Imagen nobo di detencion di Mitch Henriquez den corte awe

Imagen nobo di detencion di Mitch Henriquez den corte awe

Posted on 11/13/2017 10:27 am AST | Updated on 11/13/2017 4:28 pm AST

SCHIPHOL – Tin imagen nobo di e detencion fatal di e Arubiano, Mitch Henriquez di 2015, cu fiscal di husticia a bisa cu ‘e no tabata na altura di dje’. Ta trata di e imagennan original, contrario na e imagennan cu OM di Rijksrecherche a haya, segun abogado Richard Korver. E imagennan aki si ta cla y bon comprendibel.

CASO

Despues di varios luna di posponemento, e caso contra e dos agentenan policial envolucra den e morto di Henriquez, a continua awe mainta na den un sala di corte bon vigila na Schiphol. “Rijksrecherche a te hasta haci un compilacion malo di e imagennan cu no ta sirbi” segun e abogado. E imagennan cu a aparece dialuna den corte, e famianan mes a logra haya via un oficina di detective priva. Segun e abogado, por mira cla con Henriquez ta bira biña durante e detencion y cu e polisnan ta wak otro cu cara spanta.

IMAGEN

E pregunta haci ta: "Con bin cu Rijksrecherche no ta dispone di e imagennan aki?". Segun Korver, esaki ta presenta un problema na horizonte. E abogado a bisa cu e imagennan aki e lo por entrega awe ainda como material di prueba. E kier pa ministerio publico investiga e imagennan y zonido (audio) original aki mas leu. Riba esaki, corte a duna Korver permiso pa entrega e material como prueba, pero no kier a pospone e caso si. Huez ta duna su sentencia dia 20 di november proximo.

MORTO

Henriquez a fayece na 2015 despues cu el a keda deteni pa 5 agente policial na un concierto. E lo a grita varios biaha na harimento cu e tabatin un arma cu ne.

Fuente: Ret Karibense , autor Natasja Gibbs

 

  • Van Raak: CITGO no a permiti delegacion Hulandes entrada na refineria

    Van Raak: CITGO no a permiti delegacion Hulandes entrada na refineria

    ORANJESTAD - E refineria CITGO no a permiti e delegacion Hulandes di drenta den e refineria. Asina e parlamentario Ronald van Raak pa partido SP y vocero pa asuntonan di Reino Hulandes den Tweede Kamer a bisa den su columna, un dia despues cu e tabata di bishita na Aruba. Den su funcion como columnista, a raporta su bishita den e portal The post Online bou di e titulo, "Loke mi no a wordo permiti pa mira". Fuera di a repasa su bishita completo, el a dedica tempo na e bishita di e delegacion na e refineria, pero no tabatin bon palabra pa esaki. "Na e refineria, e portanan a keda duro cera. Nos a pidi e compania CITGO pa un combersacion, pero nan a nenga pa ricibi delegacion di Tweede Kamer" van Raak ta sigui bisa. 

  • Polisnan sentencia den caso Mitch Henriquez ta bay apela

    Polisnan sentencia den caso Mitch Henriquez ta bay apela

    DEN HAAG – E agentenan policial envolvi den e detencion fatal di e Arubiano Mitch Henriquez, ta apela an sentencia. Asina nan abogado a raporta segun e corant hulandes Telegraaf. E polisnan a keda sentencia fin di aña pasa na castigonan condicional di 6 luna di prison, cu un periodo di prueba di un aña. “Ambos agentenan no por haya nan mes cu e sentencia aki, y e defensa ta di opinion cu mester haya absolucion total” segin e abogado di e polisnan riba e website. Ministerio publico no ta apela e sentencia den e caso di Henriquez.

  • Secretario di estado Raymond Knops na Aruba otro siman

    Secretario di estado Raymond Knops na Aruba otro siman

    DEN HAAG – Secretario di Estado Hulandes encarga cu asuntonan di Reino Raymond Knops ta bishita Aruba otro siman diahuebs 11 di januari. Asina gobierno Hulandes a informa awe mainta. Su bishita ta parti di un bishita di ‘introduccion’ pa islanan ABC cu ta cuminsa dia 8 di januari na Bonaire, sigui pa Corsou dia 9 y ta caba na Aruba dia 11 di januari.

  • Lila Henriquez: Famia Mitch Henriquez den shock cu sentencia

    Lila Henriquez: Famia Mitch Henriquez den shock cu sentencia

    DEN HAAG – E famia di e Arubiano Mitch Henriquez cu a fayece na Hulanda na 2015 despues di un disputa cu polis, ta den shock ainda. Esey despues di a tuma nota di e sentencia awe mainta cu dos polis Hulandes a haya relaciona cu e caso. “Manera bo por imagina nos un biaha mas a keda completamente sorprendí di e uitspraak di huez” Lila Henriquez, e ruman di Mitch a bisa NoticiaCla diahuebs atardi. “Nan ta culpabel di maltrato cu consecuencia e morto di Michel. Huez ta bisa cu nan straf ta 6 Luna di strafcel voorwaardelijk? Nos a keda spraakloos” Henriquez a sigui bisa. E dos polisnan a haya castigo condicional di 6 luna prison, pero por continua cu nan trabou como polis. “Eigenlijk nos ta den shock ainda cu e vonnis aki”.

  • Castigo condicional di prison pa polisnan envolvi den caso Henriquez

    Castigo condicional di prison pa polisnan envolvi den caso Henriquez

    SCHIPHOL - Corte na Schiphol na Hulanda awe mainta a sentencia e dos agentenan policial envolvi den e caso di morto di e Arubiano Mitch Henriquez cu 6 luna di castigo condicional di prison. Esaki pasobra a haya nan culpabel den e caso debi na nan actuacion durante e detencion di Henriquez na 2015.  

  • Marcha contra violencia policial na Hulanda, relaciona cu Mitch Henriquez a bay sin problema

    Marcha contra violencia policial na Hulanda, relaciona cu Mitch Henriquez a bay sin problema

    DEN HAAG – Mas of menos 100 persona a protesta diasabra atardi na Den Haag contra violencia policial, como consecuencia di e morto di e Arubiano Mitch Henriquez na 2015. E demostracion, segun polis, a bay sin incidente of detencion. Prome cu e manifestacion, e ruman muher a pidi explicitamente pa un marcha pasivo.

  • Powered by SETAR