Wever: Formacion di gobierno ta cuestion di ‘algun rato mas’

Wever: Formacion di gobierno ta cuestion di ‘algun rato mas’

Posted on 11/8/2017 5:14 pm AST | Updated on 11/8/2017 9:41 pm AST

ORANJESTAD – Formacion di gobierno ta yegando na horizonte. Por lo menos asina formador Wever a bisa despues di su bishita na Gobernador awe merdia. Gobierno no ta forma ainda, pero ta cuestion di ‘ratonan mas’. A confirma cu ta den e parti final cu ta reparticion di cartera y ken ta candidato pa e ministernan. “E proceso ta bayendo, ta canando. Awe si mi por bisa cu tin e luz na final di e tunnel”. Pero no por a confirma cu ta huramenta gobierno nobo diabierna awor.

RAPPORT

Segun Wever a splica NoticiaCla, si keda cla cu e detayes final por eventualmente keda cla cu huramento di gobierno nobo. Pero e no ta completamente den man di formador. E tin cu presenta su rapport final unda cu ta bisa kico ta kico. “Mi no ta den posicion ainda (pa menciona e nombernan pa minister)”. Un di e puntonan cu no ta cla ainda, ta cuanto minister cada partido ta bay haya” Wever a bisa. Ni si e tin e nombernan, Wever a mustra cu no por bisa nada pasobra mester duna Gobernador espacio pa analisa e nombernan y informacion entrega. Pa diaranson mas no tabata mustra cu lo a keda cla y ta mas sigur diahuebs of diabierna elo entrega e rapport final pa Gobernador analisa.

  • De Sousa: Kier huez dicidi riba su caso mas pronto cu ta posibel

    De Sousa: Kier huez dicidi riba su caso mas pronto cu ta posibel

    ORANJESTAD - Ex parlamentario Desiree de Sousa-Croes lo  pidi un huez dicidi riba su caso 'mas pronto posibel'. Den un reaccion breve pa NoticiaCla, e ex parlamentario a comenta cu manera indica caba, el a wordo nenga su ultimo posicion como ambtenaar, ora cu gobierno a cambia di signatura recientemente. "Nos lo protesta (bezwaar) y pidi huez dicidi riba esaki mas pronto cu ta posibel" de Sousa a sigui bisa e portal aki.  

  • Bestuurskantoor a wordo bendiciona pa Obispo Secco y Pastoor Totti

    Bestuurskantoor a wordo bendiciona pa Obispo Secco y Pastoor Totti

    ORANJESTAD - Dialuna tabata un dia bendiciona pa Gabinete Wever-Croes caminda cu tabata e prome dia di trabou pa e gobierno aki na Bestuurskantoor. Prome cu mandatarionan a drenta den nan respectivo oficinanan den Bestuurskantoor, nan a haya bendicion di Obispo Secco y Pastoor Totti dilanti di e edificio pa ricibi tambe e bendicion y guia di Dios pa nan cumpli cu nan trabou debidamente y pone Aruba na prome luga.

  • Minister Plenipotenciario Besaril y Parlamentario Ras a huramenta awe merdia

     Minister Plenipotenciario Besaril y Parlamentario Ras a huramenta awe merdia

    ORANJESTAD - Gobernador di Aruba, Su Excelencia Alfonso Boekhoudt a huramenta Minister Plenipotenciario di Aruba staciona na Hulanda Guilfred Besario y parlamentario Sueann Ras dialuna atardi na Cas Ceremonial di Gobernador. Cu e huramentacion aki, tanto Parlamento como Gabinete Wever Croes ta completo awor y e trabou real por cuminsa. Mientras cu Besaril lo  enfoca riba e asuntonan di Arubianonan na Hulanda y e relacion entre Aruba y Hulanda den su funcion nobo, parlamentario Sueann Ras su enfoke lo ta riba tereno di enseñansa y asuntonan social, mirando cu e ta sali for di mundo di enseñansa. Ras despues di a huramenta, mesora a acudi pa Parlamento pa forma parti di e reunion publico programa. Besaril mientrastanto lo sali pa Hulanda e siman aki mes pa atende cu su prome reunion di Conseho di Minister di Reino, y despues bolbe Aruba pa sigui cu su preparacion mas formal. Pa januari, su famia lo uni cu ne pa e famia ta completo na Hulanda. 

  • Gobernador Boekhoudt a huramenta Gabinete Wever Croes

    Gobernador Boekhoudt a huramenta Gabinete Wever Croes

    ORANJESTAD - Gobernador di Aruba, Su Excellencia Sr Alfonso Boekhoudt a huramenta ministernan di gabinete Wever Croes diabierna atardi den stadhuis. Esaki ta un bista fotografico di e atardi. Fotos@ kabga

  • Bista fotografico huramentacion di 7 Parlamentarionan awe mainta

    Bista fotografico huramentacion di 7 Parlamentarionan awe mainta

    ORANJESTAD - Manera cu NoticiaCla a raporta un rato pasa caba, awe mainta Gobernador di Aruba Su Excelencia Alfonso Boekhoudt a huramenta 7 di e 8 parlamentarionan nobo na Cas Ceremonial di Gobernador. Esnan cu a keda huramenta ta Louisette Christiaans-Yarzagaray, Endy Croes, Alvin Howell, Marisol Lopez-Tromp, Juan Thijsen, Shailiny Tromp-Lee y Edgar Vrolijk. Sue Ann Ras tambe lo huramenta dilanti Gobernador otro siman. Siguientemente un bista fotografico di e mainta. Fotos ©KABGA

  • Oficial: Nombernan di gabinete Wever-Croes ta conoci!

    Oficial: Nombernan di gabinete Wever-Croes ta conoci!

    ORANJESTAD - Gabinete di Gobernador a anuncia e gabinete nobo di Aruba pa 2017-2021. Esaki ta e nombernan presenta pa bira minister proximamente. 

  • ULTMATE3
  • BDC2
  • Powered by SETAR