Wever a pidi Knops espacio pa Aruba su situacion financiero

Wever a pidi Knops espacio pa Aruba su situacion financiero

Posted on 12/4/2017 4:52 pm AST | Updated on 12/4/2017 4:53 pm AST

ORANJESTAD – E siman aki prome minister Evelyn Wever Croes ta papia cu prome minister Mark Rutte, y lo toca e tema di finanza di Aruba. Asina Wever Croes a declara durante conferencia di prensa dialuna mainta. Ademas Wever a confirma cu secretario di estado Hulandes pa Asuntonan di Reino Raymond Knops riba e tema y cu a pidie pa duna Aruba espacio pa gobierno por bin cu un plan ‘aceptable’ pa regla e asuntonan di pago.

RUTTE

E mandatario a mustra tambe cu e lo reuni cu Rutte e siman aki, pero sin e necesidad pa bay Hulanda pa haci tal. E no a bisa con e lo haci esaki pero ta mas sigur sea un yamada di telefon of tele conferencia. E ta algo normal cu mandatarionan ta haci ora di reuni cu otro durante conferencia, ora cu nan no ta riba e mesun destinacion. Segun Wever, esaki ta mustra cu no mester core subi avion cada bez manera cu gobierno anterior tabata haci, pa reuni cu gobierno Hulandes.

TEMA

Pa loke ta e tema, e mandatario a bisa cu mientras cu e tema ta finanzas, e no tin garantia cu Hulanda lo bay completamente di acuerdo cu gobierno di Aruba pa loke ta un ‘tempo extra’ pa Aruba ‘regla’ su asuntonan financiero. Pero e no a haya un ‘no’ ainda. Loke kier di Hulanda ta cooperacion pa por resolve e problema hunto, indicando cu e situacion ta di tal indole cu den proporcion, ni un pais grandi poderoso no por regla un asunto asina su so.

MEDIDA

Loke tambe Wever a bisa ta cu no ta asina cu automaticamente ta implementa un tipo di medida riba e lomba di pueblo. Lo busca formanan alternativa pa sali di e problema cu tin, pero no necesariamente den forma di medida. Den pasado e partido heel a wordo tilda di ta e ‘partido di medida’, y esey tabata un di e aclamacion semper di partido AVP, cu nan si por resolve e problemanan financiero sin medida. Como tal Wever tin e reto ey awor pa tambe resolve e situacion, sin bin cu medida extra. Mientras cu e mandatario a bisa no ta den forma di medida, e no a bisa si, con otro e tin pensa di resolve e asunto aki, pero si a bisa cu e ta un ‘reto enorme’. Ta papia di tapa un buraco di 100 miyon pa 2017 y 200 miyon pa 2018.

 

  • Wever: Haci un hende un ‘fabor’ den gobierno lo pasa pa pasado

    Wever: Haci un hende un ‘fabor’ den gobierno lo pasa pa pasado

    ORANJESTAD – Haci un hende un fabor den gobierno, lo bira cos di pasado. Por ehempel, estilo di usa un persona como kruiwagen, pone un file of un ayudo mas halto pa motibo di ‘fabor’ pa un persona. Esey mester bira e resultado e.o. di un camber di integridad segun prome minister Evelyn Wever Croes. E mandatario a duna un actualisacion riba e tema ey awe mainta. A mustra cu ta bay tuma mesun strategia di Corsou (cu ta mucho mas avansa cu nos riba e tereno aki) y ta bin cu palabracion cu hendenan di Corsou (y Bonaire) por investiga casonan di integridad na Aruba y visa versa. Ta evita asina cu p.e hende na e bureau di integridad por haye cu famia ta envolucra.e.o. den un caso.

  • Croes: Gobierno lo aumenta salario minimo substancialmente e aña aki

    Croes: Gobierno lo aumenta salario minimo substancialmente e aña aki

    ORANJESTAD – Gobierno di Aruba ta bay aumenta salario minimo substancialmente. Asina minister di labor Glenbert Croes a anuncia dialuna mainta. E mandatario (riba pregunta di NoticiaCla) no tabata cla pa divulga e suma di aumento, aunke cu ‘e tine den mente si’ y a bisa si cu e ta riba 100 florin. Cu substancial e mandatario kier men cu e no por ta un suma ‘miserabel’ di 10 pa 25 florin sino algo mucho mas halto cu esey. E ta referi na den pasado cu tabatin aumentonan chikito di un banda, mientras cu di otro banda ta kita un suma mucho mas grandi. E ta ripiti atrobe cu e ta conciente cu gremionan lo lanta y haci fastioso, pero e ta dispuesto pa bay e guera ey. Basta cu nan tin argumento. Segun Croes, ta duna oportunidad na tur trahado cu ta biba na Aruba. Hunto cu esaki, pa apodera e posicion di tur famia na Aruba ta importante pa anuncia e aumento aki. E mester drenta na vigor e aña aki. Awe tardi lo informa kico ta su propio pensamento riba e aumento substancial. Nivel di bijstand ta mara na salario minimo. Esey kier meen cu si salario minimo ta subi, bijstand tambe ta subi. No kier bisa e suma, pasobra kier pasa e ronda di consulta. DAO ta cuminsa. Mi no ta worry pa bin problema. Mester por bringa pero cu argumento. “Un trahado cu tin salario minimo, aunke cu e tin trabou y salario, ta biba den pobreza. Algo cu no por” Croes a finalisa bisando.

  • Maduro: CAFT a ricibi e memorandum financiero di gobierno na tempo

    Maduro: CAFT a ricibi e memorandum financiero di gobierno na tempo

    ORANJESTAD – Gobierno a entrega e plan financiero diabierna na e colegio di supervision financiero di Aruba CAFT. Minister di finanza Xiomara Maduro a sigura NoticiaCla esaki diasabra. “Si, e rapport a wordo manda ayera tardi” Maduro a bisa, aunke cu e no ta cla pa divulga e contenido ainda. E la sigura e portal aki cu gobierno asina a cumpli cu e ultimatum di CAFT di diabierna merdia/atardi. “Si, nos a cumpli na tempo y a haya confirmacion di e secretariado di CFT cu nan a recibi e documento” Maduro a bisa. CAFT mas prome a bay di acuerdo riba peticion di gobierno pa duna nan un dia mas (envez di diahuebs) pa entrega e plan.

  • Gobierno di Aruba a manda condoleer famia ex premier Lubbers

    Gobierno di Aruba a manda condoleer famia ex premier Lubbers

    ORANJESTAD – Gobierno di Aruba pa medio di su prome minister Evelyn Wever Croes a manda palabra di condolencia pa famia di ex premier Hulandes Ruud Lubbers. Manera ta conoci, diaranson 14 di februari a ricibi e tristo noticia cu sr. Ruud Lubbers a fayece na Rotterdam na e edad di 78 aña. Sr. Lubbers tawata ex Prome Minister di Hulanda kende a fungi como Prome Minister di 1982 pa 1994. Ex Premier Lubbers a hunga un rol hopi importante durante e lucha di Aruba pa haya su Status Aparte. Relaciona cu fayecimento di sr. Ruud Lubbers, Prome Minister Evelyn Wever-Croes a manda su menshahe di condolencia pa señora di sr. Lubbers, yiunan y demas famia:

  • Comision cu conseho riba ley ARUBIG dentro di 3 luna

    Comision cu conseho riba ley ARUBIG dentro di 3 luna

    ORANJESTAD – Dentro di tres luna un comision lo duna su analisis riba e situacion di registracion medico conoci como ley diBIG ( Wet op Beroepen in de Individuele Gezondheidszorg). Asina e comunicado emiti pa oficina di e mandatario responsable pa Salud, Dangui Oduber a bisa. Segun e comuniado, diahuebs ultimo Oduber a tene su prome reunion pa cu e implementacion di e ley ARUBIG. E comision cu a wordo institui ta consisti di diferente exportonan riba tereno di salud cu tin e tarea pa conseha e mandatario con pa reformula e ley di AruBIG pa por amplia e registration di BIG dunando chens na nos studiantenan cu a completa nan estudio den Region, Europa y/of Merca pa por traha den nos sistema di cuido pa asina aporta na un miho calidad di cuido pa nos cuidadanonan.

  • Fundacion nobo lo saca politica for di maneho di scolnan publico

    Fundacion nobo lo saca politica for di maneho di scolnan publico

    ORANJESTAD – Stichting Openbaar Onderwijs tin cu bay reemplaza Dienst Publieke Scholen, cu e meta pa independiza e maneho di scolnan publico y sake for di man di politica. Minister di Enseñansa Rudy Lampe a sigura diahuebs mainta cu e idea no tin nada di haber cu corta gasto, y regla admision etc. Ademas ningun maestro mester tin miedo pa perde nan derecho y status, contrario na loke ta wordo papia riba caya. E unico cos cu e mandatario kier logra, ta pa limita e poder di e minister.

  • Do It Center
  • Powered by SETAR