OM: Sugerencianan di psiquiatra Enahoro ta incorecto

OM: Sugerencianan di psiquiatra Enahoro ta incorecto

Posted on 11/29/2017 10:01 pm AST | Updated on 11/30/2017 7:22 am AST

ORANJESTAD - Ministerio Publico a tuma nota di e declaracionnan cu señora R. Zecher Enahoro a duna na prensa na Hulanda. Señora Zecher Enahoro a yega di traha como psychiater na Aruba. Procurador-General di Aruba Alexander van Dam no ta reconoce su mes at all den e imagen di Aruba cu ta wordo pinta den e noticianan aki. E ta lamenta profundamente cu NOS y otro medionan di comunicacion na Hulanda no a haci uzo di e regla periodistico di scucha ambos banda di un medaya, prome cu sigui cu publicacion.

E imagen cu señora Zecher Enahoro ta pinta di e situacion Arubiano, ta incorecto y no ta basa riba hechonan. Loke señora Zecher Enahoro ta sugeri, esta, cu fiscalnan di husticia lo tin miedo pa persigui un sospechoso, ta puro nonsense. Tambe e imagen cu Aruba lo ta un destinacion di sex pa turistanan pedofil ta algo cu Ministerio Publico no ta reconoce at all. No ta existi ningun sorto di prueba cu esey lo a pasa of lo ta pasando.

Segun OM, señora Zecher Enahoro a traha na Aruba di 2008 te 2010. Ta berdad cu JZP no tabata bon na ordo den e añanan ey. Tanto Ministerio Publico como Cuerpo Policial di Aruba a haci nan maximo esfuerso den e añanan despues pa traha riba casonan di moralidad y persigui sospechosonan di moralidad.

Generalmente por bisa cu casonan di moralidad hopi biaha ta dificil, pasobra frecuentemente ta trata di casonan one-on-one, den cual e declaracion di e victima ta para liñea recta contra esun di e sospechoso. Esey ta nifica cu mester haci uzo di capacidad grandi di recherche pa, den cuadro di haya sa e berdad, yega na un caso penal cu por wordo persigui. Te aki e reaccion di OM riba e caso. 

 

  • Afpakteam a pluma sospechoso Chileno di labamento di placa

    Afpakteam a pluma sospechoso Chileno di labamento di placa

    ORANJESTAD - Ayera 11 di December un homber Chileno di 41 aña di edad a wordo para na Aeropuerto Reina Beatrix. Asina vocero di ministerio publico Ann Angela a informa pa medio di un comunicado.  E tabata na Aruba desde 8 di November ultimo y tabatin intencion di viaha back pa su pais. A resulta cu e tabatin no menos cu 14 creditcards cu ne, 32.757 Dollar y 5000 peso Chileno. E homber no por a duna ningun splicacion ta con el a yega na e placa aki. El a wordo deteni y e placa y e credit cards a wordo tuma den beslag.

  • OM: Captura grandi di droga na Barcadera

     OM: Captura grandi di droga na Barcadera

    BARCADERA - Bao guia di Ministerio Publico di Aruba, e Unidad di Criminalidad Organiza di Cuerpo Policial di Aruba a tuma cinco container di hero bieu den beslag riba diabierna ultimo den haf di Barcadera. E containernan a wordo hiba pa marinierskazerne na Savaneta, unda nan a wordo habri y ristra riba diasabra y diadomingo cu ayudo di e 32e raiding squadron di Korps Mariniers, di Arubaanse Militie y Kustwacht.

  • Un detencion prolonga y un laga liber den caso malversacion ekipo di gobierno

    Un detencion prolonga y un laga liber den caso malversacion ekipo di gobierno

    ORANJESTAD – Huez comisario a prolonga detencion di un di e tres personanan sospecha di malversacion di ekipo audiovisual di gobierno, y a laga uno den libertad. No ta conoci con a para cu e di tres persona. Esun cu a keda den libertad ta Luigi A. P, mientras esun cu si ta keda cera, ta Marko E. NoticiaCla a compronde mientrastanto cu a haci un huiszoeking diabierna atardi na cas di mayornan di Marko y a bay cu un computer eynan. Mientrastanto Marko a busca asistencia di abogado Chris Lejuez pa atende su caso p'e.

  • OM: Tres detencion den caso di equiponan malversa di gobierno

    OM: Tres detencion den caso di equiponan malversa di gobierno

    ORANJESTAD – Tin un total di tres detencion den e caso di ekipo di gobierno cu a ‘disparce’, manera cu NoticiaCla a raporta ayera nochi. Segun vocero di ministerio publico Ann Angela a confirma pa e portal aki, ta trata di no solamente Marko E cu a keda deteni ayera nochi, sino tambe Luigi P, y un di tres persona inicial G. E ultimo dosnan ta deteni for di diaranzon, mientras cu Marko E. a keda deteni ayera nochi na su cas. Tur tres ta cera, pa sospecho di malversacion di equipo di gobierno. Angela ta confirma cu na detencion di Marko E, a tuma cosnan (equiponan) den beslag cerca dje y e otronan.

  • Caso asesinato na Wayaca posponi atrobe

    Caso asesinato na Wayaca posponi atrobe

    ORANJESTAD – E caso di asesinato na Wayaca unda un comerciante dama Chines a keda asesina na su cas ( September 2016), a keda posponi atrobe awe. Informacion cu NoticiaCla a ricibi, ta mustra cu e sospechoso Chines ainda no a keda cla cu abogado, den e caso aki Spong di Hulanda. E caso awor ta poni pa dia 2 di maart 2018, mientras cu na januari (12 di januari 2018), e Chines mester laga sa si el a keda cla cu abogado.

  • OM: No tin ningun vinculo entre caso Speeltuin y esun di de Vuyst

    OM: No tin ningun vinculo entre caso Speeltuin y esun di de Vuyst

    ORANJESTAD – No tin ningun vinculo entre e caso Speeltuin (dos criaturanan mata) y esun di de Vuyst (caso cu a mata dama hoben den su cas). Asina vocero di ministerio publico, Ann Angela a clarifica awe mainta. Pa varios dia tin rumor ta circula cu e dos casonan aki ta vincula cu otro, y cu ta debi na un caso, e otro a tuma lugar. Nada di esaki no ta berdad segun Angela. “Pero ta nada mas cu rumor. No tin ningun vinculo”, Angela a finalisa bisando. Mientrastanto den e caso speeltuin, e padrastro y mama di e criaturanan nan detencion a keda prolonga. No tin nada ‘nobo’ riba e caso di de Vuyst, aunke cu ta sigurando cu ta haciendo tur cos pa resolve e caso.

  • Powered by SETAR