Containernan cu clapchi lo yega Aruba te aki dos siman

Posted on 12/1/2017 11:35 am AST | Updated on 12/1/2017 8:58 pm AST

ORANJESTAD – E 19 containernan cu clapchi na caminda pa Aruba e aña aki ta yega laat. Asina experto di explosivo Rubin Ponson a confirma durante un conferencia di prensa riba clapchi. Segun Ponson, nan mester a yega prome cu december, pero awor ta poni pa yega te dia 13 di december, cu ta 2 dia leu di e ultimo dia cu nan por yega Aruba. Esey ta nifica cu tin chens cu pa dia 27 di december no tur e containernan aki por sali riba mercado na tempo. Ademas polis a informa cu di e 81 permisonan pidi, entre 8 pa 10 lo keda nenga, pasobra nan no a cumpli cu e reglamentonan den pasado.

TARDANSA

Ponson durante e conferencia, a mustra cu e 19 containernan mester a yega Aruba caba, pasobra pa regla nan mester ta na Aruba prome cu december. Pero e cargamento ta riba lama ainda y lo dura te por lo menos 13 di december prome cu nan yega. Banda di e 19 containernan, tin 4 cu ta na e deposito di Wela ainda cu por wordo uza e aña aki ainda. E problema ta cu mirando e tempo laat cu nan ta yega, no tin garantia cu tur e containernan cu yega dia 13 di december, por sali riba mercado. E comision lo basa su mes prome riba esnan cu a yega cu nan documentonan prome na ordo. Pero asina mes no ta garantia cu tur lo por sali pareu, pues lo tin containernan cu lo sali mas laat cu otro, debi cu e containernan a yega laat. E trabou cu tin, ta cu mester controla tur e 19 containernan pa contenido, pa verifica si tur clapchi cu t'ey, ta na ordo y legal. Ta ora cu nan ta cla, e ora numa por saca nan for di Wela dia 27 di december.

BENTA

Vocero suplente di polis Liliana Rasmijn a bisa cu for di momento cu solo sali dia 27 di december, hende riba 12 aña por cumpra clapchi, te 9’or di anochi. Y pa loke ta tiramento di clapchi, por tira te dia 1 di januari 1’or di merdia. Despues di esey, ta prohibi pa tira clapchi y polis por multa esnan cu toch ta sigui tira. Pa loke ta esnan cu ta bende, esaki tin regla tambe. Nan mester bende den container, y dependiendo di e grandura di e container, por tin un cantidad limita di personal. P.e si tin un container di 20 pia, por tin 3 trahado, y den un container di 40 pia, por tin 5 hende, pero no mas cu esey. Banda di esey tin un cantidad di regla mas cu e bendedor tin cu tene cuenta cu ne.

  • Polis maritimo a rescata boto y tripulante

    Polis maritimo a rescata boto y tripulante

    ORANJESTAD – Polis maritimo awe mainta a rescata un boto y su tripulante awe mainta, despues cu esaki a haya problema 500 meter pafo di waf. Vocero suplente di polis Liliana Rasmijn a confirma cu pa cuatro pasa di 9 awe mainta, maritiem polis ta haña un melding cu tin un boto den problema mas of menos 500 meter pafo di waf di playa. Pa 10 or di mainta a logra localisa e boto na mas of menos 3 miya zuid/west di Manchebo hotel. Ta trata di un boto local cu matricula A2123 cu 1 persona abordo. E la haña problema cu motor y a cuminsa drief. Polis maritimo a sleep e boto pa su lig plaats cu ta Nautical Club.

  • Polis a detene Dominicano pa posesion di arma marduga

    Polis a detene Dominicano pa posesion di arma marduga

    ORANJESTAD – Polis a detene un homber diadomingo marduga pa posesion di arma di candela. Tabata awe diadomingo madruga pa mas o menos 1 or , patruya di Playa pasando den Edisonstraat a wak 3 hende homber sinta pafo di un cas. Ora na a wak polis, 1 di e hombernan a lanta cu un tas den su man y bay tir’e paden den e cas . Patruya a baha ne cas y a haya permiso di e doño di cas pa drenta paden y wak si ta topa cu e tas cu e homber a sconde. Ta bin haya e tas y den dje ta haya un arma di candela . Patruya ta bay over na detene e sospechoso D.P. di nacionalidad dominicano y hibe warda di polis di biaha. E arma di candela a wordo tuna den beslag.

  • Turista dos dia morto den camber di highrise hotel

    Turista dos dia morto den camber di highrise hotel

    PALM BEACH - Awe tardi pa 5:05 yamada ta drenta na central di polis cu lo a haya un curpa sin bida den un camber di un high rish hotel. Polis ta presente y a pidi pa BFTO Y recherche. A cuminsa cu investigacion di biaha. E turista hende homber lo mester ta tin dos dia morto. Dr Texeir ta constata morto pa 6or di tardi di e turista Mericano K.D.F. naci 10 di december 1954 (62 anja) E causa di morto ta hartstilstand door cu elo a usa stimulante combina cu remedinan di curason. Cuerpo policial y NoticiaClan ta manda palabra di condolencia na famia di e fayecido.

  • Conocido hoben landado ta muri hoga na Palm Beach

    Conocido hoben landado ta muri hoga na Palm Beach

    ORANJESTAD - Pa 12:55 awe merdia melding ta drenta na maritiem via di Kustwacht cu nan lo a perde un persona riba lama cu mester a bay free dive na Pedernales. Pero pa 13:15 central di polis ta haya yamada cu nan a yega cu e curpa na Moomba Beach.

  • Polis a tira homber ‘de remate’ den pia awe marduga

    Polis a tira homber ‘de remate’ den pia awe marduga

    SERO LOPEZ - Un tiki prome cu 5 or awe marduga, a manda patruya pa Sero Lopez pa un homber cu tabata ‘di remate’. Ora patruya a yega na e sitio coleganan mester a bay den un forsegeo y patras di cas e homber, cu por cierto ta un double trouble, ta bin cu un bate di baseball ariba e colega y no a keda nada otro cu tire. E persona di inicialnan M.C. a keda deteni, y hiba cu ambulance pa Hospitaal. M.C. ta un persona cu problema mental y adiccion y cu polis hopi biaha caba a bin asistencia p'e. E melding mes tabata pa ‘opstandige zoon’, osea yiu homber rebelde.

  • Autoridad a detene wela di criatura cu a fayece diabierna, diasabra atardi

    Autoridad a detene wela di criatura cu a fayece diabierna, diasabra atardi

    ORANJESTAD – Mas detencion a cay awe tardi den caso lamentable di maltrato di un criatura cu a fayece diabierna a consecuencia di e maltrato. E caso mientrastanto a haya e nomber ‘Eugene’. Minister di husticia Andin Bikker a confirma cu autoridadnan a detene e wela (mama di e mama) di e criatura cu a fayece un dia prome. Mes momento a cuminsa un buskeda nacional pa localisa e ruman chikito (3 aña) Roshandrick Frans. Un peticion nacional a bay pa e buskeda aki, pero te cu 7’or ainda no a localisa e criatura. Segun minister Bikker, ta spera cu e detencion ultimo aki por yuda trece claridad riba e paradero di e criatura cu ta perdi, y tambe riba e caso lamentable cu a resulta den morto di e ruman poco mas grandi, esta Rishandroh Anastacia. E caso tin atencion nacional y Aruba completamente den su gara y den shock, mirando cu ta trata di criaturanan cu ta 

  • Powered by SETAR