ORANJESTAD - A.T.A. (Oficina di Turismo) y socionan di turismo a conduci varios estudionan y encuestanan ultimo añanan (y prome cu esaki). Durante e proceso di ‘Cu Mira pa Futuro’ y sigur na cada etapa a consulta cu gruponan amplio pa asina por clarifica y verifica ponencianan y direccion, hopi cu tabata hancra caba den diferente investigacion cu a wordo conduci ultimo añanan.
E plan ‘Cu Mira Pa Futuro’ a wordo desaroya hunto cu socionan durante un proceso participativo y inclusivo cu a tuma 10 luna pa completa.
E participantenan a wordo convoca den comite of gruponan a base di:
• Antecedente
• Diversidad den edad y sexo
• Tipo y nivel di experticio
• Interesnan y punto di bista tocante e mundo
• Antecedente interdisciplinario y balansa den cross-sectornan (Gobierno, Sector Priva y NGOs)
Sigur e diferencia den background como tambe e diferente criteria pa asina forma un grupo a haci e dinamica y e punto di bista di cada un grupo uno fructifero. Asina durante e diferente sesion a pone enfasis y a sigura discusionnan riba temanan diverso cu ta contene diferente punto di bista y experticio.
E metodo cu a wordo aplica durante e trayectorio di e proceso aki ta uno cu ta basa riba discussion y un comprension cla. Tambe a brinda e oportunidad pa asina priorisa y categorisa e plan di accion teniendo na cuenta e diferencia di expertisio.
‘Cu Mira pa Futuro’ ta categorisa e accionnan pa e añanan binidero bao di e siguiente 5 obhetivo:
• Un desaroyo turistico balansa
• Aumenta balor economico di turismo
• Desaroya un identidad y mentalidad innovativo pa nos producto turistico
• Amplifica presencia, integracion y protecion di nos sentido di identidad
• Stimula participacion di nos comunidad
E mision pa e proceso di desaroyo colaborativo tawata pa formula un plan di accion pragmatico pa un desaroyo di e destinacion, teniendo inovacion y un desaroyo sostenibel cu lo beneficia nos comunidad y nos bishitante, como puntonan central.
ORANJESTAD - E siman aki oficina di turismo di Aruba a anuncia e 5 ganadornan di e prome session di e progama Aruba Signature Experience pa 2024. Na aña 2021, Aruba Tourism Authority (A.T.A.) y Qredits Aruba a introduci e programa “Aruba Signature Experiences” cu e meta pa encurasha entrepreneurnan pa enfoca riba experiencia unico y inolvidabel pa nos bishitantenan.
ORANJESTAD - Dia 30 di maart ta Dia Internacional Cero Desperdicio (Zero Waste Day). E dia aki ta dedica pa eleva conscientisacion riba consumo y produccion responsabel y tambe na reduccion di desperdicio. Directie Natuur en Medio Ambiente (DNM) ta invita comunidad pa join nos den celebracion di e dia importante aki. Esaki ta e di dos biaha cu Nacionnan Uni (UN) ta observa e dia aki como cu ta na 2022 a tuma e decision pa e dia aki ta un dia observa internacionalmente. E
ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko.
ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas.