E chekeo di e meter di sucu na Botica di Servicio tabata un exito!

E chekeo di e meter di sucu na Botica di Servicio tabata un exito!

Posted on 12/3/2017 9:40 pm AST | Updated on 12/6/2017 7:04 am AST

(ADVERTORIAL)

ORANJESTAD - Botica di Servicio ta encarga pa tur pakete di check sucu p'e pashentnan di diabetes dependiente di insulina, pa asina optimaliza e maneho di diabetes. E pakete ta consisti entre otro di un meter pa check sucu. “Na comienzo di aña 2017 nos a cambia pa otro marca”, segun Stacy Grêaux, asistente di boticario. “Pa por comproba cu e meter nobo y su test strip nan ta trahando hunto manera un sistema, a palabra conhuntamente cu UO AZV pa haci e chekeo tur aña, un bes pa aña.”

“Desde cu nos a introduci e meter nobo, conoci pa Ht-One TD Gluco, nos por bisa cu alrededor di 1800 pashent a cambia nan meter. Algun siman pasa nos a invita tur pashent pa pasa haci chekeo di e meter”, Lennert van der Poel, Director Botica di Servicio ta conta; “A ricibi e acogida bon y nos no por ta mas contento. Esaki ta e prome chekeo di meter di sucu cu a  haci na Aruba y lo ta sin duda no e ultimo! Hunto nos kier haci un colaboracion na salubridad, pa asina bira cada biaha mihor! “

Durante e periodo di chekeo, Botica di Servicio traha hunto cu laboratorio pa por compara e resultadonan y asina comproba cu e resultadonan di e Ht-One meter ta cuadra cu e realidad. Esaki ta indicacion cu e meter ta cumpli cu tur regulacion necesario di calidad. Tin cu menciona cu tres meter so no a cumpli cu e rekisitonan necesario y ta desaproba. E pashent por tin tur siguranza cu e uzo di nan meter. Stacy Grêaux: “Comienzo di aña 2018 nos lo invita un otro grupo pa pasa y haci chekeo di nan meter”.

Pashent cu pa cualkier otro rason tin pregunta tocante e meter, por tuma contacto cu Botica di Servicio Post di Diabetico, na number di telefon +297 730 0536.

 

  • RDA: Slowdown CITGO no ta afecta ningun stacion di gasoline

    RDA: Slowdown CITGO no ta afecta ningun stacion di gasoline

    ORANJESTAD – Refineria di Aruba (RDA) ayera despues di e anuncio di CITGO riba nan ‘slow down’ di rehabilitacion di e refineria, a sigura cu “e noticia aki no tin ningun efecto ariba e operacion di Fuels Marketing & Supply Aruba N.V. (FMSA), ni tampoco e ta afecta ningun stacion di gasolin”. FMSA ta e distribuidor principal di combustibel ariba nos isla, tanto pa stacionnan di gasolin, companianan local, WEB Aruba N.V. y Aeropuerto. “RdA como ejecutivo di e propiedadnan di refineria lo mantene comunidad di Aruba al tanto di cualkier informacion adicional” e comunicado ta sigui bisa.

  • Interpark Coney Island ta sigi na Aruba cu orario nobo

    Interpark Coney Island ta sigi na Aruba cu orario nobo
  • Delegacion CITGO na caminda pa Aruba pa duna informacion

    Delegacion CITGO na caminda pa Aruba pa duna informacion

    ORANJESTAD – Tin un delegacion di CITGO di Merca na caminda pa Aruba pa papia cu e.o. Gobierno di Aruba proximamente. Mientras cu no a duna un fecha exacto pa e bishita tuma lugar, prome minister Evelyn Wever Croes a confirma e informacion di e bishita e siman aki. E bishita tin cu duna hopi claridad riba e situacion actual di e refineria. Segun Wever, gobierno ta ocupa cu dos trayecto riba e situacion di CITGO. Entre nan via un comision huridico a keda institui pa analisa e aspecto legal pa conseha gobierno su opcionnan pa cu e deal. E otro trayecto ta e adquisicion di e informacion necesario cu ainda falta manera kico ta e compromiso y inversionnan cu CITGO tin pensa di haci y lo a priminti.

  • EcoGas riba frontpage di revista internacional

    EcoGas riba frontpage di revista internacional

    ORANJESTAD - E prestigioso revista "Business View Caribbean" pa su edicion di December 2017-Januari 2018 a dedica atencion special, riba su frontpage na e compania EcoGas di Aruba. E revista ta sali mensualmente na Merca, Canada, den Caribe y Oceania. Den Caribe so e tin mas di 30 mil abonado y ta lesa pa e ehecutivonan cu mas influencia den tumamento di decisionnan importante den e region Caribense. Su forsa ta cu e ta publica storianan real di exito di e companianan di mas influencia y cu ta haci un diferencia, considera como e berdadero lidernan den negoshi den Caribe.

  • Aruba Bank a introduci nan self service area na Hato

    Aruba Bank a introduci nan self service area na Hato

    ORANJESTAD - Aruba Bank a introduci su servicionan nobo y a habri nan Self Service Area na e sucursal na Hato. Awor na Aruba Bank cu e Smart Deposit Machine bo por haci bo pago di credit card, deposita cash, check local y haci tur bo pagonan di utilidad (WEB, ELMAR, SETAR). E Smart Deposit Machine aki ta elimina tempo di warda y ta haci e transaccion mas placentero.

  • Pronto Setar N.V. no ta acepta pagonan cu cheque mas

    Pronto Setar N.V. no ta acepta pagonan cu cheque mas

    ORANJESTAD - Relaciona cu e decision di Asociacion di Banconan di Aruba, cu entrante 1 di mei 2018 banconan local no ta acepta cheque mas, SETAR N.V. tambe ta stop di acepta cheque na su puntonan di benta entrante dialuna dia 23 di april, 2018. SETAR N.V. ta recomenda tur cliente pa haci pago online, via transferencia automatico of via su servicio di Self Service Kiosk situa na tur Teleshop rond di Aruba. SETAR N.V. cada aña ta mehora su acceso online, y ta motiva clientenan pa haci uso di MiSETAR pa ricibi informacion digital di cobranza, esaki ta duna e confortabilidad di tin e cobranza hopi mas tempran pa mira y cu por paga esaki online na cualkier momento, unda cu ta.

  • Powered by SETAR