Arends: Satisfecho cu plan di accion pa combati contrabando di gasolin dunando fruto

Arends: Satisfecho cu plan di accion pa combati contrabando di gasolin dunando fruto

Posted on 11/8/2017 6:17 pm AST | Updated on 11/8/2017 9:50 pm AST

ORANJESTAD – “Cu hopi satisfacion mi a wordo notifica pa Ministerio Publico cu afpakteam, como tambe Cuerpo Policial, a logra desmantela un banda di contrabando di gasolin for di Venezuela,” minister Arends a informa. Nos por corda algun luna atras e titular di Asuntonan Economico a encabesa un grupo di enfoke unda diferente instancia a participa pa frena e contrabando di gasolin cu ta bin di Venezuela y ta wordo importa y rebendi aki na Aruba di manera ilegal. Como cu e comercialisacion clandestino ta consisti di un acumulacion di delitonan a envolvi tambe Ministerio Publico y Cuerpo Policial. Prohibicion importacion di gasolin procedente di Venezuela tabata e prome di e decisionnan concreto pa loke ta trata combatimento di e comercialisacion clandestino aki.

Esnan cu ta participa den e actividadnan ilicito aki no ta paga accijnzen, no ta cumpli cu regulacionan di DTI, no ta umpli cu leynan di vestigingsvergunning, no ta paga belasting, no ta cumpli cu e rekisitonan di brandweer. Contrabando di gasolin no solamente ta contribui na competencia inhusto, pero e ta forma un peliger enorme pa trahadornan di waf, pa esnan cu ta riba caminda, como tambe pa e habitantenan den e area unda e actividadnan aki ta tuma lugar. “Como Minister di Asuntonan Economico mi a alerta e instancianan concerni pa hasi esaki. P’esey amplia e grupo di enfoke cu participacion di Ministerio Publico y Cuerpo Policial pa asina por entama e pasonan hudicial necesario y penalisa e delitonan cometi,” Minister Arends a splica.

“Despues di a formalisa e prohibicion di gasolin di Venezuela, Ministerio Publico tabata na turno despues y hunto cu Cuerpo Policial a tuma e accion necesario," minister Arends a sigui bisa. "Mi kier a gradici e instancianan hudicial concerni, especialmente Ministerio Publico, afpakteam y Cuerpo Policial pa nan diligencia y determinacion den combatimento di actividanan ilicito” Minister a haci un bes mas un yamada na comunidad pa no participa den e practicanan aki. No solamente bo ta pone bo bida na peliger, pero tambe di otronan.

  • De Sousa: Kier huez dicidi riba su caso mas pronto cu ta posibel

    De Sousa: Kier huez dicidi riba su caso mas pronto cu ta posibel

    ORANJESTAD - Ex parlamentario Desiree de Sousa-Croes lo  pidi un huez dicidi riba su caso 'mas pronto posibel'. Den un reaccion breve pa NoticiaCla, e ex parlamentario a comenta cu manera indica caba, el a wordo nenga su ultimo posicion como ambtenaar, ora cu gobierno a cambia di signatura recientemente. "Nos lo protesta (bezwaar) y pidi huez dicidi riba esaki mas pronto cu ta posibel" de Sousa a sigui bisa e portal aki.  

  • Bestuurskantoor a wordo bendiciona pa Obispo Secco y Pastoor Totti

    Bestuurskantoor a wordo bendiciona pa Obispo Secco y Pastoor Totti

    ORANJESTAD - Dialuna tabata un dia bendiciona pa Gabinete Wever-Croes caminda cu tabata e prome dia di trabou pa e gobierno aki na Bestuurskantoor. Prome cu mandatarionan a drenta den nan respectivo oficinanan den Bestuurskantoor, nan a haya bendicion di Obispo Secco y Pastoor Totti dilanti di e edificio pa ricibi tambe e bendicion y guia di Dios pa nan cumpli cu nan trabou debidamente y pone Aruba na prome luga.

  • Minister Plenipotenciario Besaril y Parlamentario Ras a huramenta awe merdia

     Minister Plenipotenciario Besaril y Parlamentario Ras a huramenta awe merdia

    ORANJESTAD - Gobernador di Aruba, Su Excelencia Alfonso Boekhoudt a huramenta Minister Plenipotenciario di Aruba staciona na Hulanda Guilfred Besario y parlamentario Sueann Ras dialuna atardi na Cas Ceremonial di Gobernador. Cu e huramentacion aki, tanto Parlamento como Gabinete Wever Croes ta completo awor y e trabou real por cuminsa. Mientras cu Besaril lo  enfoca riba e asuntonan di Arubianonan na Hulanda y e relacion entre Aruba y Hulanda den su funcion nobo, parlamentario Sueann Ras su enfoke lo ta riba tereno di enseñansa y asuntonan social, mirando cu e ta sali for di mundo di enseñansa. Ras despues di a huramenta, mesora a acudi pa Parlamento pa forma parti di e reunion publico programa. Besaril mientrastanto lo sali pa Hulanda e siman aki mes pa atende cu su prome reunion di Conseho di Minister di Reino, y despues bolbe Aruba pa sigui cu su preparacion mas formal. Pa januari, su famia lo uni cu ne pa e famia ta completo na Hulanda. 

  • Gobernador Boekhoudt a huramenta Gabinete Wever Croes

    Gobernador Boekhoudt a huramenta Gabinete Wever Croes

    ORANJESTAD - Gobernador di Aruba, Su Excellencia Sr Alfonso Boekhoudt a huramenta ministernan di gabinete Wever Croes diabierna atardi den stadhuis. Esaki ta un bista fotografico di e atardi. Fotos@ kabga

  • Bista fotografico huramentacion di 7 Parlamentarionan awe mainta

    Bista fotografico huramentacion di 7 Parlamentarionan awe mainta

    ORANJESTAD - Manera cu NoticiaCla a raporta un rato pasa caba, awe mainta Gobernador di Aruba Su Excelencia Alfonso Boekhoudt a huramenta 7 di e 8 parlamentarionan nobo na Cas Ceremonial di Gobernador. Esnan cu a keda huramenta ta Louisette Christiaans-Yarzagaray, Endy Croes, Alvin Howell, Marisol Lopez-Tromp, Juan Thijsen, Shailiny Tromp-Lee y Edgar Vrolijk. Sue Ann Ras tambe lo huramenta dilanti Gobernador otro siman. Siguientemente un bista fotografico di e mainta. Fotos ©KABGA

  • Oficial: Nombernan di gabinete Wever-Croes ta conoci!

    Oficial: Nombernan di gabinete Wever-Croes ta conoci!

    ORANJESTAD - Gabinete di Gobernador a anuncia e gabinete nobo di Aruba pa 2017-2021. Esaki ta e nombernan presenta pa bira minister proximamente. 

  • ULTIMATE2
  • BDC2
  • Powered by SETAR