Kiwanis Club of Aruba a celebra Dia Universal di Derecho di Mucha

Posted on 11/22/2017 6:41 pm AST | Updated on 11/23/2017 7:19 am AST

ORANJESTAD- Riba dia 20 di november mundo henter a conmemora y celebra Dia Universal di Derecho di Mucha y en conexion cu e dia aki, Kiwanis Club of Aruba a invita 50 mucha di diferente districto di Aruba, pa un Kiwanis “Kids’ Bus Island Tour”. E tour a cuminsa mainta tempran, caminda e bus di De Palm Tours a busca tur e muchanan y hiba nan bishita diferente punto historico y atraccion turistico di Aruba. E meta di e recorido aki tabata pa e muchanan conoce un poco di e historia y cultura di Aruba y tabatin e oportunidad di bishita nos atraccion turistico y alavez pasa un mainta divertido, yena cu alegria y sorpresa cu e miembronan di Kiwanis Club of Aruba a prepara specialmente pa nan.

E prome punto cu e muchanan a bishita tabata California Lighthouse, caminda nan a ricibi desayuno. Stichting Monumenten Fonds a conta e muchanan e historia di nos faro, alaves tur mucha a ricibi vouchers pa asina nan por bin cu nan mayornan y subi pa asina experiencia e Lighthouse tour. E di dos atraccion turistico cu e muchanan a bishita ta Kapel di Alto Vista, Aruba su prome iglesia Catolico, sigui pa un bishita na Bushiribana Gold Mine, unda e muchanan a siña un poco mas di historia di Aruba su mina di oro. E di cuatro punto turistico cu e muchanan a bishita tabata, Cunucu di Chabelito “Kinderboerderij”. Aki sr. Ludy Rasmijn a duna informacion y splicacion di diferente bestia di cria y e importancia pa planta fruta y berdura. Despues e muchanan a bishita Casibari Rock Formations, caminda e muchanan a saboria un dushi cuminda cayente y bou di supervision di e miembronan di Kiwanis Club of Aruba por a subi e piedranan unico di Aruba su herencia. Durante e “Kids’ Island Tour” e muchanan a ricibi: awa, juice, sandwich, apple, banana bread y cupcake. Na final di e recorido e muchanan a ricibi un “surprise bag” yena cu articulo manera, entre otro; bloknote y pen di Aruba, skeiro di diente, pasta di diente, cup pa bebe awa, hand sanitizer, chips y buscuchi.

  • Lotto celebrando tremendo aniversario di 30 aña

    Lotto celebrando tremendo aniversario di 30 aña

    ORANJESTAD - Lucia Angela, un empleada hopi stima di Lotto, a celebra su di 30 aniversario comienzo di luna, hasiendo e asina e empleado cu mas aña na e compania. Pa sea precies e la drenta den servicio riba 1 di december na 1987. Riba e potret por nota cu e celebracion a tuma luga na oficina di Lotto hunto cu su coleganan, cual tabata uno di dushi ambiente. Lucia di su banda a duna un hopi bunita speech recordando asina su 30 aña di servicio.

  • Elmar: Rotonde di Weg Fontein a keda ilumina

    Elmar: Rotonde di Weg Fontein a keda ilumina

    ORANJESTAD -  Den fin di siman a cende e luznan di e Rotonde di Weg Fontein, cual tabata un proyecto cu a inicia entre amistadnan. NV Elmar ta sostene e proyecto aki y a adopta e rotonde aki pa di 2 aña. Tur hende tabata contento di mira con bunita e rotonde a keda ilumina. E aña aki a uza alrededor di 30 mil luz pa e rotonde aki y e diseño ta basa ariba e bala nan di kerstboom. Aña pasa e rotonde a wordo hopi bishita door di e busnan cu ta sali busca luznan di adorno pa mira y tabata tin bon comentario di e turistanan tambe cu a bishita esaki.

  • CIBC FirstCaribbean ta duna e rotonde di Tanki Flip e ambiente di pasco

    CIBC FirstCaribbean ta duna e rotonde di Tanki Flip e ambiente di pasco

    ORANJESTAD - CIBC FirstCaribbean a adopta e rotonde di Tanki Flip e aña aki y asina laga esaki luci e luznan di pasco. Comunidad ta custumbra di mira tur e rotondenan rond di Aruba bunita decora cu luznan, decoracion di pasco y lesa mensahenan di bon deseo. CIBC FirstCaribbean a pone e tres puntonan aki hunto y a duna e rotonde di Tanki Flip e ambiente aki. Aruba por aprecia luznan cu ta duna e rotonde e ambiente di pasco. Ademas tin kerstboomnan sostenibel, pensando riba nos medio ambiente cu den anochi tambe ta luci hopi bunita. Y pa termina CIBC FirstCaribbean ta duna nos comunidad e bon deseonan den e cuatro idiomanan mas uza riba nos isla.

  • Cruz Cora y Amsterdam Manor Resort a celebra cu nos grandinan

    Cruz Cora y Amsterdam Manor Resort a celebra cu nos grandinan

    ORANJESTAD? Riba diahuebs, 7 di December, Cruz Cora Aruba y Amsterdam Manor Resort a celebra fin di aña hunto cu un grupo di mas of menos 40 invitado special. E grupo aki ta existi for di 2012, ora cu Cruz Cora Aruba a dicidi di forma un grupo y bin cu un programa pa personanan riba 60 aña. E grupo ta topa 4 biaha pa aña unda Cruz Cora ta organiza mainta social-educativo y asina ta duna e grupo oportunidad pa socialisa, siña tocante diferente topico manera uso responsabel di remedi, prevencion di candela, diabetes, dementia y otro topico interesante pa nan por yuda nan mes. Pa e ultimo 5 aña, Amsterdam Manor Resort a bira un partner den e programa aki y ta ofrece e grupo un cena, desayuno of brunch di Pasco, y esaki a tuma lugar na Mango’s Restaurant. Tambe De Palm Tours a sostene e programa pa e grupo aki y ta ofrece transporte pa hiba y trece e grupo for di Cruz Cora. Cruz Cora Aruba ta hopi gradici cu e sosten di e dos companianan aki cu ta permiti Cruz Cora organiza un bunita encuentro asina pa e grupo.

  • DCA ta recorda co-compositor di nos himno nacional, Rufo Wever

    DCA ta recorda co-compositor di nos himno nacional, Rufo Wever

    ORANJESTAD – Departamento di Cultura Aruba ta recorda sr. Rufo Wever d.f.m., un baluarte den nos mundo cultural na Aruba. Un dia manera diabierna 8 di december e lo a cumpli 100 aña di edad. Rufo Wever tabata un musico, compositor y areglista conoci, kende a toca y skirbi hopi cantica. El a compone: danza, tumba, mazurka, polka, bolero, calypso, mambo, porro y zamba.

  • Luznan na Weg Seroe Preto a keda cendi

    Luznan na Weg Seroe Preto a keda cendi

    ORANJESTAD – Diasabra anochi a tabatin ceremonia di cendemento di luz na Weg Seroe Preto. Prome cu esey, tabatin cantamento di himno, y losmento di blas door di un grupo di mucha, na honor di e dos criaturanan cu a fayece recientemente. A sigui cu un discurso y resamento di Atan Lee, y finalmente pa cende e luznan den tres forma.

  • Powered by SETAR