Miembronan di AHATA a atende tayer riba leynan laboral

Posted on 11/13/2017 3:01 pm AST | Updated on 11/13/2017 3:02 pm AST

ORANJESTAD - Recientemente AHATA a organisa un tayer hunto cu DIMAS, DAO y DPL pa su miembronan. Durante e tayer aki, e miembronan a ricibi diferente informacion importante di leynan di labor y di empleadonan stranheronan cu ta kier bin haci un carera na Aruba. Miembronan di AHATA a ricibi hopi informacion pa asina nan por uza durante nan trabou.

Michel Henriquez, kende ta Manager di e “Vreemdelingenketen” di Gobierno, a splica cu a inicia cu e tayer algun siman pasa. El a indica cu a organisa e tayer aki pa motibo cu nan a ripara cu ainda tin incertidumbre p’e maneho nobo cu tin den Gobierno y e departamentonan di HR di hotelnan. Michel Henriquez a elabora cu hunto cu Jim Hepple di AHATA a sinta cu e Directornan di e Departamentonan envolvi, esta DAO, DPL y DIMAS. Asina aki a bin cu e idea pa sinta cu tur departamento di recurso humano di hotelnan pa asina tur hende por ta na altura di tur cambio cu a bin na September ultimo.

Durante e tayer aki, tambe nan a papia riba e maneho di 2013 di ley laboral pasobra ainda tabatin cosnan no comprendibel riba esaki. Michel Henriquez a indica cu tambe nan a enfoca riba e parti di permisonan, pa motibo cu nan a cuminsa topa cu permiso falso y cosnan cu no ta corecto den e mercado. A duna tur e puntonan aki durante e tayer pa asina e miembronan di AHATA por mira esaki y tuma nota riba nan y unda por duna denuncia riba e situacionnan aki, pasobra na final e empleado ta sali perhudica ora cu cosnan asina sosode.

DIMAS a tene nan presentacion na e miembronan di AHATA y Kathy Paskel, directora di DIMAS, a splica cu nan a conta diferente aspecto, a elabora riba nan procedura pero tambe kico tur por spera di DIMAS den e proximo añanan. Durante e tayer aki, DIMAS a duna e miembronan di AHATA guia con nan por mira cu un permiso ta valido y no falsifica, asina e directora a expresa. Tur esunnan cu tabata presente na e tayer, tabata interesa den e procesonan con cosnan ta cana.

Beleidsmedewerker di Dimas, Jacqueline Harewood, a indica cu DIMAS ta un parti hopi importante pa loke ta trata permiso pa stranheronan. Pa cu esaki el a splica e miembronan di AHATA riba e procesonan pero tambe reconocemento di permiso falso cu no ta facil pa reconoce. Aworaki DIMAS ta den e proceso di digitalisacion y tambe nan ta den e fase di implementacion di un sistema nobo y tur esaki nan a splica esunnan cu tabata presente.

AHATA a pidi Directie Arbeidszaken (DAO) pa duna un presentacion riba Uitzend bureau y Gwendy Kock, hurista di e departamento a haci esaki. El a duna un splicacion riba e ley di esaki, pa motibo cu tin cierto mal interpretacion con e Uitzend bureau ta funcionando. A splica riba e ley pa esaki ta mas comprendibel di kico ta e condicionnan di Uitzend bureau, kico nan mag di uza y con nan por zet in e empleadonan. DAO a ricibi hopi pregunta riba e tema aki y ta spera cu awo esaki ta mas comprendibel.

PR y HR Staf functionaris di DPL, Richenel Stamper tabata presente na e tayer di AHATA y el a splica cu Departamento Progreso Laboral a duna un presentacion riba tur servicio cu ta duna. Tambe a papia riba e maneho ehecuta na e departamento. Richenel Stamper a indica cu e informacionnan aki no ta algo nobo p’e miembronan di AHATA, pero ta importante pa duna informacion despues di hopi tempo unda cu ta enfoca riba e cambionan y highlights di e maneho cu nan ta ehecuta. E meta di DPL ta pa fungi como e brug entre e miembronan di AHATA entre otro cu ta dunadonan di trabou y buscadonan di trabou.

AHATA ta sumamente gradici na Richenell Stamper di DPL, Jacqueline Harewood di DIMAS y Wendy Kock di DAO pa haci e tayer aki posibel, unda cu a ofrece 3 diferente presentacion interesante cu informacionnan valioso p’e miembronan di AHATA, asina Vanessa Rasmussen di AHATA a duna di conoce.

  • Departamento Verlos y Kraam a uni como uno den New Bed Tower

    Departamento Verlos y Kraam a uni como uno den New Bed Tower

    ORANJESTAD - E mudamento di e departamentonan di Hospital a continua y riba dia 15 di november a muda e departamento di Kraam y Verlos. Renita Blindeling, zorgmanager di e departamentonan a duna di conoce cu e proceso di preparacion tabata uno largo y cu hopi trabou, pero na final a logra pasa tur pashent riba e dia ey mes. 

  • Sinterklaas y su pietnan a yega Aruba no obstante tempo di awa

    Sinterklaas y su pietnan a yega Aruba no obstante tempo di awa

    ORANJESTAD - E homber Santo y un cantidad grandi di piet a yega Aruba diadomingo for di Spaña, y a haya un recepcion basta grandi di mucha y nan mayornan, no obstante e tempo di awa. Pa ricibi e homber Santo, minister recien huramenta Xiomara Ruiz Maduro tabata na pia di waf di crucero pa ricibi'e y tur e pietnan. A haci promesa cu tur mucha na Aruba a haci bon mucha. A sigui un parada for di waf pa Plaza Libertador Betico Croes unda cu ey a sigui un fiesta di Sint, cu yen di stand di cuminda y alegria pa tur mucha. 

  • ‘Cu mira pa futuro’ cu structura pragmatico pa desaroyo sostenibel

    ‘Cu mira pa futuro’  cu structura pragmatico pa desaroyo sostenibel

    ORANJESTAD - A.T.A. (Oficina di Turismo) y socionan di turismo a conduci varios estudionan y encuestanan ultimo añanan (y prome cu esaki). Durante e proceso di ‘Cu Mira pa Futuro’ y sigur na cada etapa a consulta cu gruponan amplio pa asina por clarifica y verifica ponencianan y direccion, hopi cu tabata hancra caba den diferente investigacion cu a wordo conduci ultimo añanan.

  • Gobernador a clarifica su 'rol', durante huramentacion Gabinete Wever Croes

    Gobernador a clarifica su 'rol', durante huramentacion Gabinete Wever Croes

    ORANJESTAD - Na ocasion di huramentacion di Aruba su gobierno nobo, -den e caso aki Gabinete Wever Croes-, Gobernador di Aruba, Su Excelencia Alfonso Boekhoudt a usa e momento aki pa den su discurso atende cierto asuntonan crucial na esnan presente. E ocasion mes tabata pa huramenta e 8 ministernan cu lo goberna pais Aruba pa e proximo 4 añanan, lidera pa Evelyn Wever Croes na cabez como e prome Prome minister femenino di Aruba. 

  • Gobernador Boekhoudt a huramenta Parlamentarionan nobo

    Gobernador  Boekhoudt a huramenta Parlamentarionan nobo

    ORANJESTAD - Den e Cas Ceremonial di Gobernador awe mainta, Gobernador di Aruba Su Excelencia sr. Alfonso Boekhoudt a huramenta 7 Parlamentario nobo. Esnan cu a keda huramenta ta Louisette Christiaans-Yarzagaray, Endy Croes, Alvin Howell, Marisol Lopez-Tromp, Juan Thijsen, Shailiny Tromp-Lee y Edgar Vrolijk. Sue Ann Ras tambe lo huramenta dilanti Gobernador otro siman. 

  • Emergency Department awo situa den New Bed Tower

    Emergency Department awo situa den New Bed Tower

    ORANJESTAD - Dia 31 di october 2017 Dr. Horacio E. Oduber Hospital a drenta den un era nobo, unda cu a muda di e edificio actual p’e New Bed Tower. Manager di Departamento di comunicacion, Charlaine Alexander-Huntington a duna di conoce cu diferente departamento ya ta den e edificio nobo y a yega e turno di departamento di emergencia, esta Emergency Department (ED) antes conoci como Spoed Eisende Hulp of Eerst Hulp. Diadomingo marduga a muda ED pa nan localidad nobo, unda cu mas o menos 40 miembro di personal ta sirbi un promedio pa aña di 35 mil pashent cu ta bishita Hospital su departamento di emergencia.

  • Powered by SETAR