- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Join e mobile hair studio di Pantene y ricibi hair makeovers gratis
ORANJESTAD - Durante un presentacion pa prensa y invitadonan special, e team di PANTENE y su distribuidor Compra Ltd a kick off e PANTENE HAIR STUDIO TOUR hunto cu lansamento di dos inovacion den cuido di cabei cu internacionalmente a revoluciona con hende muhe ta cuida nan cabei y desde awor ta obtenibel na punto di benta rond di nos isla. Nos ta papia aki di un linea di tratamento yama GOLD COLLECTION y un formula completamente nobo pa tur shampoo y conditioners di PANTENE.
PANTENE ta un marca cu pa mas di 72 aña a yuda defini e palabranan “Cabei Bunita”, cu productonan di calidad crea pa cientificonan y perfeciona pa estilistanan rond mundo. Sra. Ana Maria Ramirez, Brand Manager di PANTENE a comenta “Nos no por nenga e efecto cu un cabei saludabel, fuerte y bunita tin riba e apariencia di un hende muhe, pero nos no ta papia solamente di beyesa fisico. Cu un linea completo pa tur tipo di cabey, PANTENE kier empower hende muhe pa ta orguyoso di nan cabei, fuerte y unico manera nan mes. Paso un cabei fuerte y saludabel ta un cabei bunita.” Cu e lema aki “Strong is Beautiful”, “Fuerte ta Bunita” PANTENE kier yuda fortalese e confiansa propio di cada hende muhe riba nos isla.
E Gold Collection ta consisti di tratamentonan manera e repair mask, un hydrating butter creme, un deep hydrating co-wash, curl defining pudding, tur ta producto liber di sulfato y parabens. Tambe tin producto pa estilisa bo cabei cu ta inclui un dry shampoo, alcohol free hairspray, gel y volume body boosting mousse.
Pa e lansamento aki e team di PANTENE a transforma un trailer mobil den un estudio pa cabei, cu tur e facilidadnan pa laba, blow y estilisa cabey na cualkier luga riba nos isla. Desde diasabra 11 di november, e Mobile Har Studio di PANTENE lo bishita diferente punto di benta rond di nos isla hunto cu un team di estilistanan y tur e productonan fenomenal di PANTENE pa transforma e cabei di consumidornan “On The Spot”! Participa ta masha facil, mester djis cumpra productonan selecta di PANTENE y trece bo recibo original na E Hair Studio pa asina ricibi bo Hair Makeover completamente gratis, adicionalmente bo ta participando pa gana e PANTENE BEAUTY BONUS di Afl. 1000.00 cash. E fin di siman aki e PANTENE HAIR STUDIO lo ta diasabra di 11am pa 2pm na Ling & Sons IGA Super Center y atartdi lo ta na Hong Kong Paradera di 5pm pa 8pm. Por check out e schedule completo riba e facebook page di Compra Ltd.
Kes the Band di Trinidad confirma pa Flip Flop Festival na juni!
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
Video: Con a yega na titulo di documentario ‘I can’t be moe’ ?
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Follow NoticiaCla
