cu cambio den e nomber di “Spoed Eisende Hulp” di cual a awo ta Emergency Department” (ED). Alaves ya pa algun siman e departamento aki a muda pa nan localidad nobo cu ta den e New Bed Tower di HOH. E entrada ta via e parkeerplaats nobo patras di e edificio actual di Hospital.

  • Aruba su prome korpschef Roland Peterson a bay sosega

    Aruba su prome korpschef Roland Peterson a bay sosega

    ORANJESTAD – E prome Alto Comisario di pais Aruba, Roland W. Peterson (76) a bay sosega. NoticiaCla a ricibi e tristo noticia dialuna mainta di e fayecimento di sr Peterson. Tabata na 1986 despues cu Aruba a haya su Status Aparte, cu Peterson a haya e tarea pa lanta e prome cuerpo policial di pais Aruba. Na 1989 el a bira director di Dienst Openbare Orde en Veiligheid (DOOV). E tabata representante di Interpol na Aruba y tambe e presidente di e comision tecnico pa Caribe y Centro America pa Interpol. Pa un tempo e tabata presidente di San Nicolas Business Association. Pa loke ta condecoracion, Peterson a keda condecora na 1989 como Ridder in de Orde van Oranje-Nassau y despues na 1995 como Officier in de Orde van Oranje-Nassau. Sr Peterson tabata hopi conoci como autor di buki pa mucha, poesia y articulo pa revista y corant. NoticiaCla ta manda palabra di pesame na e famianan di Roland Peterson.

  • Detencion pa posibel robo di ekipo visual di gobierno

    Detencion pa posibel robo di ekipo visual di gobierno

    SAN NICOLAS – Un ex trahado di departamento di prensa di gobierno anterior a keda deteni awenochi, acusa di robo di ekipo audio visual. Ta trata di e conocido persona Marko E. cu a keda deteni riba orden di fiscal. Un reaccion breve di Prome Minister Evelyn Wever na NoticiaCla awe nochi laat ta confirma cu gobierno a duna keho y cu awor e prome detencion a cay. “Nos a laga haci investigacion administrativo cu tur e recibonan cu gabinete Mike Eman a cumpra na material y ekipo y nos a entrega keho,” Wever a bisa e portal aki awe nochi laat. Ta referi na e materialnan cu lo a disparce, despues cu tabatin cambio di gobierno.

  • Abogado Eugene Martis huramenta como miembro nobo di RvA

    Abogado Eugene Martis huramenta como miembro nobo di RvA

    ORANJESTAD – Den presencia di Gobernador di Aruba Interino, sra. Y.V. Lacle-Dirksz, a huramenta como un di e miembrnan mas nobo di Raad van Advies, mr. E.H.J. (Eugene) Martis. E huramentacion a tuma luga diahuebs 7 di december. E ceremonia a conta cu e presencia di: sra.Maura Brown (casa di mr.Martis); Minister President di Aruba, mr. Evelyn Wever-Croes y representando Raad van Advies: President RvA mr. F.Goedgedrag, Secretaria RvA mr.dr. van der Wal, Secretaria-adhunto RvA mr. A. Braamskamp.

  • Powered by SETAR