BCA: Ta mantene porcentahe actual di tasa di 'reserve requirement'

BCA: Ta mantene porcentahe actual di tasa di 'reserve requirement'

Posted on 11/17/2017 2:40 pm AST | Updated on 11/17/2017 4:07 pm AST

ORANJESTAD - Durante e reunion di dia 7 di september 2017 e Comite di Maneho Monetario (CMM) di Banco Central di Aruba (BCA) a dicidi pa mantene e percentage actual di e tasa di e “reserve requirement” na 11 porciento y e “advance rate” na 1 porciento, despues di a evalua e datonan economico y monetario mas recien. A considera e siguiente informacion y analisis den e proceso pa yega na e decision aki.

RESERVANAN INTERNACIONAL

E reservanan internacional di divisa (incluyendo diferencianan den revaluacion di oro y di reservanan internacional) y e reservanan oficial a mantene nivelnan adecua na fin di juli 2017. A pesar di e caida registra den e reservanan internacional durante e luna di juli 2017 compara cu e luna anterior, e reserva internacional di divisa a aumenta den ambos e reservanan internacional (+Afl. 5,9 miyon of +0,3 porciento) como den e reservanan oficial (+Afl. 24,9 miyon of +1,5 porciento), compara cu december 2016. Consecuentemente, e reservanan internacional y e reservanan oficial a yega, respectivamente, te na Afl. 1.898,3 miyon y Afl. 1.698,1 miyon na fin di juli 2017. 

DESAROYONAN DEN CREDITO

E crecemento di credito total di e banconan comercial a keda positivo (+3,7 porciento) na final di juli 2017 compara cu december 2016. No obstante e caidanan registra den credito na consumidor (−1,6 porciento) y den credito na empresa (−1,4 porciento), credito bancario a keda positivo, debi na expancionnan den fiansa pa construccion di cas (+2,6 porciento) y un compra neto di Afl. 108 miyon di bononan di gobierno door di e banconan comercial. 

INFLACION

Na juli 2017 a registra un caida fuerte den e prijsnan compara cu e aña anterior (−1,1 porciento) como tambe den e promedio anual di inflacion (−0,4 porciento), manera midi den e Indice di Prijs di Consumo (CPI). Ambos bahada ta principalmente causa pa un reduccion den e tarifa di coriente (−14,0 percent) na januari 2017. E promedio di inflacion ora exclui e componentenan di cuminda y energia a yega na 0,4 porciento, primordialmente reflehando un aumento den e componentenan di vivienda y hotel & restaurant di e CPI na Juli 2017.

TURISMO

Durante e prome shete lunanan di 2017, e debilidad den e mercado di turismo for di Venezuela a sigui manifesta den caidanan den e cantidad di bishitantenan total (−7,0 porciento) y anochinan permaneci na Aruba (−2,1 porciento). Di otro banda, a registra un expansion den e cantidad di turistanan crucero (+18,1 porciento), mientras cu e mercado Mericano a presta faborabelmente, loke ta refleha pa un impulso den e ingresonan turistico registra na banconan comercial (+5,9 porciento).

PLACA DEN CIRCULACION

Na juli 2017 e cantidad di placa den circulacion a aumenta cu Afl. 60,3 miyon te na Afl. 4.194,5 miyon, compara cu e luna anterior. E subida aki ta debi na expansion den e activo domestico neto (+Afl. 81,5 miyon), parcialmente mitiga pa un caida den e reserva di divisa neto (−Afl. 21,1 miyon). Mientras cu e aumento den e activo domestico di placa den circulacion ta atribui na un expansion den credito domestico (+Afl. 85,3 miyon) y un caida leve den transaccionnan no relata na credito (−Afl. 3,8 miyon), e bahada den e reserva di divisa neto a resulta principalmente door di transaccionnan relaciona cu pagonan pa importacion di mercancia, otro servicionan y transferencianan pa cuentanan den exterior. Esaki a wordo primordialmente mitiga pa entrada for di actividadnan di turismo.

MERCADO FINANCIERO

Na juli 2017, a nota subidanan den e averahe di interes riba prestamonan nobo (+1,7 punto di porcentahe te na 7,3 porciento) y den e averahe di interes riba depositonan nobo (+0,1 punto di porcentahe te na 1,9 porciento), compara cu e luna anterior. Consecuentemente, e averahe den e margen di e tasa di interes a aumenta cu 1,6 punto di porcentahe te na 5,5 porciento. 

ADVANCE RATE

E determinantenan di e “advance rate” di BCA a keda stabil. E margen entre e “advance rate” di BCA y e “Federal Funds rate” tabata 0,15 punto di porcentahe na juli 2017. Consecuentemente, no tabata tin razon pa cambia e “advance rate” di BCA.

 

  • Wever-Croes: Bishita na Corsou pa 'salvaguardia aseguradonan di Ennia Aruba'

    Wever-Croes: Bishita na Corsou pa 'salvaguardia aseguradonan di Ennia Aruba'

    ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.

  • Four Seasons ta inclui Aruba den su itinerario pa yate crucero luhoso pa 2026

    Four Seasons ta inclui Aruba den su itinerario pa yate crucero luhoso pa 2026

    MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.  

  • SETAR ta contento di partner cu Aruba Scholarship Foundation

    SETAR ta contento di partner cu Aruba Scholarship Foundation

    (ADVERTORIAL)     

  • LaSorte: No protesta contra e turista, riba desaroyo di turismo di Aruba

    LaSorte: No protesta contra e turista, riba desaroyo di turismo di Aruba

    ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio. 

  • Association of Aruban Realtors ta termina areglo di prijs prohibi despues di intervencion di AFTA

    Association of Aruban Realtors ta termina areglo di prijs prohibi despues di intervencion di AFTA

    ORANJESTAD  - Association of Aruban Realtors (AAR) despues di un reunion cu AFTA a revoca su Commission Guidelines. E guidelinenan aki ta limita competencia den prijs entre intermedario, y esey a base di e Ordenanza encuanto Competencia (Mededingingsverordening; AB 2020 no. 103) ta prohibi desde 1 di januari 2024. A traves di e revocacion di e guidelinenan aki ta kita e limitacion pa competencia den prijs, loke por conduci na tarifa mas abao. Esey ta faborabel pa consumido y empresa cu ta haci uzo di servicio di intermediario. Pa motibo di e revocacion rapido di e guidelinenan di parti di AAR y e tempo corto desde cu e Ordenanza encuanto Competencia a drenta na vigor, AFTA a para su investigacion encuanto AAR y su miembronan.

  • LaSorte: Entre hotelnan existente y nobo, mester di 1500 trahado den 2024 so!

    LaSorte: Entre hotelnan existente y nobo, mester di 1500 trahado den 2024 so!

    ORANJESTAD – Entre e hotelnan existente y esnan nobo cu tin habri e aña aki ainda, mester tin 1500 trahado den aña 2024. Y esey ta pa hotel so. Asina e CEO y Presidente di AHATA Tisa LaSorte a bisa den e programa Noticiacla LIVE diahuebs anochi. Por wak e fragmento ey di e programa AKI. 

  • Powered by SETAR