- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Parke solar STUCO oficialmente habri na St Eustatius
ORANJESTAD - E parke solar di STUCO a keda habri awe pa e representante di Reino Hulandes Mr. Gilbert Isabella, STUCO CEO Mr. Fred Cuvalay y comisionado di Energia Mr. Derrick Simons.
A considera esaki un momento historico siendo e prome parke di su calidad y e prome na mundo cu ta suministra 100% energia renobabel na e grid. Ministerio Hulandes di Asuntonan Economico a financia e proyecto cu 15 miyon dollar. E parke solar tin un componente unico cu ta consisti di un almacenamiento di bateria di 5.9 MWh cu a caba caba e premio CREFT na Miami luna pasa, y e premio Inter Solar na Alemania pa ta e proyecto mas innovativo riba tereno di energia durable. E ta e parke solar mas grandi di Caribe Hulandes y e di dos mas grandi den Reino Hulandes.
E proyecto a keda entrega dentro di e presupuesto y na tempo no obstante presencia di dos horcan. Terence Lacle di Sunshine Real Estate (SRE) a bisa cu Statia a marca historia door di switch off tur generador di diesel produciendo energia, cu esun solar 100% cu ta contribui na reduci e emision di carbon pa salvaguardia e futuro di nos muchanan.
E parke a wordo traha pa sobrevivi un horcan categoria 4, y a pasa e prueba sin ningun problema, sobreviviendo horcannan Irma y Maria, sin un solo rasca. Despues di e ceremonia inaugural, Terence Lacle di SRE, Wiebke Kruger for SMA y Silvester Koeijers pa Eco Energy a firma e documentonan necesario y despues pasa e yabinan pa e CEO di STUCO Fred Cuvalay.
Gotopo: Prolongacion di cierre frontera cu Venezuela ta un medida absurdo
CARACAS – E medida di prolongacion di ciere di frontera cu Venezuela, door di gobierno di Aruba, ta un medida totalmente absurdo. Asina e vice presidente di La Camara de Comercio y Turismo de La Vela de Coro, Juan Gotopo a bisa Noticiacla diahuebs mainta. Manera ta conoci Aruba a dicidi dialuna atrobe pa prolonga e ciere aki cu 4 luna. “E medida di ciere di frontera tuma pa e gobierno di Aruba, ta parce nos un medida totalmente absurdo, ilogica y sin sinti”, Gotopo a sigui bisa. Segun Gotopo, si pone e asunto den balansa, e ta bay contra e interes di e propio Arubianonan.
Inflacion ta mas abou na Boneiru, mas halto na Sint Eustatius y Saba
KRALENDIJK - Den e promé kuartal di 2024, produkto- i servisionan di konsumo na Boneiru tabata 3,5 % mas karu ku e aña anterior. Den e di kuater kuartal di 2023 inflashon ainda tabata 4,1 porshento. CBS ta indiká esaki a base di e índise di prèis pa konsumidó na Hulanda Karibense.
St. Maarten tambe ta boga pa saca formashon di gobierno for di man di gobernador
W’STAD/PHILIPSBURG - Formashon di gobièrnu inkluso nombramentu di minister mester ta den man di parlamento i no di gobernadó, meskos ku ta e kaso na Hulanda. Asina presidente di parlamento di St. Maarten, Sarah Wescot-Williams a trese dilanti durante un konferensia di prensa. A yama e konferensia di prensa riba preokupashon ku ta biba na St. Maarten riba proseso di screening i nombramentu di minister.
Fin di siman aki gobierno nobo di St Maarten ta huramenta porfin
PHILIPSBURG-. Porfin tin un fecha tentativo pa e gobièrnu nobo di St. Maarten hura i asina tuma asiento. Esaki ta djaweps 25 aprel awor loke ta 2 siman lat ku formadó, Luc Mercelina a spera.
Gobierno Hulandes ta investigando su embahador na Colombia
DEN HAAG – Minister demisionario di relacionan exterior Bruins Slot (Buitenlandse Zaken) ta bay investiga si su embahador na Colombia Reina Buijs a surpasa su autoridad door di firma un documento sosteniendo e organisacion di Nacionan Uni UNRWA. E organisacion aki ta bou di presion internacional pa supuesto envolvimento di colabodornan di e organisacion den e atake di terror na Hamas aña pasa October. Merca y Hulanda a congela e sosten financiero na e organisacion aki te proximo aviso.
St Eustatius ta haya gezaghebber femenino Alida Francis
ORANJESTAD -- E siman aki señora Alida Francis a huramenta como gezaghebber nobo di Sint Eustatius. Pa prome biaha den historia di e isla un hende muhe ta gezaghebber.
Follow NoticiaCla
