Aruba Airlines iniciando e buelonan pa isla di Bonaire

Aruba Airlines iniciando e buelonan pa isla di Bonaire

Posted on 11/10/2017 11:33 am AST | Updated on 11/12/2017 12:04 pm AST

ORANJESTAD - Aruba Airlines a anuncia e fecha di opercion pa e isla di Flamingo “ Bonaire “ cuminsando desde 30 november en adelante 2017. E buelonan pa Bonaire lo ta 4 biaha pa siman, riba diamars, diahuebs, diabierna y diadomingo. Igual por haci uzo tambe di e buelonan entre Bonaire y Corsou vice versa.

BOMBARDIER 

Aruba Airlines lo ta operando cu un Avion tipo Bombardier CRJ-200 y ta reconoci como un “ Corporate Jet “ completamente nobo y moderno cu asiento di cuero. E structura parti pafo lo ta full na e colornan di Aruba Airlines mescos cu e Airbus A-320. E avion aki tin un capacidad di 50 asiento completamente clase economico. Unda bo lo sinti bo mes sinta comodamente manera un corporativo.

RESERVACION

Pa mas informacion of reservacion por yama libremente for awe caba na nos call center 583-8300 of pasa personalmente na nos oficina nan na Cumana y Aeropuerto como tambe na bo agencia di biahe preferi. Orario di oficina Aeropuerto : dialuna – diadomingo 08:00 AM – 17:00 PM Orario di oficina Cumana: dialuna – diabierna 08:00 AM – 17:00

  • Departamento di Impuesto no ta acepta pago cu cheque mas

    Departamento di Impuesto no ta acepta pago cu cheque mas

    ORANJESTAD – Departamento di Impuesto ta participa cu entrante 16 di maart 2018 no ta acepta pago cu cheque mas. A tuma e decision aki teniendo cuenta cu implementacion di e sistema digital nobo y e decision di Asociacion di Banconan di Aruba pa descontinua uzo di cheque como metodo di pago. Departamento di Impuesto ta pidi su clientenan pa tuma nota di e participacion aki pa evita consecuencia indesea.

  • KVK: Gobierno baha bo gasto prome cu aumenta salario minimo

    KVK: Gobierno baha bo gasto prome cu aumenta salario minimo

    ORANJESTAD – Prome cu gobierno kier pensa di aumenta salario minimo, e mester pone baha su gastonan prome. Esey ta e prome reaccion di presidente di Camara di Comercio Ernst Mohamed riba e anuncio di minister di Labor Glenbert Croes cu kier aumenta salario minimo, considerablemente. Segun Mohamed, no ta cuestion cu no kier aumenta salario minimo, pasobra e tambe ta kere cu tur hende merece un miho calidad di bida. Pero mester tin un poder di compra bon. Pero Camara di Comercio kier pa e minister contesta algun pregunta prome, cu tuma e paso menciona. Entre nan, ki dia kier introduci e cambio, cu cuanto e cambio mester ta, y si a investiga e impacto di e cambio aki.

  • RDA: Slowdown CITGO no ta afecta ningun stacion di gasoline

    RDA: Slowdown CITGO no ta afecta ningun stacion di gasoline

    ORANJESTAD – Refineria di Aruba (RDA) ayera despues di e anuncio di CITGO riba nan ‘slow down’ di rehabilitacion di e refineria, a sigura cu “e noticia aki no tin ningun efecto ariba e operacion di Fuels Marketing & Supply Aruba N.V. (FMSA), ni tampoco e ta afecta ningun stacion di gasolin”. FMSA ta e distribuidor principal di combustibel ariba nos isla, tanto pa stacionnan di gasolin, companianan local, WEB Aruba N.V. y Aeropuerto. “RdA como ejecutivo di e propiedadnan di refineria lo mantene comunidad di Aruba al tanto di cualkier informacion adicional” e comunicado ta sigui bisa.

  • Interpark Coney Island ta sigi na Aruba cu orario nobo

    Interpark Coney Island ta sigi na Aruba cu orario nobo
  • Delegacion CITGO na caminda pa Aruba pa duna informacion

    Delegacion CITGO na caminda pa Aruba pa duna informacion

    ORANJESTAD – Tin un delegacion di CITGO di Merca na caminda pa Aruba pa papia cu e.o. Gobierno di Aruba proximamente. Mientras cu no a duna un fecha exacto pa e bishita tuma lugar, prome minister Evelyn Wever Croes a confirma e informacion di e bishita e siman aki. E bishita tin cu duna hopi claridad riba e situacion actual di e refineria. Segun Wever, gobierno ta ocupa cu dos trayecto riba e situacion di CITGO. Entre nan via un comision huridico a keda institui pa analisa e aspecto legal pa conseha gobierno su opcionnan pa cu e deal. E otro trayecto ta e adquisicion di e informacion necesario cu ainda falta manera kico ta e compromiso y inversionnan cu CITGO tin pensa di haci y lo a priminti.

  • EcoGas riba frontpage di revista internacional

    EcoGas riba frontpage di revista internacional

    ORANJESTAD - E prestigioso revista "Business View Caribbean" pa su edicion di December 2017-Januari 2018 a dedica atencion special, riba su frontpage na e compania EcoGas di Aruba. E revista ta sali mensualmente na Merca, Canada, den Caribe y Oceania. Den Caribe so e tin mas di 30 mil abonado y ta lesa pa e ehecutivonan cu mas influencia den tumamento di decisionnan importante den e region Caribense. Su forsa ta cu e ta publica storianan real di exito di e companianan di mas influencia y cu ta haci un diferencia, considera como e berdadero lidernan den negoshi den Caribe.

  • Powered by SETAR