Minister Croes: Trahador local y contratista local tin prioridad tur momento

Posted on 11/22/2017 6:44 pm AST | Updated on 11/23/2017 7:20 am AST

ORANJESTAD - Den su bishita di trabou awe na Departamento di Labor e Investigacion, unda a cera conoci cu tur empleado, Minister a pone su mes altanto di tur trabou y asuntonan cu tin prioridad pa DAO. Croes a keda impresiona y a expresa su admiracion pa e organisacion, profesionalismo cu a keda demostra, como tambe e amabilidad di e personal.

Cu minister a keda palabra cu lo reuni cu cada departamento interno separa pa asina haya un miho bista riba cada un su tareanan.

Na final, Croes na su turno a informa Direccion di Departamento di Labor e Investigacion cu e punto di salida di su maneho ta cu trahadornan y contratistanan local tin tur prioridad na tur momento.

 

  • Gobierno: Prome equiponan “fia” for di Bestuurskantoor a cuminsa yega bek

    Gobierno: Prome equiponan “fia” for di Bestuurskantoor a cuminsa yega bek

    ORANJESTAD – E prome equiponan cu a worde “fia” for di Bestuurskantoor a cuminsa yega bek. Asina un comunicado di gobierno dialuna atardi a bisa. Hunto cu e comunicado, a bin algun potret cu equiponan di cual ta referi na dje. E equiponan ey a bolbe Bestuurskantoor awe den dia segun e comunicado. Awe mainta ainda prome minister Evelyn Wever Croes durante un conferencia di prensa a pidi tur esnan cu por tin ekipo ainda, pa trece nan bek. No ta conoci si ta basa riba e peticion aki, algun di e equiponan aki a bolbe Bestuurskantoor. Segun e comunicado, esaki ta un parti hopi chikito cu awe mainta a worde entrega pa un coordinador di Ex Minister Mike de Meza.

  • Lampe: Na januari ta implementa plan multiligual pa tur scol na Aruba

    Lampe: Na januari ta implementa plan multiligual pa tur scol na Aruba

    ORANJESTAD – Entrante 1 di januari 2018, gobierno lo implementa e plan di scolnan multilingual pa tur scol na Aruba. Asina Minister di Enseñansa, Rudy Lampe, a anuncia durante un conferencia di prensa semanal di gobierno. Banda di esaki, Lampe a anuncia tambe cu basa riba peticion di Fundacion Lanta Papiamento, gobierno di Aruba a decreta 2018 como e aña di Papiamento.

  • Wever: Comision nobo di gobierno pa mehora caya Betico Croes

    Wever: Comision nobo di gobierno pa mehora caya Betico Croes

    ORANJESTAD – Un comision lidera pa Prome Minister Evelyn Wever Croes lo ta encarga cu mehoracion di Caya Betico Croes. Wever a anuncia esey awe mainta den un conferencia di prensa semanal di gobierno. E intencion ta pa tin tur stakeholder di tur ministerio eyden, cu ta toca Caya Betico Croes. E comision mester percura pa trece entre otro bida bek den caya, manera tabata e compromiso di campaña. E idea ta pa tin ambiente henter dia, y mester desaroya e caya como un centro cu hende ta bay cumpra. Pa loke ta e structura di e organisacion actual Obid, Wever no tabata mucho sigur di esaki y como tal mester reuni cu nan y wak con por yega na otro. E intencion por lo menos ta cu mester por logra loke cu Obid tabatin den mente. E problema, segun e prome mandatario ta, cu nunca nan (Obid) a haya sosten di e gobierno anterior. Si mester cambia con Obid tabata structura, esaki lo wordo haci. “ Lo atende cu varios comerciante pa hunto yega na e miho solucion,” Wever a finalisa bisando.

  • Oduber: Tin solucion pa Dump Parkietenbos den 90 dia

    Oduber: Tin solucion pa Dump Parkietenbos den 90 dia

    ORANJESTAD – Un comision grandi (steering committee) tin 90 dia pa bin cu un solucion concreto pa e problema di Dump na Parkietenbos. Despues gobierno tin 2 aña y mey pa instala y resolve e problema. Asina minister di medio ambiente Otmar Oduber a bisa den conferencia semanal di gobierno.

  • Oduber: Containernan cu decoracion pa rotonde, pega na China

    Oduber: Containernan cu decoracion pa rotonde, pega na China

    ORANJESTAD – Motibo cu varios of mayoria di e rotonde nan na Aruba e aña aki no ta dorna ainda pa temporada di fiesta, ta pasobra ‘”decoracion pa rotonde cu tabata den container a keda pega na China”. Asina minister di infrastructura Otmar Oduber a duna NoticiaCla como contesta. Pues esey ta e motibo cu e 60 mil florin na decoracion no ta ‘decorando’ e rotonde nan ainda. Por lo menos mayoria di nan. Esey a pone cu e mandatario a duna orden pa saca esnan di aña pasa, drecha nan y pone riba e rotonde nan. “Asina caya grandi a bin haya decoracion, asina e plaza nan a bin haya algo cu por a wordo decora e aña aki ainda” Oduber a sigui bisa. Mientrastanto Oduber ta sigura cu un 70% di e rotonde nan tin sponsor di companianan pa algun aña, den forma di adopta esaki. “Danki Dios sino nos lo a pasa cu hopi decoracion menos” Oduber a finaliza bisando. Nota: e fotonan ta ilustra dos rotonde, esun di Tarabana y esun di Wayaca cu si ta dorna caba. 

  • Bikker: Otro siman tin decision riba futuro di korpschef

    Bikker: Otro siman tin decision riba futuro di korpschef

    ORANJESTAD – Otro siman tin claridad riba e posicion di ‘korpschef’, esta Dolfi Richardson, cu por trece claridad y trankilidad bek den e cuerpo di polis di Aruba. Asina minister di husticia Andin Bikker a bisa despues di a reuni cu e sindicato di polis SPA diahuebs merdia. Segun Bikker, sindicato a informe cu e inseguridad riba e futuro di Richardson den e cuerpo y despues cu e bandona cuerpo, ta parti grandi di e problemanan den cuerpo actualmente. E no ta dunando e cuerpo e atencion mereci, y esey ta un problema segun e sindicato. Como tal a informa cu pa otro siman lo tin un decision, cu asina por enfoca riba e otro temanan y trece trankilidad bek den cuerpo.

  • ULTIMATE1
  • BDC2
  • Powered by SETAR