Posibilidad pa un banco di vacatura na Cas di Aruba

Posibilidad pa un banco di vacatura na Cas di Aruba

Posted on 11/30/2017 4:07 pm AST | Updated on 12/1/2017 8:49 pm AST

DEN HAAG – Minister Plenipotenciario Guillfred Besaril a tene un reunion cu su colega Glenbert Croes, Minister pa Asuntonan Social y Labor, unda a papia riba e plan pa bin cu un banco di vacatura (vacaturebank) na Cas di Aruba. Besaril a splica cu Cas di Aruba ta mira e importancia di tin un banco di vacatura pri-mordial dirigi riba nos studiantenan cu na momento cu nan caba cu nan estudio nan tin bista riba un trabou na Aruba. Asina por frena e fenomeno di “BrainDrain”, asina sr. Besaril a bisa.

Segun e mandatario Cas di Aruba conhuntamente cu Ministerio pa Asuntonan Social y di Labor na Aruba mester uni forsa pa e proyecto aki bira realidad. Den esaki e website di Cas di Aruba por hunga un rol importante specialmente pa hobennan na Hulanda.

  • Gobernador Alfonso Boekhoudt a ricibi relato durante su bishita na Cas di Aruba

    Gobernador Alfonso Boekhoudt a ricibi relato durante su bishita na Cas di Aruba

    DEN HAAG – Gobernador Alfonso Boekhoudt a ricibi un verslag cu a wordu compila door di Roy Hart y Angelique Thode durante di su bishita oficial na Cas di Aruba. Den presencia di Minister Plenipotenciario Guillfred Besaril, Roy Hart funcionario encarga cu e departamento di “Economische Acquisitie” na Cas di Aruba a hasi entrega di e relato.

  • KLM cu buelo adicional pa Aruba na 2018

    KLM cu buelo adicional pa Aruba na 2018

    ORANJESTAD – E aerolinea nacional Hulandes Koninklijke Luchtvaart Maatschappij (KLM) a caba di anuncia cu pa gran mayoria di 2018, ta inclui un di shete buelo semanal. KLM ta un socio importante pa turismo di Aruba, ya cu ta percura pa e transporte di un gran cantidad di bishitante for di e mercado Europeo en general.

  • E studiantenan di Aruba a goza di prome caida di sneeuw na Hulanda

    E studiantenan di Aruba a goza di prome caida di sneeuw na Hulanda

    GRONINGEN – E studiantenan Arubiano den e fin di siman aki a disfruta di e prome caida di sneew pa e aña aki na Hulanda. Cada uno na nan forma a expresa nan mes den e tempo aki, for di diasabra y finaliza esaki diadomingo, ora cu e caida di sneeuw tabata mas hopi. Esnan cu ta aparece riba e potretnan ta e.o. Sergino Vis, Lyrick y Lionel Bermudez, Sue Gin Arends, Chester Hill, Wenji Wever, Christina Wever, Charmain Maria, Tanisha Scharbaay Kyara Ruiz. Colaboracion pa e articulo: Sue Gin Arends.

  • Prome bishita oficial di Gobernador Boekhoudt na Cas di Aruba

    Prome bishita oficial di Gobernador Boekhoudt na Cas di Aruba

    DEN HAAG – Gobernador di Aruba S.E. Alfonso Boekhoudt a haci awe dialuna 11 di december un bishita oficial na Cas di Aruba. Gobernador Boekhoudt a keda ricibi pa Minister Plenipotenciario Guillfred Besaril y personal di Gabinete di Minister Plenipotenciario. Gobernador di Aruba a wordo acompaña pa director di Gabinete di Gobernador Rajen Budhu Lall y adjudante di Gobernador Bart Breitenstein.

  • Arubahuis a convivi cu Aruba riba Dia Nacional di Luto

    Arubahuis a convivi cu Aruba riba Dia Nacional di Luto

    DEN HAAG – Minister Plenipotenciario Guillfred Besaril y directora interino di Cas di Aruba Shandra John a para keto na e Dia Nacional di Luto na Aruba en conexion cu e morto fatal di e dos criaturanan Rishandroh Anastacia y Roshandrick Frans.

  • Arubahuis: Amsterdam cu escases di camber y wachtlijst largo

    Arubahuis: Amsterdam cu escases di camber y wachtlijst largo

    DEN HAAG – Studiante cu ta pensa di bin studia na Hulanda, na Amsterdam, Diemen, Almere y Haarlem: tene na cuenta cu tur posibilidad, ya cu ta hopi dificil pa haña un camber comodo y pagable den y pafo di Amsterdam. Asina Arubahuis a informa diaranzon pa medio di un comunicado. Segun e comunicado, den e region di Amsterdam tur aña tin un escasez di camber y tin un lista di espera di mas cu 500 studiante.

  • Powered by SETAR