CDC: Aruba ainda entre paisnan den Caribe riba lista di riesgo pa Zika

CDC: Aruba ainda entre paisnan den Caribe riba lista di riesgo pa Zika

Posted on 11/16/2017 10:25 am AST | Updated on 11/16/2017 10:31 am AST

MIAMI – Aruba ta riba lista di paisnan den Caribe cu tin riesgo pa e malesa di Zika. Asina e centro Mericano pa control di malesa (CDC) ta bisa. A alerta damanan na estado pa evita islanan afecta pa horcan manera Anguilla, Antigua and Barbuda, Bahamas, the British Virgin Islands, Cuba, Dominica, Republica Dominicano , Guadeloupe, Haiti, Martinique, Puerto Rico, Saint Barthelemy, Sint Maarten, Turks and Caicos y US Virgin Islands pa motibo di e malesa basa riba muskita manera Zika, Dengue, y Chikungunya.

E alerta ta bin mientras cu CDC ta urgi Mericanonan pa postpone biahe pa areanan severamente afecta pa horcan debi na menasa serio di salud y risico di seguridad cu por ta presente, mientras cu ayudo medico ta limita of no disponibel mes.

E agencia a bisa cu awa potable contgamina y acceso limita pa awa ‘safe’, cuminda y shelter den cierto area, por crea condicionan pa brote di e malesanan manera Zika, leptospirosis, dengue, hepatitis a, typhoid, vibriosis, y influenza.

Anguilla; Antigua and Barbuda; Aruba; The Bahamas; Barbados; Bonaire; British Virgin Islands; Cuba; Curaçao; Dominica; Dominican Republic; Grenada; Haiti; Jamaica; Montserrat; the Commonwealth of Puerto Rico, a US territory; Saba; Saint Kitts and Nevis; Saint Lucia; Saint Martin; Saint Vincent and the Grenadines; Sint Eustatius; Sint Maarten; Trinidad and Tobago; Turks and Caicos Islands; US Virgin Islands tur ta keda riba lista di CDC su lista di area di risico pa Zika den Caribe segun e portal News Americas.

  • Compania Canades ta cera deal cu compania local pa produci marijuana na Aruba

    Compania Canades ta cera deal cu compania local pa produci marijuana na Aruba

    ORANJESTAD – Un compania Canades a cera deal cu compania local pa produci marijuana na Aruba den futuro. Asina prensa mericano incluyendo e portal Caribense NewsAmericasNow ta raporta. E compania, Affinor Growers Ltd a firma un acuerdo di licencia exclusivo cu e compania Vertical Designs Aruba Inc (VDA) pa produci marijuana y cuminda usando e toren vertical rotativo patenta di Affinor Growers. A cambio e comania lo ricibi 10% di propiedad den e compania. A cambio e compania local lo busca tur e toren nan pa su compania pa ta basa na Aruba. Den un reaccion cortico pa NoticiaCla, e CEO di e compania Affinor Growers, esta Nicholas Brusatore a sigura cu e compania na Aruba ta uno nobo y ta existi."Pero nos no por bisa mucho ainda. Noticia mas grandi ta na caminda. Nos ta sorry pero nos ta goberna pa leynan di seguridad na Canada" indicando cu mucho informacion ainda no por duna. 

  • Adrian awards a reconoce Aruba riba area di mercadeo y innovacion

    Adrian awards a reconoce Aruba riba area di mercadeo y innovacion

    ORANJESTAD – E siman aki, e premiacion anual di Hospitality Sales & Marketing Association International (HSMAI) a presenta Aruba Tourism Authority (A.T.A.) y nan agencia ‘The Concept Farm’, cu 11 diferente premio pa innovacion den e mercadeo di viahe durante e di 60 Adrian Awards. E categoria den cual e honornan a wordo nomina ta entre otro Social Media, Mobile Marketing, Virtual Reality y Website User Experience.

  • Jeon ta ricibi premio platinum pa produccion 'Machika' na Merca

    Jeon ta ricibi premio platinum pa produccion 'Machika' na Merca

    MIAMI- Diaranson atardi na Miami, Florida cu presencia di mas di 35 medio di comunicacion internacional Jeon, J Balvin y Anitta a ricibi un sorpresa sumamente grandi. Ehecutivonan di Universal Music a informa nan cu e cancion “Machika” a logra varios record tanto den imprecion riba youtube como den download y streams. Esaki ta conduci cu e exito “Machika” a bira Platina. Esaki ta un logro sumamente grandi Jeon kende pa promer biaha ta ricibi e premio aki. Tanto Jeon como J Balvin y Anitta no a spera esaki y despues di e ricibi e premio tabata hopi gradeci na e fanaticonan cu a hasi esaki posibel. E entrega a tuma lugar durante un asina jama “Press Day” organisa pa Universal Music unda diferente medio di comunicacion importante di Merca tabata presente pa asina entrevista e artistanan. Por a mira hopi interes pa Jeon mirando cu pa hopi e no ta un artista conoci. E number di Aruba sigur a wordo menciona na varios ocasion ilustrando cu Aruba, Colombia y Brazil a uni hunto pa e colaboracion musica di “Machika”. Ja caba Jeon tin varios presentacion tras di lomba cual tabata hunto cu J Balvin. Entre otro na Hulanda, Los Angeles, New York, Texas y pronto varios otro presentacion. Diahuebs anochi sigur tabata un anochi tambe sumamente special pa Jeon mirando cu despues di hopi aña tin un Arubiano cu a presenta den ‘Premio Lo Nuestro’ cual ta un programa/espectaculo di television unda cu tur artista Latino ta anhela pa duna su presentacion. Ta trata di miyones di televidente cu ta sigi e programa aki pa mira cua ta e artistanan a destaca durante aña y cu lo ricibi un premio. Esaki tambe tabata e promer biaha cu e tres artistanan esta J Balvin, Jeon y Anitta a presenta e cancion den forma Bibo hunto. Riba e fotonan por mira e momento cu a entrega e tres artistanan e premio y tambe un foto di e ensayo di Premio Lo Nuestro na American Airlines Arena.

  • Aruba a biba cu Jeon durante premio Lo Nuestro

    Aruba a biba cu Jeon durante premio Lo Nuestro

    ORANJESTAD/MIAMI - Aruba a biba cu e presentacion di e Arubiano Jonathan 'Jeon' Thiel diahuebs anochi durante su presentacion den e premio cotisa 'Premio Lo Nuestro' na Miami. For di e parti di red carpet, cu e presentadornan di e canal Univision a cuminsa entrevista Jeon, Facebook a luci cu comentarionan di orguyo di Arubianonan. Despues ora cu e programa mes a cuminsa, Aruba a warda 50 minuut pa porfin e artista J Balvin presenta e exito grandi Machika, en vivo como cancion di momento hunto cu Jeon. Pa un artista local cu den apenas algun siman di a keda lansa internacional y ya caba presenta den un programa internacional di nivel manera Premio Lo Nuestro, sigur tabata un logro grandi pa un yiu di tera. 

  • Doñonan di hotelnan RIU ta sigura nan inocencia di cargonan sospecha

    Doñonan di hotelnan RIU ta sigura nan inocencia di cargonan sospecha

    MIAMI – E compania hotelero internacional RIU ( cu tin dos hotel na Aruba) ta sigura cu su ehecutivonan ta ‘absolutamente inocente di cargonan cu nan ta wordo sospecha di dje’. Asina un comunicado emiti pa e compania ta bisa. Asina nan ta reacciona riba e hecho cu dialuna e doño Luis Riu y su vice presidente regional Alejandro Sánchez del Arco a entrega su mes na autoridad Mericano, keda deteni brevemente riba cargo di cu el a ofrece camber gratis a cambio di fabornan na director di construccion na Miami. Despues cu Riu y Sanchez a entrega nan mes, a presente e cargonan, Riu la paga un fianza y a keda den libertad. “ Nos ta confia cu e sistema hudicial Mericano lo conclui cu e acusacionnan aki ta totalmente infunda, y nos ehecutivonan ta desea impacientemente pa proba nan inocencia” e comunicado ta sigui bisa.

  • CNE: Dia 22 di april ta e fecha pa eleccion presidencial na Venezuela

    CNE: Dia 22 di april ta e fecha pa eleccion presidencial na Venezuela

    CARACAS – E poder electoral Venezolano a oficialmente pone fecha pa e proximi eleccion presidencial di e pais pa dia 22 di april 2018. Asina CNE (Conseho Nacional Electoral a anuncia diaranson. Esnan inscribi dia 20 di februrari, por participa na e eleccion. E organismo comicial ta activa un ‘jornada’ special di actualisacion di dato entre 10 y 20 di februari proximo. A duna como lapso pa candidatonan postula nan mes, pa entre dia 26 y 27 di februari proximo. E admision mientrastanto y rechazo di e postulacion lo ta entre 26 di februari pa 1 di maart. E campaña electoral pa e cargo di presidente ta cuminsa dia 2 di april y ta caba dia 19 di april, cu ta 17 dia pa e candidatonan por ofrece na e electorado, nan proyecto y plan na e pais.

  • Powered by SETAR