Arubahuis: Tin scarsedad di camber pa e studiantenan otro aña na Hulanda

Arubahuis: Tin scarsedad di camber pa e studiantenan otro aña na Hulanda

Posted on 11/13/2017 11:58 am AST | Updated on 11/13/2017 4:32 pm AST

DEN HAAG  – Cas di Aruba, cu ta responsabel pa guia di nos studiantenan na Hulanda, ta pone hopi enfasis riba e preparacionnan cu nos hobennan cu ta pensa di bin studia na Hulanda mester haci. Manera e caso di busca un camber. Ya ta november caba y p'esey ta importante cu esun cu pa otro aña kier bin Hulanda, cuminsa busca un camber. Mentor pa e region di Den Haag, Leiden y Delft, Charité Hu-a-ng-Brion, ta duna un splicacion riba e procedura pa aplica pa camber pa studiante.

Segun sra. Hu-a-ng-Brion e demanda pa camber na diferente ciudad ta grandi, mientras cu e cantidad di e cambernan disponibel ta hopi chikito. ‘Inscribi bo mes na diferente website di organisacionnan cu ta maneha camber y cas, manera bo por mira riba e lista aki bou. Tin chens cu nan mes lo tuma contacto cu bo via e-mail. Tin ora bo tin cu paga un suma pa por inscribi na e website,’ asina sra. Hu-a-ng-Brion a bisa.

 E studiementor pa Den Haag, Leiden y Delft ta recomenda e studiantenan pa si nan tin famia of conocir na Hulanda, pa esakinan por yuda nan den nan buskeda y pa tambe pone nan anuncio riba Facebook. Charité: ‘Via via bo tin hopi chens di haya algo. Si e posibilidad presenta su mes cu bon tin cu huur un camber prome cu bo yega Hulanda, ta bon pa boso lesa e contract hopi bon prome cu firma esaki. Cualkier cos laga bo mayornan tambe lesa e contracto. Ta esencial pa traha e palabracionnan concreto cu e huurdo.’

 

Segun Charité ta bon pa busca tambe den vecindario, unda bo ta bay studia. Por ehempel si bo ta bay studia na Den Haag, lo ta bon pa check camber na Rijswijk, Voorburg, Scheveningen, Zoetermeer y Leidscheveen; e lugarnan pega cu Den Haag.

 

Aki nos ta publica un lista di e website pa busca y inscribi pa haya un camber pa e ciudadnan Leiden, Delft y Den Haag.

 

www.duwo.nl       (inscribi bo mes mas trempan posibel) www.vestingvastgoed.nl (info@vestingvastgoed.nl) www.woonnethaaglanden.nl             http://www.staedion.nl http://www.thestudenthotel.com www.kamernet.nl www.kamertje.nl www.strijkijzer.nl www.opkamers.nl www.kamer.nl www.kamerlink.nl www.sls.nl www.kamerhulp.nl Stadswonen.nl       (Rotterdam) www.rotsvast.nl www.vestia.nl

 

Nota pa redaccion: Potret ta cortesia di Cas di Aruba.

 

  • Van Raak: CITGO no a permiti delegacion Hulandes entrada na refineria

    Van Raak: CITGO no a permiti delegacion Hulandes entrada na refineria

    ORANJESTAD - E refineria CITGO no a permiti e delegacion Hulandes di drenta den e refineria. Asina e parlamentario Ronald van Raak pa partido SP y vocero pa asuntonan di Reino Hulandes den Tweede Kamer a bisa den su columna, un dia despues cu e tabata di bishita na Aruba. Den su funcion como columnista, a raporta su bishita den e portal The post Online bou di e titulo, "Loke mi no a wordo permiti pa mira". Fuera di a repasa su bishita completo, el a dedica tempo na e bishita di e delegacion na e refineria, pero no tabatin bon palabra pa esaki. "Na e refineria, e portanan a keda duro cera. Nos a pidi e compania CITGO pa un combersacion, pero nan a nenga pa ricibi delegacion di Tweede Kamer" van Raak ta sigui bisa. 

  • Polisnan sentencia den caso Mitch Henriquez ta bay apela

    Polisnan sentencia den caso Mitch Henriquez ta bay apela

    DEN HAAG – E agentenan policial envolvi den e detencion fatal di e Arubiano Mitch Henriquez, ta apela an sentencia. Asina nan abogado a raporta segun e corant hulandes Telegraaf. E polisnan a keda sentencia fin di aña pasa na castigonan condicional di 6 luna di prison, cu un periodo di prueba di un aña. “Ambos agentenan no por haya nan mes cu e sentencia aki, y e defensa ta di opinion cu mester haya absolucion total” segin e abogado di e polisnan riba e website. Ministerio publico no ta apela e sentencia den e caso di Henriquez.

  • Secretario di estado Raymond Knops na Aruba otro siman

    Secretario di estado Raymond Knops na Aruba otro siman

    DEN HAAG – Secretario di Estado Hulandes encarga cu asuntonan di Reino Raymond Knops ta bishita Aruba otro siman diahuebs 11 di januari. Asina gobierno Hulandes a informa awe mainta. Su bishita ta parti di un bishita di ‘introduccion’ pa islanan ABC cu ta cuminsa dia 8 di januari na Bonaire, sigui pa Corsou dia 9 y ta caba na Aruba dia 11 di januari.

  • Lila Henriquez: Famia Mitch Henriquez den shock cu sentencia

    Lila Henriquez: Famia Mitch Henriquez den shock cu sentencia

    DEN HAAG – E famia di e Arubiano Mitch Henriquez cu a fayece na Hulanda na 2015 despues di un disputa cu polis, ta den shock ainda. Esey despues di a tuma nota di e sentencia awe mainta cu dos polis Hulandes a haya relaciona cu e caso. “Manera bo por imagina nos un biaha mas a keda completamente sorprendí di e uitspraak di huez” Lila Henriquez, e ruman di Mitch a bisa NoticiaCla diahuebs atardi. “Nan ta culpabel di maltrato cu consecuencia e morto di Michel. Huez ta bisa cu nan straf ta 6 Luna di strafcel voorwaardelijk? Nos a keda spraakloos” Henriquez a sigui bisa. E dos polisnan a haya castigo condicional di 6 luna prison, pero por continua cu nan trabou como polis. “Eigenlijk nos ta den shock ainda cu e vonnis aki”.

  • Castigo condicional di prison pa polisnan envolvi den caso Henriquez

    Castigo condicional di prison pa polisnan envolvi den caso Henriquez

    SCHIPHOL - Corte na Schiphol na Hulanda awe mainta a sentencia e dos agentenan policial envolvi den e caso di morto di e Arubiano Mitch Henriquez cu 6 luna di castigo condicional di prison. Esaki pasobra a haya nan culpabel den e caso debi na nan actuacion durante e detencion di Henriquez na 2015.  

  • Marcha contra violencia policial na Hulanda, relaciona cu Mitch Henriquez a bay sin problema

    Marcha contra violencia policial na Hulanda, relaciona cu Mitch Henriquez a bay sin problema

    DEN HAAG – Mas of menos 100 persona a protesta diasabra atardi na Den Haag contra violencia policial, como consecuencia di e morto di e Arubiano Mitch Henriquez na 2015. E demostracion, segun polis, a bay sin incidente of detencion. Prome cu e manifestacion, e ruman muher a pidi explicitamente pa un marcha pasivo.

  • Powered by SETAR